ՍՈՑԻԱԼԱԿԱՆ ԱՇԽԱՏՈՂՆԵՐԻ ՀԱՅԿԱԿԱՆ ԱՍՈՑԻԱՑԻԱ

ՀԱՅՏԱՐԱՐՈՒ...
Բաց դռների օր Հայ օգնության ֆոնդի «Երեխաների աջակցության կենտրոն» հիմնադրամում
2018 Մայիս 17

       Հարգելի գործընկերներ,

       Հայաստանի սոցիալական աշխատողների ասոցիացիայի հետ համագործակցությամբ Երեխաների պաշտպանության միջազգային օրվան ընդառաջ Հայ օգնության ֆոնդի «Երեխաների աջակցության կենտրոն» հիմնադրամը (այսուհետ՝ Կենտրոն) հայտարարում է «Բաց դռների օր» երեխաների պաշտպանության բնագավառում գործունեություն ծավալող կազմակերպությունների ներկայացուցիչների և մասնագետների համար։

       Միջոցառումն իրականացվելով ՄԱԿ-ի Ժողովրդավարության հիմնադրամի կողմից ֆինանսավորվող «Գործենք  միասին՝ հանուն հաշվետու սոցիալական պետության ՀՀ-ում» ծրագրի շրջանակներում, նպատակ ունի նպաստել սոցիալական ծառայությունների մատուցման, սոցիալական պաշտպանության բնագավառում որոշումների կայացման գործընթացում մասնակցության լավագույն            փորձի փոխանակմանը ՔՀԿ ներկայացուցիչների և սոցիալական բարեփոխումների գործընթացի շահագրգիռ կողմերի միջև մի կողմից, իսկ մյուս կողմից վերջիններիս տրամադրել հարթակ քննարկելու առանձին ոլորտային հիմնախնդիրներն ու դրանց լուծման հեռանկարները։

      Մասնավորապես, Բաց դռների օրվա շրջանակներում մասնակիցները հնարավորություն կստանան ծանոթանալու Կենտրոնի գործունեության հիմնական ուղղություններին, ՀՀ երեխաների պաշտպանության համակարգում վերջինիս զբաղեցրած դիրքին, դժվարին իրավիճակում հայտնված երեխաների և ընտանիքների հետ աշխատանքում կիրառվող մեթոդաբանությանը, պետական և ոչ պետական մարմինների հետ համագործակցության փորձին և այլն։

     Միևնույն ժամանակ, ուսումնական այցի շրջանակներում կկազմակերպվի քննարկում, որի ընթացքում անդրադարձ կկատարվի ՀՀ երեխաների պաշտպանության համակարգի  առկա հիմնական խնդիրներին և դրանց լուծման հնարավոր եղանակներին, ներկա բարեփոխումների համատեքստում:

     Հաշվի առնելով այն հանգամանքը, որ Բաց դռների օրվա շրջանակներում հնարավոր կլինի ընդունել սահմանափակ թվով մասնակիցների՝ իրականացվելու է մասնակիցների ընտրությունն համապատասխան լրացված հայտի։ Հայտը կարող եք գտնել հետևյալ հղմամբ։

             Հայտերն ընդունվում են մինչև ս.թ. մայիսի 29-ը, ժամը 17:00:

             Ընտրված հայտատուներին Բաց դռների օրվան մասնակցության մասին կտեղեկացվի մինչև ս.թ. մայիսի 30-ը՝ էլեկտրոնային փոստի միջոցով։

     Հարցերի դեպքում կարող եք կապվել մեզ հետ Հայաստանի սոցիալական աշխատողների ասոցիացիայի պաշտոնական էլեկտրոնային փոստի՝ infoaasw@gmail.com կամ ֆեյսբուքյան էջի՝ https://www.facebook.com/aasw.harmonic.society/ միջոցով։

 

 

 

«Միացյալ ձայն՝ հանուն կայուն սոցիալական պետության» վերապատրաստմանը մասնակցության հրավեր
2017 Դեկտեմբեր 07

 

Հարգելի՛ լրագրողներ, 

Սոցիալական աշխատողների հայկական ասոցիացիան սթ դեկտեմբերի 19-20-ին հրավիրում է Ձեզ մասնակցելու «Միացյալ ձայն՝ հանուն կայուն սոցիալական պետության» երկօրյա վերապատրաստմանը։ 

Վերապատրաստման ընթացքում կքննարկվի սոցիալական պաշտպանության համակարգի ներկա բարեփոխումների լուսաբանման առանձնահատկությունները։ 

Վերապատրաստումը տեղի կունենա Աղվերանի «Արթուրս Աղվերան Ռեզորթ» հյուրանոցում։ Մասնակիցների փոխադրումը մարզերից դեպի Աղվերան կկազմակերպվի Ասոցիացիայի կողմից։  

 

Մասնակցության համար հաստատումը խնդրում ենք ուղարկել մինչև ս․թ․դեկտեմբերի 12-ը՝ ժամը 14։00՝ գրելով infoaasw@gmail.com էլ․հասցեին։

 

Նշված ժամկետից ուշ արձագանքած մասնակիցների հայտերը հաշվի չեն առնվի։ Հաստատման պարագայում մասնակիցները պատասխան-նամակ կստանան մինչև ս․թ․դեկտեմբերի 15-ը։ 

 

Վերապատրաստումը իրականացվում է ՄԱԿ-ի Ժողովրդավարության հինադրամի աջակցությամբ, «Գործենք միասին՝ հանուն Հայաստանում ավելի կայուն սոցիալական պետության» ծրագրի շրջանակներում: 

Ներառական քաղաքական լաբորատորիա – ՅՈՒՆԵՍԿՕ. կայուն զարգացման նպատակներից դեպի ներառական քաղաքական պրակտիկա
2017 Օգոստոս 14

ՅՈՒՆԵՍԿՕ-ն հրավիրում է ներառական սոցիալական զարգացման բնագավառում գործունեություն ծավալող սոցիալական աշխատանքի բոլոր մասնագետներին դառնալու Սոցիալական աշխատանքի դպրոցների եվրոպական ասոցիացիայի հետ արդյունավետ համագործակցության արդյունքում ձևավորված Ներառական քաղաքական լաբորատորիայի մաս։

Ներառական քաղաքական լաբորատորիան առցանց հարթակ է, որի միջոցով մասնագետները կարող են ծանոթանալ ինչպես այս տարվա հունիս ամսին Փարիզում կայացած գիտաժողովի նյութերին, այնպես էլ հաղորդակցվել իրենց արտասահմանյան գործընկերների հետ։

Լաբորատորիային անդամակցելու համար անհրաժեշտ է գրանցվել այստեղ։ 

 

Աշխատանքի հնարավորություն Ամերիկայի հայ ավետարանչական ընկերակցությունում
2017 Հուլիս 08

Ամերիկայի Հայ Ավետարանչական ընկերակցությունը հայտարարում է մրցույթ Սոցիալական ծրագրերի բաժնի պատասխանատուի օգնականի հաստիքի համար։

Աշխատանքի նկարագրություն՝

  • Կազմակերպել շահառուների մասին տեղեկությունների ժամանակին ապահովումը շրջանային գրասենյակների կողմից,
  • Անհրաժեշտ տեղեկությունները ժամանակին տրամադրել գլխավոր գրասենյակին և գործընկեր կազմակերպություններին,
  • Կատարել շահառուների գործերի թարգմանություն,
  • Մուտքագրել տվյալները տվյալների միասնական բազայում,
  • Ապահովել հովանավորված երեխաների և հովանավորների միջև սահուն նամակագրությունը,
  • Հետևել տարեկան նամակագրական և գործերի լրացման ժամանակին իրականացմանը և ապահովմանը գլխավոր գրասենյակին և գործընկեր կազմակերպություններին,
  • Ապահովել տարեկան վիճակագրական և որակական գնահատում հովանավորության ծրագրում տարվող աշխատանքների վերաբերյալ,
  • Կատարել մոնիթորինգային այցելություններ շրջանային գրասենյակներ,
  • Ստեղծագործական և վերլուծական աշխատանք կատարելու կարողություն (հոդվածներ գրել, ստեղծարար մոտեցումներ փնտրել՝ գործող սոցիալ-կրթական ծրագրերում ներդնելու և ստացված արդյունքների արդյունավետությունը վերլուծելու համար),
  • Անմիջական ղեկավարի այլ հանձնարարություններ։

Սոցիալական ծրագրերի բաժնի պատասխանատուի օգնականի հաստիքի համար դիմելու վերջնաժամկետն է՝ 25.07.2017թ․:

Աշխատանքի հնարավորությանը ավելի մանրամասն կարող եք ծանոթանալ այստեղ։

 

 

 

 

 

 

 

 

Մասնակցության հրավեր
2017 Ապրիլ 10

«Սոցիալական աշխատանքը և մարդու անվտանգության հիմնախնդիրները»  խորագրով դասախոսությունների և սեմինարների շարքին

 

Ս. թ. ապրիլի 25-27,  ԵՊՀ սոցիալական աշխատանքի և սոցիալական տեխնոլոգիաների և կիրառական սոցիոլոգիայի ամբիոնների կողմից համատեղ իրականացվում է Հայաստանում սոցիալական աշխատանքի միջազգային օրերին նվիրված «Սոցիալական աշխատանքը և մարդու անվտանգության հիմնախնդիրները»  խորագրով դասախոսությունների և սեմինարների շարք։

 

Միջոցառմանը կմասնակցեն Վերին Ավստրիայի կիրառական գիտությունների համալսարանից (Լինց) 25 ուսանողներ՝ Լինցի համալսարանի պրոֆեսոր, սոցիալական աշխատանքի մագիստրոսական ծրագրի ղեկավար պարոն Քրիստիան Սթարքի ուղեկցությամբ։

Միջոցառման նպատակն է ստեղծել  ընդհանուր հարթակ սոցիալական աշխատանքի համատեքստում մարդու անվտանգության արդի մարտահրավերների քննարկման  և  այս բնագավառում փորձի փոխանակման համար։

ԵՊՀ սոցիալական աշխատանքի և սոցիալական  տեխնոլոգիաների և կիրառական սոցիոլոգիայի ամբիոնների բոլոր այն դասախոսներն ու մագիստրատուրայի ուսանողները ովքեր կցանկանան հանդես գալ դասախոսություններով/սեմինարներով, խնդրում ենք  ուղարել թեման, դասախոսության համառոտագիրը և տեղեկատվություն նախընտրելի օրվա մասին մինչև ս.թ ապրիլի 15-ը հետևյալ էլ. հասցեով՝ mazmanyanmariam1@gmail.com

Ներկայացվող պահանջները.

  • Տևողությունը՝ 45 ր. (ներառյալ՝ հարց ու պատասխան)
  • Լեզուն՝ անգլերեն
  • Ներկայացման նյութ (power point presentation)

Թեմատիկ շրջանակը.

  1. Միգրացիայի և փախստականների հիմնահարցեր
  2. Կանանց հիմնախնդիրներ
  3. Երեխաների պաշտպանության հիմնահարցեր
  4. Հաշմանդամություն ունեցող անձանց հիմնախնդիրներ

Նախնական օրակարգերը  տե՛ս այստեղ։

2016 Մարտ 03
2016 Մարտ 03