ՀԱՅԱՍՏԱՆԻ ՍՈՑԻԱԼԱԿԱՆ ԱՇԽԱՏՈՂՆԵՐԻ ԱՍՈՑԻԱՑԻԱ

Վերջին նորություններ
Ասոցիացիայի տարեկան հանդիպում - 2020
2020 Փետրվար 29

 

Սույն թվականի փետրվարի 28-29-ը Ասոցիացիայի կառավարման մարմինների անդամները հանդիպեցին միասին քննարկելու նախորդ տարվա ձեռքբերումներն ու դժվարությունները և որոշելու հետագա քայլերը։

Կայացված կարևոր որոշումներն ու ձեռք բերված համաձայնությունները թույլ են տալիս վստահորեն ասելու, որ 2020 լի է լինելու կարևոր և նոր ձեռքբերումներով։

 

 

ՍԱՄՖ տարեկան հաշվետվություն -2019
2020 Փետրվար 27

Սոցիալական աշխատողների միջազգային ֆեդերացիան հրապարակել է 2019 թվականի տարեկան հաշվետվությունը

5️⃣ ՏԱՐԱԾԱՇՐՋԱՆ
1️⃣4️⃣1️⃣ ԱԶԳԱՅԻՆ ԱՍՈՑԻԱՑԻԱՆԵՐ
3️⃣ ՄԻԼԻՈՆԻՑ ԱՎԵԼԻ ՍՈՑԻԱԼԱԿԱՆ ԱՇԽԱՏՈՂՆԵՐ

↪️Հաշվետվությանը կարող եք ծանոթանալ այստեղ։

 
Ավստրիացի սոցիալական աշխատողները ի պաշտպանություն աշխատաժամանակի կրճատման
2020 Փետրվար 14

Ավստրիայում սոցիալական աշխատողները դուրս են եկել ցույցի ի պաշտպանություն սոցիալական և առողջապահական ոլորտներում աշխատաժամանակի կրճատման մինչև 35 ժամ/շաբաթական։

Մեր ավստրիացի գործընկերները պնդում են, որ ներկայումս գործող 38,5 ժամ/շաբաթ աշխատաժամանակը էականորեն վնաս է հասցնում աշխատողների առողջությանն ու մեծացնում մասնագիտական այրման հավանականությունը։

Արդյո՞ք մենք ևս նման փոփոխության կարիք ունենք ․․․

Ավելին կարող եք գտնել այստեղ։

ՇՆՈՐՀԱՎՈՐ ԱՄԱՆՈՐ ԵՎ ՍՈՒՐԲ ԾՆՈՒՆԴ ․․․
2020 Հունվար 01

Ասոցիացիայի սիրելի անդամներ, համակիրներ և գործընկերներ,

Նոր 2020 թվականին Ձեզ մաղթում ենք աննկուն կամք և անսպառ էներգիա աշխարհն ավելի լավը դարձնելու Ձեր գործում։

Թող այս նոր տարին առավել առատաձեռն գտնվի և Ձեզ նվիրի այն բոլոր կախարդական բանալիներն ու միջոցները, որոնք թույլ կտան մարդկանց և ողջ հասարակության կյանքում բերել դրական փոփոխություններ։

 

Համայնքային սոցիալական աշխատանք դասընթացի շրջանավարտների վկայականների հանձնում
2019 Դեկտեմբեր 13

Այսօր ԵՊՀ-ում 《Համայնքային սոցիալական աշխատանք》հեռաուսուցման առաջին դասընթացի շրջանավարտների վկայականների հանձնման հանդիսավոր արարողությունն է

Շնորհավորում ենք բոլոր 19 շրջանավարտներին և մաղթում հաջող ընթացք իրենց դժվարին աշխատանքում

Ինչպես իր ողջույնի խոսքում նշեց Ասոցիացիայի նախագահ Մ.Անտոնյանը. 《Ասոցիացիայի դռները միշտ բաց են Ձեր առջև ցանկացած հարցով, ցանկացած իրավիճակում ... Ձեզ բարի երթ, ուժ, եռանդ և մեծ կամք ...》

Շրջանավարտները 11 ամիս շարունակ հեռավար ու առկա ձևաչափերով հնարավորություն ունեցան ուսումնասիրելու սոցիալական աշխատանքի բազմազան ոլորտներ

Ուրախ ենք, որ Ասոցիացիան նույնպես ներդրում ունեցավ այս գործընթացում, հանդիսանալով դասընթացի ծրագրի և ձևաչափի մշակողը ...

Սոցիալական աշխատողների համաշխարհային օրվա պաստառը - 2020
2019 Դեկտեմբեր 12

#WSWD2020 պաստառն արդեն հասանելի է:

2020-ին Սոցիալական աշխատանքի համաշխարհային օրը նշվելու է ՄԱՐՏԻ 17-ին:

Այս տարվա կարգախոսն է՝ խթանելով մարդկային փոխհարաբերությունների կարևորությունը։

ՀԿ ԴԵՊՈ ծրագրի փակման միջոցառումը և Ասոցիացիան
2019 Նոյեմբեր 29

Եվրասիա համագործակցության հիմնադրամի կողմից իրականացվող ՀԿ ԴԵՊՈ ծրագրի փակման միջոցառման մի մասը դարձավ նաև Ասոցիացիան՝ ի դեմ Ասոցիացիայի վարչության անդամ Մանանե Պետրոսյանի։

Պանելային քննարկման ընթացքում մեր պատվիրակը անդրադարձավ հետևյալ հարցերին՝

  • վերջին տարիներին Հայաստանի սոցիալական աշխատողների ասոցիացիայի ձեռքբերումները,
  • ԵՀՀ ՀԿ ԴեՊՈ ծրագրին մասնակցության արդյունքում ասոցիացիայի կազմակերպական մշակույթի բարելավումները,
  • ինչպես նաև ներկայացրեց Ասոցիացիայի մշտապես զարգանալու ու զարգացնելու գործելաոճի մասին։
Սոցիալական պաշտպանության թեմայով գիտապրակտիկ կոնֆերանս Արցախում
2019 Նոյեմբեր 29

Ասոցիացիայի ու ԵՊՀ Սոցիալական աշխատանքի ու սոցիալական տեխնոլոգիաների ամբիոնի կարևոր նախաձեռնության մասին...

Արցախի Մեսրոպ Մաշտոց համալսարանի հետ համագործակցությամբ այսօր Ստեփանակերտում տեղի ունեցավ《《Ոչ պատերազմ, ոչ խաղաղություն》 պայմաններում երեխաների կրթման և դաստիարակության ներկա մարտահրավերներն ու լուծումները Արցախում》գիտապրակտիկ կոնֆերանսը։

Ոլորտի պատասխանատուների հետ քննարկվում են Արցախում սոցիալական աշխատանքի մասնագետների պատրաստման ծրագրերի ներդրման հնարավորությունները։

Ինչպես նշեց, Ասոցիացիայի նախագահ Միրա Անտոնյանը՝ 《...Արդեն ժամանակն է Արցախում նույնպես սոցիալական աշխատանքի ներմուծման. մեր քաղած դասերը և անցած ճանապարհը հստակ կօգնեն այս գործընթացում։ Առաջին քննարկումն արդեն իրականություն է, կհետևեն նորերը...》։

Քննարկում Զբաղվածության պետական ռազմավարության վերաբերյալ
2019 Նոյեմբեր 26

Սույն թվականի նոյեմբերի 22-23-ը տեղի ունեցած Զբաղվածության պետական ռազմավարության հիմնադրույթների վերաբերյալ աշխատանքային քննարկմանը մասնակցեցին և իրենց ներդրումն ունեցան նաև Ասոցիացիայի ներկայացուցիչները։

Ավելին, «Կրթություն-զբաղվածության շուկա» թեմատիկ ուղղությամբ աշխատանքային խմբի քննարկումը վարում էր Ասոցիացիայի վարչության անդամ Ռուբեն Մարկոսյանը:

Քննարկումը կազմակերպվել էր ՀՀ Աշխատանքի և սոցիալական հարցերի նախարարության կողմից Սեյվ դը չիլդրեն կազմակերպության աջակցությամբ:

Սոցիալական աշխատողների աշխատանքային պայմանների գլոբալ հետազոտություն
2019 Նոյեմբեր 17

Միացե՛ք, կիսվե՛ք Փեր փորձառությամբ

Սոցիալական աշխատողների միջազգային ֆեդերացիան դիմում է ողջ աշխարհի սոցիալական աշխատողներին մասնակցելու սոցիալական աշխատողների աշխատանքային պայմանների վերաբերյալ առաջին միջազգային հետազոտությանը։

Հետազոտությանը կարող եք մասնակցել այստեղ։

 

 

Պարգևատրում Ասոցիացիայի կողմից
2019 Նոյեմբեր 13

 

Ասոցիացիան արդեն երկրորդ տարին անընդմեջ իր հատուկ մրցանակն է հանձնում ԵՊՀ ՈՒԳԸ Ուսանողական ամենամյա գիտաժողովի Սոցիալական աշխատանքի թեմայով լավագույն զեկուցման համար։

Շնորհավորում ենք Աննա Դավթյանին հետաքրքիր ու նորարարական զեկույցի և այս տարվա հատուկ մրցանակին արժանանալու համար։

«Սոցիալական աշխատանքը և արժանապատիվ սոցիալական պաշտպանության արդի օրակարգը Հայաստանում» միջազգային գիտաժողով
2019 Նոյեմբեր 04
Երևանի պետական համալսարանի գիտական խորհրդի նիստերի դահլիճում այսօր տեղի է ունեցել «Սոցիալական աշխատանքը և արժանապատիվ սոցիալական պաշտպանության արդի օրակարգը Հայաստանում» խորագրով երկօրյա միջազգային գիտաժողովի բացման արարողությունը:

Գիտաժողովը կազմակերպվել էր Հայաստանի սոցիալական աշխատողների ասոցիացիայի, ԵՊՀ սոցիոլոգիայի ֆակուլտետի սոցիալական աշխատանքի և սոցիալական տեխնոլոգիաների ամբիոնի և ՀՀ աշխատանքի և սոցիալական հարցերի նախարարության կողմից ՝ ԱՄՆ միջազգային զարգացման գործակալության (USAID), «Վորլդ Վիժն Հայաստան» միջազգային կազմակերպության և ՄԱԿ-ի մանկական հիմնադրամի հետ համագործակցությամբ:

«Սոցիալական աշխատանքը և արժանապատիվ սոցիալական պաշտպանության արդի օրակարգը Հայաստանում» գիտաժողովը նվիրված էր Երևանի պետական համալսարանի հիմնադրման 100, Հայաստանում սոցիալական աշխատանքի կրթության կազմակերպման 25, ԵՊՀ սոցիոլոգիայի ֆակուլտետի, ԵՊՀ սոցիալական աշխատանքի և սոցիալական տեխնոլոգիաների ամբիոնի ու Հայաստանում սոցիալական աշխատողների ասոցիացիայի ստեղծման 15-ամյա հոբելյաններին:

Միջոցառման սկզբում ողջույնի խոսքով հանդես եկավ ԵՊՀ ռեկտորի ժամանակավոր պաշտոնակատար պարոն Գեղամ Գևորգյանը, որը շնորհավորեց ներկաներին սոցաշխատողի մասնագիտական օրվա կապակցությամբ․«Կարևորն այն է, որ կարողանաք ձեր աշխատանքով օգտակար լինել մարդկանց, որոնք ունեն դրա կարիքը, իսկ այդպիսի մարդիկ միշտ կլինեն: Ձեր և հասարակության մնացած անդամների աշխատանքից է կախված նման մարդկանց կյանքը թեթևացնելը և, որ էլ ավելի կարևոր է, նրանց հանրային կյանքին ներգրավելը։ Բոլոր մարդիկ ճիշտ աջակցության դեպքում կարող են ոչ միայն իրենց լիարժեք զգալ, այլև կատարած աշխատանքով օգտակար լինել հանրությանը»։   

ՀՀ աշխատանքի և սոցիալական հարցերի նախարար Զարուհի Բաթոյանը միացավ շնորհավորանքներին և նշեց, որ այս մասնագիտությունը և աշխատանքը, թերևս, ամենակարևորն է համարում ժողովրդավարական, սոցիալական պետության համար։

«Չեմ վախենա նշել, որ Հայաստանում սոցիալական աշխատանքի ինստիտուտն ավելի շատ կայացել է ակադեմիական մակարդակում։ Մեր երկրում առկա մասնագիտական կրթության ոլորտում ներուժը, ցավոք, պետական ծրագրերում կամ պետական քաղաքականության մեջ գործնական կիրառություն չի գտել այնքան, որքան որ պետք է տեղի ունենար՝ հիմնվելով նշված միջոցների վրա»,- ասաց Զ․ Բաթոյանը։

Նա նշեց, որ կարիքի գնահատման վրա հիմնված քաղաքականությունն է օգնում մեզ մեր ծրագրերը դարձնել մարդակենտրոն։

«Ես ուզում եմ ասել, որ ՀՀ կառավարության ու Աշխատանքի և սոցիալական հարցերի նախարարության քաղաքականությունը հենց այսպիսի աշխատանքի վրա պետք է հիմնված լինի՝ կարիքի գնահատման և այդ կարիքին համապատասխան ծառայությունների ու քաղաքականության մշակման։ Այդ իմաստով շատ կարևորում ենք ոլորտի մասնագետների, փորձագետների փորձը, աշխատանքը, նրանց  գիտելիքներն ու համագործակցությունը, որովհետև սոցիալական աշխատանքի կարևորությունը ոչ միայն խնդիրների լուծման իմաստով է արդիական, այլև այդ խնդիրները կանխարգելելու»,- ասաց նախարարը։

Նա վստահություն հայտնեց, որ առաջիկայում համագործակցության ավելի լայն հնարավորություններ են լինելու, ինչին մանրամասն անդրադարձավ իր հետագա ելույթում։ Զարուհի Բաթոյանը խոսեց ակտիվ համագործակցության մասին և ասաց, որ ակնկալում է բոլորի աջակցությունը։

«Սոցիալական աշխատանքը և արժանապատիվ սոցիալական պաշտպանության արդի օրակարգը Հայաստանում» գիտաժողովի ընթացքում ողջույնի խոսքով հանդես եկավ նաև Հայաստանում ՄԱԿ-ի մանկական հիմնադրամի ներկայացուցչի տեղակալ Լիվ Էլին Ինդրեյթենը, որը շնորհավորեց ներկաներին այս հատուկ օրվա կապակցությամբ։

Նա նշեց, որ սոցիալական աշխատողի դերը շատ կարևոր էր Երեխաների իրավունքների կոնվենցիայի ընդունման հարցում։

«Սոցիալական աշխատողները բարեփոխում են կյանքը։ Նրանք փոխում են կյանքի պայմանները, որոնք պայմանավորում են երեխայի կյանքը։ Սոցաշխատողն աշխարհում ամենաշատ պահանջարկ ունեցող մասնագիտություններից է»,- ասաց Լիվ Էլին Ինդրեյթենը։

Նա շնորհակալություն հայտնեց սոցիալական աշխատողին իր կատարած աշխատանքի և հատկապես խոցելի խմբի երեխաներին ցույց տված աջակցության համար։

«Մենք արդեն կարողացել ենք հասնել նրան, որ երկխոսության հնարավորություն և ասելիք ունենք միջազգային հանրության համար։ Մենք այսօր հյուրընկալում ենք 7 պրոֆեսորների և հետազոտողների աշխարհի տարբեր համալսարաններից ու կազմակերպություններից, որը դարձել է բարի ավանդույթ։ Հայաստանը հյուրընկալում և երկխոսության մեջ է մտնում սոցիալական աշխատանքի առաջավոր պրակտիկա ունեցող երկրների հետ, որովհետև արդեն իսկ ձևավորել է սեփական ասելիքը և կարող է փոխանցել իր փորձը»,- իր խոսքի սկզբում ասաց Հայաստանի սոցիալական աշխատողների ասոցիացիայի նախագահ Միրա Անտոնյանը։

Նա անդրադարձավ այն մարդկանց, կազմակերպություններին, որոնք աջակցում են նմանօրինակ միջոցառումների կայացմանը, ինչպես նաև մասնագիտության զարգացմանը՝ նշելով, որ սա իսկապես գործընկերային գործընթաց է, որտեղ շատ են դերակատարները։

Ելույթներից հետո տեղի ունեցան պանելային քննարկումներ։

Երեխաների պաշտպանությունը և սոցիալական ծառայությունների աշխատուժի զարգացումը
2019 Հոկտեմբեր 06

Հանգստյան օրերն անցան՝ տարածաշրջանում սոցիալական աշխատանքի կրթության և պրակտիկայի վերաբերյալ բովանդակային քննարկումներով, որի ընթացքում Հայաստանը ներկայացնում էին Ասոցիացիայի վարչության անդամներ՝ Նունե Գեղամյանը և Տաթևիկ Կարապետյանը։

Հանդիպման ընթացքում անդրադարձ եղավ հետևյալ հարցերին՝

 Սոցիալական ծառայությունների աշխատուժի պրոֆեսիոնալիզացիային, հատկապես երեխաների և ընտանիքների պաշտպանության ոլորտներում,
 Սոցիալական աշխատողների կրթական ծրագրերում պրակտիկայի բաղադրիչին,
 և այլ ոլորտային հարցերի։

Սոցիալական ծառայությունների աշխատուժի զարգացման վերաբերյալ աշխատանքային խմբի քննարկումների մասնակցում էին ներկայացուցիչներ՝ Վրաստանից, Ադրբեջանից, Տաջիկստանից, Ուկրաինայից, Սերբիայից, Բուլղարիայից, Ալբանիայից և, իհարկե, Հայաստանից։ Հանդիպման արդյունքների հիման վրա նախատեսվում է կազմակերպիչ կողմի՝ Սթրաթչիլդի համալսարանի Երեխաների խնամքի և պաշտպանության գերազանցության կենտրոնի (CELCIS) աջակցությամբ համատեղ տարածաշրջանային ծրագիր իրականացնել:

ՀԱՂԹԱՀԱՐԵԼՈՎ ՏԵՂԱՊՏՈՒՅՏԸ
2019 Մարտ 05

Սոցիալական աշխատողի գործառույթներին նման գործառույթներ իրականացնողների հզոր բանակ կա Հայաստանում. ՍԱՏԳ/Բ-ների, Զբաղվածություն, Երեխաների պաշտպանության բաժիններ, այժմ արդեն նաև` համայնքային սոցիալական աշխատողներ, մանկատների, ցերեկային կենտրոների, ծերանոցների, վերականգնողական կենտրոնների և ոչ պետական բազմաթիվ ծառայությունների աշխատակիցները: Ասոցիացիայի հաշվարկներով խոսքը գնում է մոտ 4.000 մարդու մասին ... Մեծ բանակ է, իսկապես մեծ:

 

Շատերը ոլորտի նվիրյալներ են, պատրաստ փոփոխությունների, պատրաստ սովորելու և մարտահրավերները հաղթահարելու: Ոմանք պատահական անցորդներ են ոլորտում, իրենցը չէ, որևէ մասնագիտական մոտիվացիա չունեն այդտեղ գործելու, մի զգալի մասն էլ չի պատկերացնում, թե ի՞նչ կարելի է անել այս կերպ և ինչն՝  այլ կերպ...

 

Առաջին խումբը փոփոխություն է ուզում, կանոնակարգված դաշտ, պաշտպանված և ճանաչված, մասնագիտական ազատություն և անձնական պատասխանատվություն, ինչը սոցիալական աշխատանքի ողնաշարն է...

 

Երկրորդ խումբը առաջին իսկ հնարավորության կամ ճնշման պարագայում կթողնի ոլորտը, մեկ այլ տեղում համեղ պատառ որոնելու ակնկալիքով, իսկ երրորդ խումբը... հասկանալու կարիք ունի, թե ինքը ինչ ոլորտում է աշխատում, ինչպես ինքը ի վիճակի լինի հարգանքով ու հավատով վերաբերվել մարդկանց, ով աղքատությունից ու աղքատության մշակույթից է տառապում, ով իր կյանքի ձախողումներից ինքնուրույնաբար գլուխ չի հանում... Երրրորդ խումբը կարիք ունի հասկանալու` ինքն ու՞նի այդ դրական էներգիան փոխանցելու այդ մարդկանց, ունի այդ շփման արվեստը, էթիկական արժեհամակարգը, ինքը ի վիճակի է արդյո՞ք սեփական հոգսերից կտրվել, երբ գործ ունի ուրիշի հոգսերի հետ... Այլ խոսքով, այս մարդիկ կարիք ունեն յուրացնելու մասնագիտության ոչ միայն տառն ու կանոնը, այլ նաև ոգին կամ էլ հասկանալ, որ դա իրենցը չէ...

 

Կարծես թե այս ամենն այնպեեես համահունչ է դրական փոփոխությունների ներկա հոսքին կամ դրան ուղղված ջանքերին: Ոլորտը այլևս չի կարող չպրոֆեսիոնալիզացվել, այլևս տեղ չունենք և ԻՐԱՎՈՒՆՔ ՉՈՒՆԵՆՔ հապաղելու...

 

Դրա համար մեզ նախ և առաջ օրենք է պետք . ՕՐԵՆՔ ՍՈՑԻԱԼԱԿԱՆ ԱՇԽԱՏԱՆՔԻ ՄԱՍԻՆ: Մենք առաջինն ենք սկսել, դարձյալ, խոսել ոլորտի աշխատուժի կանոնակարգման անհրաժեշտության մասին, առաջինն ենք պատրաստվել, սակայն դեռ չունենք այդ օրենքը, (հառաչանքով պետք է ասեմ, որ արդեն ուրիշներն ունեն, ինչևէ...):

 

Օրենքից կբխեն պրոֆեսիոնալիզացիայի համար անհրաժեշտ իրավական ակտերը, գործողությունները, ժամկետները: Աշխատուժի պրոֆեսիոնալիզացիան կարճաժամկետ ակցիա չէ, անշուշտ, բայց ոլորտի կանոնակարգված չլինելու պատճառով, այսօր, բազմաթիվ (ցավոք սրտի ոլորտին չսազող, իրենց վարքով ու բարքով սոցիալական բառն անգամ արատավորող) մարդկանց փոխարեն շարունակում են ոլորտ մտնել դարձյալ առանց կրթության, առանց պատրաստվածության մարդիկ, այսինքն, իրոք տեղապտույտ է և երբեք չի վերջանա այս տեղապտույտը, եթե օր առաջ չկանոնակարգենք, աշխատուժին առաջադրվող պահանջները չհստակեցնենք...

 

Մարտը սոցիալական աշխատանքի համար յուրահատուկ ամիս է:

 

Թեման կշարունակենք ծավալել «Սոցիալական աշխատանքի շաբաթվա» ընթացքում՝ մարտի 18-22-ին։ 

Հայտարարությունները շուտով հասանելի կլինեն Ասոցիացիացիայի պաշտոնական վեբկայքում և ֆեյսբուքյան էջում։

 

Հեղինակ՝ Մ․ Անտոնյան, ՀՍԱԱ նախագահ

Համաժողովի հայտարարություն․ ՈՐԱԿՅԱԼ ՍՈՑԻԱԼԱԿԱՆ ԾԱՌԱՅՈՒԹՅՈՒՆՆԵՐ՝ ՀԱՇՎԵՏՈՒ ՍՈՑԻԱԼԱԿԱՆ ՊԵՏՈՒԹՅՈՒՆ. ՁԵՎԱՎՈՐՎՈՂ ՕՐԱԿԱՐԳ
2019 Մարտ 05

 

Յուրաքանչյուր սոցիալական պետության հիմքում իր քաղաքացիների արժանապատիվ և բարեկեցիկ կյանքի երաշխավորումն է: Այն անհնար է պատկերացնել առանց սոցիալական պաշտպանության արդյունավետ համակարգի գործառնման:

Մոտ քառորդդարյա պատմություն ունեցող սոցիալական պաշտպանության համակարգը մեր երկրում գտնվում է շրջադարձային փուլում: Ներկայումս նշանակալի ջանքեր են գործադրվում համակարգը դարձնելու մարդակենտրոն, մարդու իրավունքների վրա խարսխված և, որ ամենակարևորն է, խթանելու    մարդկանց ինքնանաբավ գործառնումը:

Ներկա փուլի հաջողությունները մեծամասամբ պայմանավորված են այն դիրքորոշումներով և լուծումներով, որոնք  առաջ կքաշվեն  ոլորտում այս կամ այն չափով ներգրավված շահագրգիռ կողմերի (պետական կառույցներ, կրթական հաստատություններ, ոչ պետական կազմակերպություններ և, իհարկե, մասնագիտական հանրույթ)   միջև կառուցողական երկխոսությունների արդյունքում:

Այս ողջ գործընթացում հիմնարար է սոցիալական աշխատողների դերը, ովքեր «առաջին գծի» մարտիկներ են և յուրաքանչյուր օր իրենց գիտելիքները, փորձն ու ջանքերը ներդնում են բնակչության ամենախոցելի խմբերի պաշտպանությունն ու աջակցությունը կազմակերպելու հարցում։ Միևնույն ժամանակ, բնակչության սոցիալական հիմնախնդիրների արդյունավետ և կայուն լուծումներն ուղղակիորեն կախված են սոցիալական աշխատողների պրոֆեսիոնալիզմի մակարդակից։ Գաղտնիք չէ, որ սոցիալական ծրագրերի և  ծառայությունների մասնագիտացված աշխատուժն է, որ հնարավորություններ է  ստեղծում  անգամ ոչ բավարար հասանելի ռեսուրսների պարագայում  ապահովել բնակիչներին որակյալ սոցիալական ծառայությունների մատուցումն այնպես, որ խթանվի մարդկանց` բարեգործական և հումանիտար աջակցությունից անկախ ակտիվ գործառնումը:

Հետևաբար, պետական և ոչ պետական սոցիալական ծառայություններում ներգրավված  կադրերի` սոցիալական աշխատանքի և հարակից մասնագիտությունների  ներկայացուցիչների    պրոֆեսիոնալիզացիան է այն կարճ ու արդյունավետ ուղին, որը թույլ կտա սոցիալական հիմնախնդիրների կանխարգելման և հաղթահարման ուղղությամբ հիմնարար և մնայուն արդյունքի հասնել։

Հաշվի առնելով վերոնշյալը, Հայաստանի սոցիալական աշխատողների ասոցիացիան հրավիրում է  սոցիալական ոլորտում գործունեություն ծավալող, մասնագիտության զարգացման և սոցիալական ծառայությունների պրոֆեսիոնալիզացիայի հիմնախնդիրներով հետարքրքրված և այդ գործընթացում իրենց ներդրումը բերելու պատրաստակամություն հայտնած մասնագետներին` մասնակցելու  «Որակյալ սոցիալական ծառայություններ՝ հաշվետու սոցիալական պետություն. ձևավորվող օրակարգ»  խորագիրը կրող միջոցառումների շարքին:  Վերջին տաս տարիների ավանդույթին հավատարիմ, այս համաժողովը նվիրվում է Սոցիալական աշխատանքի համաշխարհային օրվան: 

 

Համաժողովը բաղկացած է երկու մասից.

ՍՈՑԻԱԼԱԿԱՆ ՈԼՈՐՏԻ ՊՐՈՖԵՍԻՈՆԱԼԻԶԱՑԻԱՅԻ ԱՐԴԻԱԿԱՆՈՒԹՅՈՒՆԸ.  ՀՆԱՐԱՎՈՐ Է ԱՐԴՅՈ՞Ք  ԿՈՆՍԵՆՍՈՒՍ ԱՅՍ ՀԱՐՑՈՒՄ | Սոցիալական աշխատողների մասնագիտական հանրույթի խորհրդաժողով - Մարտի 21

Սոցիալական աշխատողների մասնագիտական հանրույթի խորհրդաժողովի նպատակն է համախմբելով ոլորտում գործունեություն ծավալող կառույցների սոցիալական աշխատողներին մեկ հարկի տակ՝ միասնական մոտեցումներ ձևավորել սոցիալական աշխատողի տեղի և կարգավիճակի վերաբերյալ՝ տեղի ունեցող փոփոխությունների համատեքստում, քննարկել սոցիալական ծառայությունների և դրանցում փաստացի գործառնող աշխատուժի  պրոֆեսիոնալիզացիայի ուղիները։

ԽորհրդաԺողովի շրջանակներում տեղի կունենա նաև Ասոցիացիայի մարզային պատվիրակների ընտրություն, կձևավորվեն մասնագիտական խորհրդատվական խմբեր։

 

ՈՐԱԿՅԱԼ ՍՈՑԻԱԼԱԿԱՆ  ԾԱՌԱՅՈՒԹՅՈՒՆՆԵՐ՝ ՀԱՇՎԵՏՈՒ ՍՈՑԻԱԼԱԿԱՆ ՊԵՏՈՒԹՅՈՒՆ. ՁԵՎԱՎՈՐՎՈՂ ՕՐԱԿԱՐԳ | Գիտաժողով - ՄԱՐՏԻ 22

Գիտաժողովի շրջանակներում մասնակիցները հնարավորություն կստանան ունկնդրելու ելույթներ ոլորտի պրոֆեսիոնալիզացիայի ուղիների և սոցիալական պաշտպանության կազմակերպման տարբեր մակարդակների` կանխարգելումից մինչև վերականգնում  սոցիալական ծառայությունների որակի ապահովման նախադրյալների վերաբերյալ, ինչպես նաև մասնակցելու սեկցիոն քննարկումներին` արտահայտելու սեփական դիրքորոշումները:

 

Խորհրդաժողովին և գիտաժողովին հրավիրված են   Ազգային ժողովի  պատգամավորներ, ԱՍՀՆ, ԿԳՆ, ՏԿՆ ղեկավարներ, ինչպես նաև  աջակցող միջազգային, դոնոր և սփյուռքի կազմակերպությունների ներկայացուցիչներ:

 

Կազմակերպչական հարցեր

Բոլոր հետաքրքրված անձանց, ովքեր ցանկանում են մասնակցել վերը նշված միջոցառումներին, խնդրում ենք լրացնել մասնակցության հայտը՝ հետևյալ հղմամբ, մինչև ս․թ․ մարտի 13-ը, ժամը՝ 20:00-ն։

Տեղերի սահմանափակության պատճառով մասնակիցների ընտրությունը կկատարվի համաձայն լրացված հայտերի։

Իսկ եթե հետաքրքրված եք զեկույցով հանդես գալու գիտաժողովի ընթացքում, ապա խնդրում ենք լրացնել նաև զեկույցի ներկայացման հայտը՝ հետևյալ հղմամբ։ Գիտաժողովի հանձնաժողովի կողմից ընտրված զեկույցների հեղինակները ներկայացման մասին կտեղեկացվեն լրացուցիչ։ 

  

Ընտրված մասնակիցները միջոցառման վայրի և այլ մանրամասների մասին կտեղեկացվեն լրացուցիչ, մինչև ս.թ. մարտի 16-ը։

 

Ասոցիացիան հոգալու է մասնակիցների ճաշի և սուրճի ընդմիջումների ծախսերը, իսկ հեռու մարզերի դեպքում նաև ճանապարհածախսը։

 

Միացե՛ք մեզ, միասին ձևավորելու Հայաստանում  

սոցիալական ծառայությունների զարգացման  

արդյունավետ օրակարգը

 

 

 

ՔԱՂԱԾ ԴԱՍԵՐ. քառորդ դար անց
2019 Մարտ 03

 

Եթե ելնենք քաղած դասերից, ապա կարող ենք ամրագրել հետևյալը.

 

Ա. Մասնագիտական կադրերի հարցերի կարգավորված չլինելը հանգեցնում է տեղապտույտի. ոլորտ շարունակվում են ընդունվել մարդիկ, ովքեր պատրաստված չեն այդ մասնագիտությամբ աշխատելու համար, ուստի վնասվում են թե՛ իրենք, թե՛ ոլորտը, թե՛ շահառուները, որ հատկապես կարևոր է: Մենք խախտում ենք մարդկանց` որակյալ սոցիալական ծառայություններ ստանալու` Սոցիալական խարտիայով ամրապնդված իրավունքը:

Բ. Շարունակելով այս չկանոնակարգված վիճակը, գրեթե ամլացնում ենք համալսարաններին, քանի որ իրենց թողարկած մասնագետները, թեև շատ անհրաժեշտ է, սակայն մուտք չունեն ոլորտի աշխատաշուկա։

Գ. Հասկանալով, որ սոցիալական ոլորտ լայն իմաստով չի նշանակում միայն սոցիալական աշխատող, ավելին, մյուս օգնող մասնագետները օդի ու ջրի պես անհրաժեշտ են ծառայություններում մարդկանց գրագետ օգնելու համար, (այնպես, որ մարդիկ այլևս ինքնուրույն գործառնեն, առանց պետության օգնության), սակայն բանալի դերը այդ մասնագիտության մեթոդաբանության մեջ է` դեպքի վարման, առանց որի սիներգիայի էֆեկտ չի առաջանում, աջակցությունը կտրտված է, չկանոնակարգված, սպոնտան և դա ռեսուրսների կորուստ է, այն էլ ինչպիսի կորուստ...

Դ. Սոցիալական ոլորտ նեղ իմաստով միանշանակ պահանջում է կրթությամբ սոցիալական աշխատողներ. մարդկանց հետ խոսելու, նրանց քաջալերելու, առաջնորդելու, ինքնաբավության մղելու արվեստին այդ մասնագետներն են տիրապետում, եթե պրոֆեսիոնալ են... մենք կշարունակենք խոսել, միայն խոսել, բայց ոչ գործել` աղքատության մասին, եթե ասպարեզ չբերենք իրական սոցիալական աշխատողներին...

Ե. Չափազաաաանց երկար է տևում ոլորտի պրոֆեսիոնալիզացիան... Այդ մասին քայլերը կարծես սկսել ենք դարձյալ տարածաշրջանում առաջինը, բայց ցավոք սրտի, ձևն ենք փորձում հարմարացնել պրոֆեսիոնալիզացիայի պահանջներին, ոչ թե բովանդակությունը. Օրինակ՝ 40-50 ժամ սոցիալական աշխատանքի մասին, դրա շուրջը և դրա վերաբերյալ խոսելուց հետո մարդկանց տալիս ենք սոցիալական աշխատողի որակավորում (սա անընդունելի խեղաթյուրում է, որին պետք է նոր կառավարությունը վերջ տա հնարավորինս շուտ..., լավ կլիներ` անմիջապես) և ակնկալում, որ նա մի կերպ գլուխ կհանի գնալով ոլորտ: Այդպիսով, թե՛ այդ մարդուն ենք դնում ռիսկային վիճակում և, թե՛ հատկապես այն մարդկանց, ովքեր կդիմեն այդ մարդուն` ակնկալելով աջակցություն...

 

 

ՇԱՐՈՒՆԱԿԵԼԻ ․․․

 

Հեղինակ՝ Մ․ Անտոնյան, ՀՍԱԱ Նախագահ

 

Մենք առաջինն էինք ․․․
2019 Մարտ 02

Մարտը սոցիալական աշխատողների համար առանձնահատուկ ամիս է... Ամբողջ աշխարհում, գրեթե բոլոր երկրներում մասնագիտական ասոցիացիաները կազմակերպում են քննարկումներ, ծավալում երկխոսություններ մասնագիտության, մասնագիտական կրթության, սոցիալական ծառայությունների մասնագիտացման ու սոցիալական քաղաքականության հարցերի շուրջ:

Հայաստանը տարածաշրջանում, ընդ որում ոչ միայն Հարավային Կովկասում, այլ նաև ամբողջ հետխորհրդային տարածքում առաջինն էր, որ սկսեց սոցիալական աշխատանքի կրթությունը Երևանի պետական համալսարանում, շնորհիվ պրոֆ. Լյուդմիլա Հարությունյանի, իսկ արդեն 1993-ին երկրում ներդրվեցին սոցիալական ծառայությունների տարածքային բաժինները:

Հայտնի աղետների պատճառով Հայաստան շտապեց միջազգային օգնությունը, սփյուռքը: Ստեղծվեցին մասնագիտացված սոցիալական աշխատանքի բազմաթիվ ծառայություններ: Այդ ծառայություններից որոշները ժամանակի ընթացքում փակվեցին ` մեր կարճատեսության պատճառով, որոշները դադարեցին գործել` մնալով առանց դրսի` սփյուքի ու միջազգային կազմակերպությունների ֆինանսական և տեղի, գոնե բարոյական, աջակցության... Բայց շատերը շարունակում են համառորեն գոյատևել, զարգանալ, նորերն են հիմնվում, շատ դրական օրինակներ կան, որոնցից նոր ծառայությունները ոգեշնչվում են և ստեղծվում դրանց, այսինքն, հայկական մոդելների հիմքի վրա: Մի օր հուսամ, կգրվի այս պատմությունը...

Հայաստանում հետաքրքիր իրավիճակ է այսօր. մի կողմից կարծես առաջինն ենք ձեռնարկել մարդկանց մասնագիտացված, գիտականորեն հիմնավորված մեթոդներով օգնության, այլ խոսքով` գրագետ օգնության գործընթացի կազմակերպումը բոլոր երեք բաղադրիչներում` կրթություն, ծառայությունների կազմակերպում և սոցիալական քաղաքականություն` համապատասխանաբար, սակայն մյուս կողմից բոլոր տեղերում գրեթե դեռ կես ճանապարհին ենք` կիսա- ներդրած, կիսա- կազմակերպած, կիսա-ճանաչված, կիսա-հասկացված, կիսա-նկատված, կիսա-կարևորված, կիսա-իրացված, կիսա- կանոնակարգված, կիսա-պաշտպանված, կիսա, կիսա, կիսա...

 

ՇԱՐՈՒՆԱԿԵԼԻ ․․․

Հեղինակ՝ Միրա Անտոնյան, ՀՍԱԱ նախագահ

Համայնքային սոցիալական աշխատողների կարողությունների զարգացում
2019 Փետրվար 08

 

Հայաստանի սոցիալական աշխատողների ասոցիացիան հավատարիմ մնալով սոցիալական ծառայությունների աշխատուժի կարողությունների զարգացման իր առաքելությանը, այս անգամ իրականացնում է վերապատրաստողների համար նախատեսված դասընթաց «Համայնքային սոցիալական աշխատանքի» թեմայով։

Դասընթացի նպատակն է ընդլայնելով սոցիալական ոլորտի մասնագետների գիտելիքները համայքային սոցիալական աշխատանքի վերաբերյալ, ընդլայնել այս թեմայով վերապատրաստողների շրջանակը։

Ինչպես, դասընթացի մասնակիցներին ուղղված իր ողջույնի խոսքում նշեց ՀՀ ԱՍՀ նախարարի առաջին տեղակալ Արսեն Մանուկյանը՝ բավականին կարևոր է նմանատիպ վերապատրաստումների իրականացումը, քանի որ գիտելիքի փոխանցումը իրապես փրկօղակ կարող է լինել ավելի արդյունավետ սոցիալական քաղաքականության և հետագա իրականացվելիք ծրագրերի համար։

Դասընթացի մեկնարկին ողջույնի խոսքով հանդես եկան նաև ԱՄՆ Միջազգային զարգացման գործակալության ներկայացուցիչ Անի Մանուկյանը, Վորլդ Վիժն Հայաստան ՄԲԿ Երեխաների պաշտպանության ծրագրերի ղեկավար Աիդա Մուրադյանը և Հայաստանի սոցիալական աշխատողների ասոցիացիայի նախագահ Միրա Անտոնյանը։

ԱՄՆ ՄԶԳ ներկայացուցիչ Անի Մանուկյանը իր ողջույնի խոսքում արտահայտելով ԱՄՆ ՄԶԳ պատրաստակամությունը աջակցելու պետության կողմից իրականացվող բարեփոխումներին ասաց․ «Անգամ իդեալական համակարգը չի կարող աշխատել, եթե չունենք մարդկային կապիտալ։  Մեր նպատակն է հարստացնել մասնագիտական գանձարանը»։

Վորլդ Վիժն Հայաստան Երեխաների պաշտպանության ծրագրերի ղեկավար Աիդա Մուրադյանը իր խոսքում կարևորելով սոցիալական պաշտպանության համակարգի ապակենտրոնացումը, նշեց․ «Մենք ցանկանում ենք աջակցել սոցիալական պաշտպանության համակարգի կայացմանը ոչ միայն Երևանում, այլ նաև մարզերում, ահա թե ինչու հատկապես կարևորում ենք համայնքային սոցիալական աշխատողների դերի բարձրացումը»։

Ինչպես նշում է Ասոցիացիայի նախագահ Միրա Անտոնյանը․ «Սոցիալական աշխատանքի մասնագետների ներդրման տեսանկյունից երկիրը գտնվում է շատ կարևոր փուլում, մարդիկ կարիք ունեն պրոֆեսիոնալ, գրագետ աջակցության։ Շատ կարևոր է, որ դաշտ մտնի համայնքային սոցիալական աշխատողների հմուտ, գրագետ, իրազեկ բանակ, որովհետև սոցիալական աշխատանքում՝ ամենակարևոր սկզբունքը, չվնասելն է։ Հաշվի առնելով, որ այդ բանակում շատերը չունեն մասնագիտական կրթություն, նմանատիպ վերապատրաստումների նպատակը հենց այն օգնող հնարավորություններն են, որոնք օգնում են կիրառման մեջ դնել չվնասելու սկզբունքը։ Շատ հույս ունենք, որ դա կլինի ոչ միայն չվնասել, այլև խանդավառությամբ աշխատանք, մարդկանց օգնել, համակարգը վերջապես մարդակենտրոն, իրավունքակենտրոն դարձնելու նպատակով»։

Դասընթացն իրականացվում է Հայաստանի սոցիալական աշխատողների կողմից՝ Վորլդ Վիժն Հայաստան ՄԲԿ-ի հետ համագործակցությամբ ԱՄՆ ՄԶԳ ֆինանսավորմամբ իրականացվող «Հասանելի համայնքային սոցիալական ծառայություններ» ծրագրի շրջանակներում։

 

  

«Թրաֆիքինգի դեմ պայքար ուսանողական մրցադաշտ» խորագրով ծրագրի շրջանակներում իրենց փորձով կիսվեցին ՀՍԱԱ ներկայացուցիչները
2018 Դեկտեմբեր 19

Հայաստանի սոցիալական աշխատողների ասոցիացիայի փորձագետները մշտապես կարևորում են շփումը երիտասարդների հետ և շարունակում են իրենց փորձն ու գիտելիքները փոխանցել նրանց։ Հերթական հանդիպումը տեղի ունեցավ դեկտեմբերի 17-ին, երիտասարդների խոցելիության նվազման և մարդկանց թրաֆիքինգի ու շահագործման վտանգների մասին իրազեկվածության մակարդակի բարձրացման համար Հայաստանի Հանրապետության սպորտի և երիտասարդության հարցերի նախարարության կողմից կազմակերպվա=ծ «Թրաֆիքինգի դեմ պայքար ուսանողական մրցադաշտում» թեմայով գիտելիքների ծրագիր-մրցախաղի շրջանակներում:

Ծրագրի առաջին՝ նախատեղեկատվական փուլում, թեմայի վերաբերյալ դասախոսությամբ և փորձագիտական խորհրդատվությամբ հանդես եկան Հայաստանի սոցիալական աշխատողների ասոցիացիայի նախագահ Միրա Անտոնյանը և Հայաստանի սոցիալական աշխատողների ասոցիացիայի վարչության անդամ  Նունե Գեղամյանը:

Երիտասարդներին ներկայացվեց թրաֆիքինգի երևույթը, պատճառներն ու հետևանքները, խոսվեց թրաֆիքինգի զոհերի պաշտպանության, այս հարցի վերաբերյալ հասարակության իրազեկման կարևորության մասին։ Հատուկ անդրադարձ կատարվեց թրաֆիքինգի մասին կարծրատիպային պատկերացումներին և նրան, թե երիտասարդները որքանո՞վ են ռիսկային թրաֆիքինգի ենթարկվելու տեսանկյունից։ Քննարկում - դասախոսությունը ուղեկցվում էր ֆիլմի դիտումներով ու քննարկումներով։

Ասոցիացիայի նախագահ Միրա Անտոնյանը, խոսելով ուսանողների և երիտասարդների հետ նման հանդիպում-քննարկումների կարևորության մասին, նշեց․ «Այսպիսի հանդիպումները նոր շունչ են բերում, թույլ են տալիս նոր հայացքով նայել արդեն իսկ գոյություն ունեցող իրողություններին։ Հույս ունեմ, որ դրանք կլինեն շարունակական և իրենց նպաստը կբերեն մեր երկրում սոցիալական հիմնախնդիրների կանխարգելման, դրանց մասին համապատասխան պատկերացումներ ձևավորելու գործում։ Նման ակտիվ և հետաքրքրված լսարանի առկայությունն այս տեսանկյունից իսկապես հուսադրող է»։    

Դե իսկ յուրացված գիտելիքների մասին էր խոսում ծրագրի երկրորդ՝ մրցութային փուլը, որի ժամանակ առավելագույն միավորներ կուտակած առաջին երեք թիմերը՝ Ballard (38659), Traffickers (33497) և ASALA (33159) արժանացան մրցանակների և նվերների։ Նվերների թվում էր նաև Հայաստանի սոցիալական աշխատողների ասոցիացիայի կողմից հրատարակված “Թրաֆիքինգ․ սոցիալական աշխատանքի առանձնահատկությունները թրաֆիքինգի զոհերի հետ” ուսումնական ձեռնարկը։

 

  

 

 

Հայաստանի սոցիալական աշխատողների ասոցիացիան հաշմանդամություն ունեցող երեխաների հիմնախնդիրներով զբաղվող միջմարզային կոալիցիայի հիմնադիր անդամ
2018 Նոյեմբեր 28

Նոյեմբերի 27-ին տեղի ունեցավ Եվրամիության կողմից ֆինանսավորվող «Կառուցողական երկխոսության հանձնառություն» ծրագրի շրջանակնեում ձևավորված Հաշմանդամություն ունեցող երեխաների հիմնախնդիրներով զբաղվող միջմարզային կոալիցիայի ձևավորումը, որի հիմնադիր անդամներից մեկը՝ Հայաստանի սոցիալական աշխատողների ասոցիացիան էր։

Կոալիցիայի նպատակն է նպաստել Հայաստանում ներառական կրթության կայացմանը և հաշմանդամություն ունեցող երեխաների շահերի պաշտպանությանը՝ մեծացնելով ՔՀԿ-ների ազդեցությունը այս ոլորտի հանրային քաղաքականությունների մշակման և իրականացման գործընթացներում:

Հիմնադիր ժողովի շրջանակներում կոալիցիան անդամակցող 33 կազմակերպություններ քննարկեցին կոալիցիայի կանոնակարգը, կազմվեց հիմնադիր խորհուրդը և հետագա համատեղ գործողությունների ծրագիրը:

Ասոցիացիան մշտապես կարևորելով սոցիալական ոլորտի տարբեր բնագավառներում սոցիալական ծառայությունների արդյունավետ մատուցումն ու դրանցում պրոֆեսիոնալ սոցիալական աշխատողների ակտիվ ներգրավվածությունը, կփորձի իր ներդրումն ունենալ կոալիցիայի կայացման գործում։ Կոալիցիային անդամակցելով ասոցիացիան իր աջակցությունն ու պատրաստակամությունն է հայտնում նպաստելու ոլորտի զարգացմանը։

«Սոցիալական պաշտպանության դերը կայուն զարգացման օրակարգում. չանտեսելով ոչ ոքի» խորագիրը կրող միջազգային համաժողով Հայաստանում
2018 Նոյեմբեր 18

Հայաստանյան սոցիալական աշխատանքի համար նոյեմբերը նշանակալի ամիս է։ Չէ՞ որ, նոյեմբեր ամսին ոչ միայն նշվում է սոցիալական աշխատողների ազգային տոնը (նոյեմբերի 4), այլև՝ սոցիալական պաշտպանության և սոցիալական ծառայությունների հիմնադրումը մեր երկրում։ Այս տարին սոցիալական պաշտպանության ոլորտի համար հոբելյանական է, քանի որ նշվում է Աշխատանքի և սոցիալական հարցերի նախարարության հիմնադրման 100-րդ և սոցիալական ծառայությունների ու սոցիալական աշխատանքի հիմնադրման 25 ամյակները։

2018-ի հոբելյանական տոնակատարությունները մեկնարկեցին «Սոցիալական պաշտպանության դերը կայուն զարգացման օրակարգում. չանտեսելով ոչ ոքի» խորագիրը կրող եռօրյա միջազգային համաժողովով, որը տեղի ունեցավ հոկտեմբերի 31-ից նոյեմբերի 2-ը։ Համաժողովը մեկտեղել էր սոցիալական ոլորտի տեղական և միջազգային ավելի քան 250 ներկայացուցիչների` պետական ծառայողներ, համայնքային  և տարածքային կառավարման մասնագետներ, ավելի քան 20 երկրների սոցիալական աշխատողների ասոցիացիաները ներկայացնող սոցիալական աշխատողներ, տեսաբաններ, պրակտիկներ, մասնավոր և հասարակական հատվածի ներկայացուցիչներ, երիտասարդներ և լրագրողներ, ովքեր քննարկեցին Հայաստանում սոցիալական քաղաքականության ներկան և ապագան, աղքատության կրճատման գլոբալ տեսլականանը կայուն զարգացման 2030 օրակարգում, սոցիալական քաղաքականության բազմաթիվ հարթությունները, համապարփակ մոտեցումների անհրաժեշտությունը աղքատության կրճատման գործում, հաշվետվողական և պրոֆեսիոնալ սոցիալական աշխատանքը՝ որպես կզն և սոցիալական քաղաքականության իրագործման հիմնասյուն, արդյունավետ սոցիալական աջակցության համակարգերի ներդրումը բնակչության բոլոր կարիքավոր խմբերի համար և այլն։

Հայաստանի սոցիալական աշխատողների ասոցիացիայի, Աշխատանքի և սոցիալական հարցերի նախարարության, ՄԱԿ-ի Մանկական հիմնադրամի և Համաշխարհային բանկի միացյալ ջանքերով կազմակերպված «չանտեսելով ոչ ոքի» կարգախոսը որդեգրած միջազգային համաժողովի նպատակն էր ամրապնդել ներկա սոցիալական մարտահրավերների հաղթահարման գործընթացում սոցիալական պաշտպանության կարևորությունը։ Մասնավորապես, շեշտադրելով այն հանգամանքը, որ տնտեսական զարգացումը պետք է ուղեկցվի սոցիալական պաշտպանության համակարգում փոփոխություններով։

Սոցիալական պաշտպանությանը նվիրված համաժողովի բացման խոսքում Հայաստանի սոցիալական աշխատողների ասոցիացիայի նախագահ Միրա Անտոնյանը ողջունելով ներկաներին ասաց. «Այս տարի նշում ենք սոցիալական աշխատողի ինստիտուտի 25-ամյակը և ավելի քան կարևոր է դիտարկել սոցիալական ոլորտի աշխատողների մասնագիտական գիտելիքները, աշխատանքային պայմանները: Սոցիալական ծառայությունների և մասնագետների աստիճանական պրոֆեսիոնալիզացիան ոլորտի բարեփոխումների հիմնասյունն է»։

Համաժողովին ողջույնի խոսքով ելույթ ունեցան նաև Աշխատանքի և սոցիալական հարցերի նախարարի պաշտոնակատար Մանե Թանդիլյանը, Հայաստանում ՄԱԿ-ի մշտական համակարգող Շոմբի Շարփը, Հայաստանում ՄԱԿ-ի Մանկական հիմնադրամի ներկայացուցիչ Տանյա Ռադոչայը և Համաշխարհային բանկի հայաստանյան գրասենյակի տնօրեն Սիլվի Բոսութղոն։ 

Փորձագետները մասնակցեցին տարատեսակ պլենար քննարկումների, ինչպես նաև հնարավորություն ունեցան այցելելու և տեղում ծանոթանալու ՀՀ-ում գործող սոցիալական ծառայություններին և, իհարկե, մշակութային այցերի շրջանակներում բացահայտելու Հայաստանը։

Ամփոփելով համաժողովը՝ հայ և միջազգային փորձագետները լիագումար նիստում քարտեզագրեցին ՀՀ-ում սոցիալական պաշտպանության համակարգի զարգացման ճանապարհային տեսլականը։ Նրանք հեռացան տեսլականը միասնական ջանքերով իրակականություն դարձնելու ծրագրերով, պայմանավորվածություններով և հույսով։

 

 

Եվրամիությունն աջակցում է սոցիալական աշխատանքի զարգացմանը Արևելյան գործընկերության երկրներում
2018 Մայիս 04

2015 թվականի ապրիլից մինչև 2018 թվականի մայիսը Սոցիալական աշխատողների հայկական ասոցիացիան Վրաստանը, Մոլդովայի և Արդբեջանի համանուն ասոցիացիաների հետ համատեղ իրականացնում էր Եվրոպական միության և Ավստրիական զարգացման գործակալության աջակցությամբ իրականացվող Սոցիալական աշխատողների համագործակցությունը հանուն սոցիալական փոփոխությունների ծրագիրը։

Ծրագրի նպատակն էր նպաստել խոցելի բնակչության բարեկեցությանը, սոցիալական արդարությանն ու սոցիալական փոփոխությանը՝ զարգացնելով սոցիալական աշխատանքվերը նշված երկրներում։

Ս․թ․ մարտի 28-ին Թբիլիսիում տեղի ունեցավ Ծրագրի փակման համաժողովը, որտեղ ներկայացվեցին հիմնական արդյունքներն ու ձեռքբերումները։

Ծրագրի և համաժողովի վերաբերյալ ավելի շատ տեղեկատվություն, այդ թվում ներկայացված նյութեր և լուսանկարներ, կարող եք գտնել հետևյալ հղմամբ

ԵՐԵԽԱՆԵՐԻ ՁԱՅՆԸ ՀԱՆՈՒՆ ԿԱՅՈՒՆ ՍՈՑԻԱԼԱԿԱՆ ՊԵՏՈՒԹՅԱՆ
2017 Օգոստոս 22

Ինչպիսի՞ մասնակցություն ունեն երեխաները Հայաստանում իրենց վերաբերյալ որոշումների կայացման գործընթացում, որո՞նք են երեխաների պաշտպանության ոլորտի հիմնական բացերը և դրանց լուծման հնարավոր ուղիները:

Այս հարցերի պատասխանները գտնելու նպատակով ս. թ. հուլիս ամսին Սոցիալական աշխատողների հայկական ասոցիացիան կազմակերպել էր Երիտասարդական ճամբար, որի մասնակիցները ՀՀ-ում երեխաների խնամք իրականացնող տարբեր տիպի հաստատությունների ներկայիս և նախկին սաներն էին։

Երիտասարդական ճամբարին իրենց մասնակցությունն ունեցան և փորձառությամբ կիսվեցին  նաև Նորվեգիայի «Stiftelsen Hiimsmoenkollektivet» կազմակերպության սաները:

Ճամբարի շրջանակներում իրականացված միջոցառումների արդյունքում հնարավոր դարձավ երեխաների սոցիալական պաշտպանության խնդիրներն ու դրանց լուծման հնարավորությունները տեսնել հենց իրենց՝ «երեխաների աչքերով»։

Երիտասարդական ճամբարի կազմակերպման հիմքում դրվել էր երեխայի մասնակցության սկզբունքը։ Վերջինս արտահայտվում է երեխաների  լսված լինելու, ազատ  արտահայտելու, բոլոր տեսակի բռնություններից և խտրականությունից պաշտպանված լինելու իրավունքների իրացման համար համապատասխան պայմանների և հնարավորությունների ստեղծման միջոցով։ Սա Ասոցիացիայի հիմնական սկզբունքներից մեկն է, որը բխում է երեխայի լավագույն շահից:

Նյութի ամբողջական վերլուծությունը կներկայացվի աշնանը կայանալիք հանրային լսմանը։

[Երիտասարդական ճամբարը կազմակերպվել էր Սոցիալական աշխատողների հայկական ասոցիացիայի կողմից ՄԱԿ-ի Ժողովրդավարության հիմնադրամի ֆինանսավորմամբ իրականացվող «Գործենք միասին՝ հանուն կայուն սոցիալական պետության» ծրագրի շրջանակներում: ]

Քաղաքացիների ձայնը հանուն կայուն սոցիալական պետության
2017 Օգոստոս 14

 

Որքանո՞վ են քաղաքացիները ներգրավված սոցիալական պաշտպանության ոլորտում որոշումների կայացման գործընթացում և ինչպիսի՞ խոչընդոտներ կան այդ ոլորտում քաղաքացիական մասնակցության համար։

Այս հարցերի պատասխանները Սոցիալական աշխատողների հայկական ասոցիացիան փորձել է ստանալ հանրապետության մարզերում և ք. Երևանում իրականացված շուրջ 12 հանրային քննարկումների միջոցով, որոնց մասնակցություն են ունեցել ավելի քան 800 քաղաքացիներ։

Վերլուծելով հանդիպումների ընթացքում բարձրաձայնված խնդիրները, Ասոցիացիայի կողմից առանձնացվել են որոշ ընդհանուր եզրահանգումներ սոցիալական բարեփոխումների վերաբերյալ քաղաքացիների ընկալումների և իրազեկվածության մակարդակի վերաբերյալ։

Նման հարթակի տրամադրումը թույլ տվեց քաղաքացիներին ներկայացնելու իրենց տեսակետներն ու առաջարկությունները ՀՀ սոցիալական պաշտպանության համակարգում տեղի ունեցող բարեփոխումների վերաբերյալ, մասնավորապես այնպիսի ոլորտների, ինչպիսիք են երեխաների խնամքի հաստատությունների վերակազմակերպումը, հաշմանդամության որոշման կարգում սոցիալական մոդելի կիրառումը, ընտանեկան բռնության կանխարգելման վերաբերյալ օրենսդրական փոփոխությունների իրականացումը և ինտեգրված սոցիալական ծառայությունների ներդրումը։

Հանրային քննարկումների ընթացքում մասնակիցները կիսում էին տեսակետներ ծառայությունների սակավության, մարզերի բնակիչների համար դրանց հասանելի չլինելու, ինչպես նաև գործող սոցիալական ծառայությունների միջև համագործակցության պակասի վերաբերյալ, որոնք ուղղակի ազդեցություն են գործում մատուցվող ծառայությունների որակի, հետևաբար նաև քաղաքացու սոցիալական հիմնախնդիրների լուծման հնարավորությունների վրա։

«Կա սովոր պրակտիկա ու դա գործում է, նոր ծառայությունները չեն կարողանում

մեր երկրում գործել, մենք դեռ պատրաստ չենք դրանց»

Հատկապես, նկատելի էր քաղաքացիների շրջանում թերահավատությունը հնարավոր համակարգային փոփոխությունների վերաբերյալ։ Եվ չնայած այդ ամենին, այնուամենայնիվ, նրանք շարունակում էին հույս ունենալ, որ բարեփոխումները կբերեն ցանկալի փոփոխությունների և այդ առիթով ներկայացնում իրենց առաջարկությունները գործընթացի բարելավման ուղղությամբ։

Ելնելով վերոնշյալ եզրահանգումներից,  կարելի է նշել, որ սոցիալական բարեփոխումների վերաբերյալ տեղեկատվությունը և դրանցից բխող օրենսդրական փոփոխությունները քաղաքացիներին կա՛մ հասանելի չեն, կա՛մ հասանելի են դառնում միայն ուշացած կերպով։  

«Գոնե մի բրոշյուր լիներ, որ իմանայինք ի՞նչն ինչո՞ց է»

Հանրային քննարկումներն իրականացվել են Սոցիալական աշխատողների հայկական ասոցիացիայի կողմից ՄԱԿ-ի Ժողովրդավարության հիմնադրամի ֆինանսավորմամբ իրականացվող «Գործենք միասին՝ հանուն կայուն սոցիալական պետության» ծրագրի շրջանակներում։

Նյութի ամբողջական վերլուծությունը կներկայացվի աշնանը կայանալիք հանրային լսմանը։

 

 

Սոցիալական աշխատողների միջազգային ֆեդերացիայի եվրոպական տարածաշրջանի ներկայացուցիչների ժողովը 26-28 մայիսի, Իսլանդիա, Ռեյկյավիկ
2017 Մայիս 30

Այս տարի մայիսի 26-28-ը Սոցիալական աշխատողների միջազգային ֆեդերացիայի եվրոպական տարածաշրջանի ներկայացուցիչների ժողովը հյուրընկալվել էր Իսլանդիայի մայրաքաղաք Ռեյկյավիկում։ Ներկայացուցիչների խորհրդի հանդիպմանը Հայաստանը ներկայացնում էր Սոցիալական աշխատողների հայկական ասոցիացիան ի դեմս ասոցիացիայի նախագահ՝ Միրա Անտոնյանի և Գործադիր տնօրեն՝ Մանանե Պետրոսյանի։

Ներկայացուցիչների խորհրդի ժողովը, որին մասնակցում էին 45 պատվիրակներ 22 եվրոպական երկրներից, հյուրընկալել էր Իսլանդիայի սոցիալական աշխատողների ասոցիացիան։

Ժողովի ընթացքում Մանանե Պետրոսյանը վերընտրվեց Սոցիալական աշխատողների միջազգային ֆեդերացիայի եվրոպական տարածաշրջանի Գործադիր խորհրդի նախագահի առաջին տեղակալ՝ մեկ տարի ժամկետով։

ՍՈՑԻԱԼԱԿԱՆ ԱՇԽԱՏԱՆՔԻ ՄԻՋԱԶԳԱՅԻՆ ՕՐԸ 2017
2017 Մարտ 24

 

Սոցիալական աշխատանքի միջազգային օրն առաջին անգամ նշվել է 1983թ.-ին Սոցիալական աշխատողների միջազգային ֆեդերացիայի կողմից։ Այնուհետև այս նախաձեռնությանը միացան սոցիալական աշխատողներին միավորող մի շարք այլ կառույցներ, ինչպես օրինակ Սոցիալական աշխատանքի դպրոցների միջազգային ասոցիացիան և այլն։

Այսօր, արդեն 34-րդ անգամ ամբողջ աշխարհի սոցիալական աշխատողների օրացույցում յուրաքանչյուր մարտ ամսվա  երրորդ երեքշաբթի օրը, որն այս տարի մարտի 21-ն է, նշվում է «կարմիր» գույնով։  Այս օրը նշանավորում է սոցիալական աշխատողների ջանքերը անհատների, ընտանիքների և համայնքների կյանքում փոփոխությունների իրականացման գործընթացում։

Ամբողջ աշխարհում, Սոցիալական աշխատանքի միջազգային օրը սոցիալական աշխատողներին ներկայացնող կառույցները հանդես են գալիս ուղերձներով՝ ուղղված իրենց կառավարություններին, տեղական և տարածքային կառավարման մարմիններին, այլ մասնագիտական միավորումներին, տեղական և միջազգային կազմակերպություններին՝ բարձրաձայնելով կայուն զարգացման, սոցիալական արդարության և մարդու իրավունքների պաշտպանության հիմնախնդիրները։         

Յուրաքանչյուր տարի Սոցիալական աշխատողների միջազգային ֆեդերացիայի կողմից հայտարարվում է այդ տարվա միջոցառումների խորագիրը։ Ընդ որում, խորագրերի ընտրությունը պատահական չէ, սկսած 2012թ.-ից այն սահմանվում է համաձայն Սոցիալական աշխատողների միջազգային ֆեդերացիայի, Սոցիալական աշխատանքի դպրոցների միջազգային ասոցիացիայի և Սոցիալական բարեկեցության միջազգային խորհրդի կողմից ընդունված «Սոցիալական աշխատանքի և  սոցիալական զարգացման» միջազգային օրակարգի նպատակների։

Այս տարի միջազգային օրվան նվիրված միջոցառումներն իրականացվելու են «Խթանելով համայնքային և միջավայրային կայունությունը» խորագրի ներքո։

Յուրաքանչյուր տարի Սոցիալական աշխատողների միջազգային ֆեդերացիայի կողմից թողարկվում է նաև Սոցիալական աշխատանքի միջազգային օրվան նվիրված պաստառ, որը  թարգմանվում է ավելի քան 45 լեզուներով և ներկայացվում ու փակցվում տարբեր միջոցառումների ժամանակ։ Միջազգային օրվան նվիրված միջոցառումներն վերջին տարիներին այնքան մեծ տարածում են գտել, որ հանդիսանում են սոցիալական աշխատողների միջև համագործակցության հաստատման և սոցիալական համերաշխության հարթակ։

EuropeAid/135811/DH/ACT/Multi Ենթադրամաշնորհային ծրագիր
2017 Մարտ 17

 

Սոցիալական աշխատողների համագործակցությունը հանուն արևելյան գործընկներության երկրներում սոցիալական փոփոխությունների (SWIC)

 EuropeAid/135811/DH/ACT/Multi

Ենթադրամաշնորհային ծրագիր

 

 

Հարց ու պատասխան

Դիմողներին և նրանց փորձառությանը վերաբերող հարցեր.

  1. Ինչպե՞ս է ցանկալի դիմել Ենթադրամաշնորհային ծրագրին՝ որպես կոնսորցիումի անդամ, թե առանձին ՀԿ։ Արդյո՞ք կոնսորցիումով դիմող թեկնածուները առավելություն կստանան։

Համաձայն Ուղեցույցի 2.2 կետի, Ենթադրամշնորհային ծրագրի «պահանջներին համապատասխանող հայտատուները կարող են դիմել միանձնյա (առանց գործընկերոջ) կամ գործել  այլ գործընկերների հետ համատեղ»։ Սա նշանակում է, որ առավելութուն չի տրվում ինչպես միանձնյա դիմումներին, այնպես էլ կոնսորցիումով դիմումներին։ Երկու դեպքում էլ դիմումները գնահատվում են միևնույն եղանակով։ Այնուամենայնիվ, նախընտրությունը տրվում է այն դիմումատուներին, ովքեր ներկայացնում են «մայրաքաղաքից դուրս գործող փոքր ՀԿ-ների» (Ուղեցույց Կետ 2.2.1):  Եթե մի քանի ՀԿ համաձայնում են հանդես գալ որպես կոնսորցիում, ապա «նրա անդամներից առնվազն մեկը պետք է գրանցված լինի մայրաքաղաքից դուրս (գլխավոր հայտատուն կամ համահայտատուն)» (Ուղեցույց, Կետ 2.2.2): Ընդ որում, հայտադիմումում պետք է հստակորեն նշված լինի յուրաքանչյուր կազմակերպության ներգրավվածության մակարդակը, իսկ Դրամաշնորհի հայտադիմումի 5-րդ կետում՝ յուրաքանչյուր կողմի պարտականությունները։ Ի լրումն, պարտականությունների բաժանումը պետք է հստակ արտացոլված լինի նաև Բյուջեում։

 

  1. Խնդրում եմ հստակեցրեք, ի՞նչ նկատի ունենք ասելով, որ միջազգային կազմակերպությունները և նրանց տեղական մասնաճյուղերը/ ներկայացուցչությունները չեն կարող դիմել Ենթադրամաշնորհային ծրագրին։ Արդյո՞ք կազմակերպությունը կարող է դիմել ծրագրին, եթե տեղական մասնաճյուղերը գրանցված են որպես տեղական ՀԿ-ներ։

Կազմակերպությունների համապատասխանությանը վերաբերող դրույթները հստակորեն սահմանված են Ուղեցույցի 2.2.1 կետում։ Ծրագրին կարող են դիմել միայն այն կազմակերպությունները, որոնք գրանցված են Հայաստանում։ Այն բոլոր միջազգային կազմակերպությունները և նրանց տեղական մասնաճյուղերը, որոնք գրանցված չեն որպես տեղական ՀԿ, չեն կարող դիմել այս դրամաշնորհին։

  1. Արդյո՞ք Գլխավոր հայտատուն կարող է մայրաքաղաքում գրանցված կազմակերպություն լինել։

Համաձայն Ուղեցույցի 2.2.1 կետի, «հատկապես խրախուսվում է դիմումների ներկայացումը մարզերում գտնվող փոքր ՀԿ-ների կողմից»։ Միևնույն ժամանակ, պետք է նշել, որ մայրաքաղաքում գրանցված կազմակերպությունները նույնպես կարող են դիմել այս ծրագրին, եթե նրանց կողմից նախատեսվող միջոցառումները նախատեսվում է իրականացնել «մեկ կամ մի քանի մարզերում միաժամանակ» (Ուղեցույց, կետ 2.3.3):

  1. Ի՞նչ նկատի ունենք ասելով ծրագրի իրականացման ապացուցելի փորձառություն։ Ինչպե՞ս պետք է ապացուցվի փորձառությունը։

Համաձայն Ուղեցույցի 2.2.1 կետի, Գլխավոր հայտատուն պետք է «վերջին 5 տարիների ընթացքում ունենա դրամաշնորհով պահանջվող գումարի նվազագույնը 33% արժողությամբ առնվազն 2 ծրագրերի իրականացման ապացուցելի փորձառություն Հայաստանում, (նախընտրելի է սոցիալական ոլորտում), որոնցից առնվազն մեկի թիրախում եղել են մարզերը։ Նման փորձառության մասին ապացույցներ ներկայացնելու համար անհրաժեշտ է լրացնել Դրամաշնորհային ծրագրի հայտի 9.1 կետի ներքո բերված աղյուսակը։

Համաձայն Ուղեցույցի 2.2.2 կետի, համահայտատուն «պետք է դրամաշնորհի հայտերի ներկայացման ձևաթղթում պարտադիր ապացուցի, որ իրենց աշխատողներից առնվազն 2-ը, ովքեր համահայտատուի կողմից ներգրավված են լինելու աշխատանքների իրականացման գործընթացում, նախկինում ներգրավված են եղել դրամաշնորհային ծրագրերի իրականացման կամ համակարգման գործընթացներում առնվազն  6 ամիս տևողությամբ՝ դրամաշնորհի դիմումի հայտում նշելով աշխատակիցների անունները, ծրագրերի անվանումները, որտեղ նրանք աշխատել են, այդ ծրագրերում նրանց կողմից իրականացրած գործառույթները, իրականացնող կազմակերպությունների անվանումները, կոնտակտային տվյալները, դոնորների անվանումները և աշխատակիցների ներգրավվածության տևողությունը/ ժամանակահատվածը»։ Նման փորձառությունը ապացուցելու համար անհրաժեշտ է լրացնել Դրամաշնորհի հայտի ձևաթղթի կետ 9.2-ի ներքո բերված աղյուսակը։

  1. Եթե կազմակերպությունը հիմնադրվել է ընդամենը մեկ տարի առաջ կամ այս տարի և չունի ծրագրերի իրականացման փորձառություն, արդյո՞ք կարող է դիմել Ենթադրամաշնորհային ծրագրին։

Համաձայն Ուղեցույցի 2.2.1 կետի, որպես Գլխավոր հայտատու հանդես գալու համար, կազմակերպությունը պետք է« վերջին 5 տարիների ընթացքում ունենա դրամաշնորհով պահանջվող գումարի նվազագույնը 33% արժողությամբ առնվազն 2 ծրագրերի իրականացման  ապացուցելի փորձառություն Հայաստանում, (նախընտրելի է սոցիալական ոլորտում), որոնցից առնվազն մեկի թիրախը եղել է մայրաքաղաքից դուրս գտնվող շրջաններում։

Եթե կազմակերպությունը չունի բավարար փորձառություն ծրագրերի իրականացման, այն կարող է համագործակցել մեկ այլ գլխավոր հայտատուի հետ և դիմել որպես համահայտատու (տե՛ս Ուղեցույց կետ 2.2.2):

  1. Ենթադրամաշնորհային ծրագրին կարող են դիմել միայն ՀԿ-ները, թե՞ քաղաքապետարանները ևս դիմելու հնարավորություն ունեն (օրինակ, եթե քաղաքապետարանը Սոցիալական ապահովության բաժին ունի)։

Համաձայն Ուղեցույցի 2.2.1 և 2.2.2 կետերի, Դրամաշնորհին կարող են դիմել միայն շահույթ չհետապնդող քաղաքացիական հասարակության կազմակերպությունները։

  1. Մեր կազմակերպությունը գործում է մայրաքաղաքում և ունի մի քանի մասնաճյուղեր մարզերում (մասնաճյուղերից մեկը գտնվում է երկրի արևելյան մասում)։ Մասնաճյուղի կողմից մի քանի ծրագրեր իրականացվել են մարզերում, սակայն այդ ծրագրերը մշակել և դրանց համար դիմել է կենտրոնական կազմակերպությունը։ Շարունակելով միևնույն ծառայությունների մատուցումը, մասնաճյուղը մինչ մարտ ամիսը գրանցվելու է որպես անկախ կազմակերպություն, արդյո՞ք այն կարող է դիմել Ենթադրամաշնորհային ծրագրին։ Արդյո՞ք նրա կողմից որպես ապացուցելի փորձառություն կարող է ներկայացվել որպես մասնաճյուղ կատարած աշխատանքի փորձառություն։

Համաձայն Ուղեցույցի 2.2.1 կետի, հատկապես խրախուսվում է դիմումների ներկայացումը մարզերում գտնվող փոքր ՀԿ-ների կողմից։ Միևնույն ժամանակ նշվում է, որ մայրաքաղաքում գրանցված կազմակերպությունները ևս կարող են դիմել սույն Ենթադրամաշնորհին, եթե ծրագրով առաջարկվող միջոցառումները իրականացվելու են մայրաքաղաքից դուրս գտնվող մեկ կամ մի քանի մարզերում (Ուղեցույց, կետ 2.3.3)։ Որպեսզի կազմակերպությունը հանդես գա որպես Գլխավոր հայտատու պետք է վերջին 5 տարիների ընթացքում ունենա դրամաշնորհով պահանջվող գումարի նվազագույնը 33% արժողությամբ առնվազն 2 ծրագրերի իրականացման  ապացուցելի փորձառություն Հայաստանում, (նախընտրելի է սոցիալական ոլորտում), որոնցից առնվազն մեկի թիրախը եղել է մայրաքաղաքից դուրս գտնվող շրջաններում (Ուղեցույց, Կետ 2.2.1)։

  1. Արդյո՞ք Ենթադրամաշնորհային ծրագրին դիմող Գլխավոր հայտատուն (գրանցված, փորձառու) կարող է դիմել այլ ՔՀԿ-ների ուժեղացնելու ծրագրով, մասնավորապես այն կազմակերպություններին, որոնք դեռևս գործում են ոչ պաշտոնապես։

Համաձայն Ուղեցույցի 2.3.4 և 2.3.5 կետի, որտեղ ներկայացված են Ենթադրամաշնորհի շրջանակներում իրականացվող գործողություններին ներկայացվող պահանջները, նշվում է, որ ծրագրերն անպայմանորեն պետք  ունենան ընտանիքի ամրապնդման և սոցիալական աշխատանքի բաղադրիչ, միևնույն ժամանակ 2.3.6 կետում նշված են գործողությունների իրականացման սահմանափակումները, հետևաբար կարևորագույն պայմանն այն է, որ Ձեր կողմից առաջարկվող ծրագրերը համապատասխանեն նշված կետերի պահանջներին։

Միևնույն ժամանակ, պետք է նշել, որ այս Ենթադրամաշնորհային ծրագրի շրջանակներում որպես Գլխավոր հայտատու և համահայտատու  կարող են դիմել միայն գրանցված կազմակերպությունները (Ուղեցույց, կետ 2.2.1, 2.2.2):

  1. Արդյո՞ք Ենթադրամաշնորհային հայտին կից փաստաթղթերում պետք է նաև Ծրագրի անձնակազմի անդամների ինքնակենսագրականները (CV) (անձնական տեղեկատվություն և աշխատանքային փորձառությունը) ներկայացվեն։

Առանձին ինքնակենսագրականների ներկայացման անհրաժեշտություն չկա, պետք է միայն լրացնել Ենթադրամաշնորհային հայտի ձևաթղթի 9.2 կետի աղյուսակները։

  1. Հայտատու կազմակերպությունը պետք է փաստաթղթերի հետ ներկայացնի նաև իր Գրանցման վկայականի պատճենը։ Սակայն մի հարց, Գրանցման վկայական ասելով նկատի ունենք այն, որը տրվել է կազմակերպությանը հիմնադրման պահին, թե՞ պետք է ներկայացվի քաղվածք ՀՀ Իրավաբանական անձանց պետական ռեգիստրի գործակալությունից, որտեղ նշված են նաև վերջերս կատարված բոլոր փոփոխությունները։ Ո՞րն է անհրաժեշտ ներկայացնել։

Եթե առաջին գրանցումից հետո փոփոխություններ են արվել, ապա խնդրում ենք ներկայացնել քաղվածք ՀՀ Իրավաբանական անձանց պետական ռեգիստրի գործակալությունից։

  1. Վերջին 5 տարիներին իրականացված մեկ ծրագրի արժեքը պետք է կազմի պահանջվող բյուջեի 33%-ը, թե երկու ծրագրերի արժեքը միասին։

Համաձայն Ուղեցույցի 2.2.1 կետի, դիմող կազմակերպությունը պետք է հանրապետությունում վերջին հինգ տարիների ընթացքում առնվազն երկու ծրագրի իրականացման փորձառություն ունենա, ընդ որում, ցանկալի է, որ դրանք իրականացված լինեն սոցիալական ոլորտում, իսկ դրանցից առնվազն մեկը՝ մեկ կամ մի քանի մարզում։ Պետք է նկատի ունենալ, որ իրականացված երկու ծրագրերից յուրաքանչյուրի արժեքը պետք է կազմի պահանջվող  գումարի առնվազն 33%-ը։

  1. Արդյո՞ք 33%-ի պահանջը հավասարապես վերաբերվում է և՛ Գլխավոր հայտատուին, և՛ համահայտատուին։ Եվ երկրորդ, արդյո՞ք այն պետք է կազմվի մեկ ծրագրից, թե բոլոր ծրագրերից։

Համաձայն, Ուղեցույցի 2.2.1 կետի, հայտատուն կարող է հանդես գալ որպես գլխավոր հայտատու, եթե «վերջին 5 տարիների ընթացքում իրականացրել է դրամաշնորհով պահանջվող գումարի նվազագույնը 33% արժողությամբ առնվազն 2 ծրագրեր Հայաստանում՝ ապացուցելի փորձառությամբ, (նախընտրելի է սոցիալական ոլորտում), ընդ որում որոնցից առնվազն մեկի թիրախը եղել է մայրաքաղաքից դուրս գտնվող շրջաններում»։ Սա նշանակում է, որ Գլխավոր հայտատուի կողմից ներկայացվող երկու ծրագրից յուրաքանչյուրի բյուջեն պետք է կազմի պահանջվող գումարի առնվազն 33%-ը։

Համաձայն, Ուղեցույցի 2.2.2 կետի, «համահայտատուները կարող են բայց պարտադիր չէ, որ ներկայացնեն հաջողությամբ իրականացված ծրագրի ապացույցներ»։ Սա նշանակում է, որ համահայտատուն պարտավոր չէ ներկայացնել ապացույցներ իրականացված ծրագրերի մասին։ Այնուամենայնիվ, եթե կազմակերպությունը որոշում է ներկայացնել իր կողմից իրականացված ծրագրերը՝ Հայտի 9.2 կետում, ապա այս ծրագրերի բյուջեի նկատմամբ սահմանափակումներ չեն ներկայացվում։

Այնուամենայնիվ, համաձայն Ուղեցույցի 2.2.2 կետի, համահայտատուն պետք է ներկայացնի ապացույցներ, «որ իր աշխատողներից առնվազն 2-ը, ովքեր համահայտատուի կողմից ներգրավված են լինելու աշխատանքների իրականացման գործընթացում, նախկինում ներգրավված են եղել դրամաշնորհային ծրագրերի իրականացման կամ համակարգման գործընթացներում առնվազն  6 ամիս տևողությամբ՝ դրամաշնորհի դիմումի հայտում նշելով աշխատակիցների անունները, այն ծրագրերի անվանումները, որտեղ նրանք աշխատել են, այդ ծրագրերում նրանց կողմից իրականացված գործառույթները, իրականացնող կազմակերպությունների անվանումները, կոնտակտային տվյալները, դոնորների անվանումները և նրանց ներգրավվածության տևողությունը»։ Այս տվյալները պետք է լրացվեն Հայտի 9.2 կետում։

  1. Արդյո՞ք համահայտատուն ևս պետք է նախկինում երկու ծրագիր իրականացրած լինի։

Այնուամենայնիվ, համաձայն Ուղեցույցի 2.2.2 կետի, համահայտատուն պետք է ներկայացնի ապացույցներ, «որ իր աշխատողներից առնվազն 2-ը, ովքեր համահայտատուի կողմից ներգրավված են լինելու աշխատանքների իրականացման գործընթացում, նախկինում ներգրավված են եղել դրամաշնորհային ծրագրերի իրականացման կամ համակարգման գործընթացներում առնվազն  6 ամիս տևողությամբ՝ դրամաշնորհի դիմումի հայտում նշելով աշխատակիցների անունները, այն ծրագրերի անվանումները, որտեղ նրանք աշխատել են, այդ ծրագրերում նրանց կողմից իրականացված գործառույթները, իրականացնող կազմակերպությունների անվանումները, կոնտակտային տվյալները, դոնորների անվանումները և նրանց ներգրավվածության տևողությունը»։ Այս տվյալները պետք է լրացվեն Հայտի 9.2 կետում։

  1. Եթե կազմակերպությունը որպես համահայտատու հանդես է եկել մեկ այլ ծրագրում, որտեղ սակայն ինքը չի իրականացրել ֆինանսների կառավարումը, արդյո՞ք կարող է դիմել Ենթադրամաշնորհի համար։

Եթե կազմակերպությունը կարող է ցույց տալ, որ իր կողմից կառավարվել է ծրագրի բյուջեի միայն մի մասը, որը կազմում է պահանջվող գումարի առնվազն 33%-ը, այդ դեպքում հայտը կընդունվի որպես պայմաններին համապատասխանող։

Այն դեպքերում, երբ կազմակերպությունը չունի ծրագրերի իրականացման բավարար փորձառություն, այն կարող է դիմել որպես համահայտատու և համագործակցել մեկ այլ Գլխավոր հայտատուի հետ (Տե՛ս  Ուղեցույց, կետ 2.2.2)։

  1. Եթե կազմակերպությունը վերջերս է հիմնադրվել և դեռևս չունի ծրագրերի իրականացման փորձառություն, միևնույն ժամանակ նրա ղեկավարը ունի ծրագրերի կառավարման ապացուցելի փորձառություն, արդյո՞ք այս կազմակերպությունը կարող է դիմել որպես Գլխավոր հայտատու։

Համաձայն ՈՒղեցույցի 2.2.1 կետի, որպես գլխավոր հայտատու կարող է հանդես գալ այն կազմակերպությունը, որն «առնվազն 2 ծրագրերի իրականացման  ապացուցելի փորձառություն»  ունի։ Սա նշանակում է, որ հայտին կարող են դիմել միայն կազմակերպությունները և, ոչ թե անձիք։

Եթե կազմակերպությունը չունի բավարար փորձառություն, սակայն ունի փորձառու անձնակազմ, այն կարող է համագործակցել պահանջներին համապատասխանող Գլխավոր հայտատուի հետ և դիմել որպես համահայտատու (Տե՛ս Ուղեցույց, կետ 2.2.2):

Ծրագրի թեմատիկ շրջանակին, թույլատրելի ծրագրային առաջարկներին և ակնկալվող  արդյունքներին վերաբերող հարցեր.

  1. Եթե ծրագրի հայտատուն ընտրում է Ուղեցույցի 2.3.5 կետի Գ ենթակետում նշված գործողությունը, արդյո՞ք դա նշանակում է, որ նա պետք է ընտրի նաև Ա և Բ ենթակետերը, թե հայտատուն կարող է օգտագործել նաև այլ հետազոտությունների, ուսումնասիրությունների արդյունքներն ու դրանց հիման վրա մշակված հայեցակարգերը։

Կարիք չկա իրականացնելու 2.3.5 կետում նշված բոլոր գործողությունները ըստ բերված հերթականության։ Իհարկե, վերջերս իրականացված հետազոտությունների արդյունքներն ու մշակված հայեցակարգերը կարող են օգտագործվել։ Պետք է նկատի ունենալ, որ արդեն իրականացված գործողությունները չեն կարող ներկայացվել ծրագրային առաջարկում։

Այնուամենայնիվ, հաղթող հայտում ներկայացված ծրագիրը պետք է ներառի ցանկում նշված գործողություններից առնվազն երկուսը։ Միայն մեկ գործողություն ընտրելը չի կարող բավարար լինել։ Ավելին, համաձայն կետ 2.3.5-ի «ընտրված յուրաքանչյուր գործողության համար, հայտատուները պետք է պարտադիր ներառեն սոցիալական աշխատանքի բաղադրիչը»։

Այն հայտատուները, ում կողմից ներկայացվող հայտը պարունակում է պիլոտային ծառայության բաղադրիչ, ապա պետք է ներկայացվեն նաև բավարար հիմքեր դրա իրականացման համար։ Մասնավորապես, պատասխանելով այն հարցին, թե ինչո՞ւ է ընտրվել պիլոտային ծառայության հենց այդ հայեցակարգը։  Բավարար հիմքերը կարող են մշակվել թե ծրագրի իրականացման ընթացքում  (ուսումնասիրություններ, հայեցակարգերի մշակում), թե հղում անելով արդեն իրականացված ծրագրերի, որոնք առաջարկվող ծրագրի շրջանակից դուրս են և, որոնց հիմնական բացահայտումները ներկայացված են Ենթադրամաշնորհի հայտում (Կետ 3):

  1. Արդյո՞ք հնարավոր է իրականացնել հետազոտություն և, ըստ այդմ, առաջարկություններ անել։ Արդյո՞ք հնարավոր է ծրագիրը մշակել միայն այս երկու բաղադրիչների շուրջ։

Հայտատուները ազատ են ընտրելու 2.3.5 կետի ներքո բերված գործողություններից ցանկացած երկուսը։ Այնուամենայնիվ, յուրաքանչյուր ընտրված գործողություն պետք է ներառի սոցիալական աշխատանքի բաղադրիչ, մասնավորապես, վերլուծելով սոցիալական աշխատանքի տեսանկյունից կարևոր հարցերը ընտանիքի ամրապնդման և պաշտպանության կամ բարելավված միջոսեկտորային համագործակցության համատեքստում՝ ներկայացնելով, թե սոցիալական աշխատանքը ինչպե՞ս է կարող նպաստել վերը նշված ոլորտներում բարելավումներին։

  1. Արդյո՞ք նախընտրելի է ծրագրի թիրախում ունենալ կոնկրետ սոցիալական հիմնախնդիր, ինչպես օրինակ՝ ընտանեկան բռնությունը և երեխաների նկատմամբ բռնությունը կոնկրետ համայնքներում, և գործողություններն ուղղել ընտանիքի ամրապնդմանը այդ համատեքստում։ Սա նշանակում է աջակցել խոցելի ընտանիքներին ուղղակիորեն համայնքային մակարդակում։

Հաղթող հայտատուն, պետք է հստակ նկարագրի մինչ ծրագրային իրավիճակը թիրախ շրջաններում/համայնքներում, մասնավորապես սահմանի հիմնախնդիրները, մշակի տրամաբանորեն միմյանց կապակցված և հերթական գործողությունների պլան (առնվազն երկու գործողություն 2.3 կետի ցանկից), որը կարող է համապատասխանորեն արձագանքել սահմանված կոնկրետ հիմնախնդրին և, որը կապահովի ծրագրի նախագծի ամբողջականությունն, շարունակականությունը և ծրագրային արդյունքների կայունությունը։ Պայմանավորված այն հանգամանքով, թե ո՞րն է սահմանված հիմնախնդիրը և ո՞րն է ընտրված մոտեցումը, գործողությունները պետք է փոփոխություն բերեն  մեկ կամ մի քանի քաղաքականության և ազդեցության  ընտրված մակարդակներում և գործընթացում ներգրավեն տարբեր շահագրգիռ կողմերի։ Ընդ որում, այս ամենը պետք է պատշաճ կերպով ներկայացվի և հիմնավորվի Դրամաշնորհի հայտում։

  1. Արդյո՞ք այս ծրագրի շրջանակներում «պիլոտային ծառայությունը» գործողությունների պարտադիր բաղադրիչ է։

Ոչ, պիլոտային ծառայությունը պարտադիր գործողություն չէ (Ուղեցույց, կետ 2.3.5, ենթակետ Գ)։ Հայտատուները ազատ են ընտրել 2.3.5 կետի ներքո նշված գործողություններից ցանկացած երկուսը։ Այնուամենայնիվ, եթե հայտատուն որոշում է գնալ հայեցակարգերի պրակտիկայում ներդրման կամ փորձարկման ճանապարհով, ապա ծրագրում պարտադիր կերպով պետք է ներգրավված լինի սոցիալական աշխատանքի մասնագիտական կրթություն ունեցող սոցիալական աշխատող՝ որպես խորհրդատու կամ պրակտիկ գործունեություն ծավալող մասնագետ։  Միակ պարտադիր կիրառման պայմանը  սոցիալական աշխատանքի բաղադրիչի ներառումն է, մասնավորապես, վերլուծելով սոցիալական աշխատանքի տեսանկյունից կարևոր հարցերը ընտանիքի ամրապնդման և պաշտպանության կամ բարելավված միջոսեկտորային համագործակցության համատեքստում՝ ներկայացնելով, թե սոցիալական աշխատանքը ինչպե՞ս է կարող նպաստել վերը նշված ոլորտներում բարելավումներին, յուրաքանչյուր ընտրված գործողության շրջանակում։

 

  1. Խնդրում եմ հստակեցնել, թե ի՞նչ նկատի ունենք ասելով «Սոցիալական աշխատանքի բաղադրիչ»։

Համաձայն 2.3.5 կետի, «Ընտրված յուրաքանչյուր գործողության համար, հայտատուները պետք է պարտադիր ներառեն սոցիալական աշխատանքի բաղադրիչը, օրինակ՝ ընտաինքի պահպանման, ամրապնդման կամ բարելավված միջգերատեսչական համագործակցության կոնտեքստում վերլուծելով սոցիալական աշխատանքին հատուկ խնդիրներ՝ ցույց տալու, թե սոցիալական աշխատանքն ինչպես կարող է նպաստել վերոնշյալ ոլորտների կատարելագործմանը»։

  1. Արդյո՞ք տեղական և պետական կառույցների հետ համագործակցությունը այս ծրագրի շրջանակներում պարտադիր պայման է։

Հայտատուները ազատ են ընտրելու Ուղեցույցի 2.3.5 կետում՝  Ենթադրամաշնորհի կողմից սատարվող գործողությունների ցանկում նշված գործողություններից ցանկացած երկուսը։ Մասնավորապես, Ե և Զ ենթակետերն ամբողջությամբ անդրադառնում են միջկազմակերպական և միջսեկտորային համագործակցությանը։ Սակայն, եթե անգամ հայտատուն չի ընտրել վերը նշված ենթակետերից և ոչ մեկը, միևնույն ժամանակ չի նախատեսում այնպիսի գործողությունների իրականացում, որոնք ենթադրում են միջկազմակերպական համագործակցություն, հայտատուի կողմից պետք է պլանավորվեն այնպիսի գործողություններ, որոնք նախատեսում են խորհրդատվությունների տրամադրում և համագործակցություն շահագրգիռ կողմերի հետ (տեղական կառավարման մարմիններ, պետական կառույցներ)՝ ապահովելու պլանավորված գործողությունների կայունության բարձրացումը։ Հաղթող հայտատուները իրենց Ենթադրամաշնորհային հայտում անպայմանորեն պետք է ներկայացնեն, թե ինչպե՞ս են նախատեսում իրականացնել շահագրգիռ կողմերի ներգրավումը ծրագրում։

  1. Արդյո՞ք ծրագիրը կարող է իրականացվել մայրաքաղաքում, սակայն սպասարկել մարզերի բնակչությանը։

Համաձայն Ուղեցույցի 2.3.3 կետի, «Աշխատանքները պետք է իրականացվեն Երևանի տարածքից դուրս մեկ կամ մի քանի մարզերում/համայքներում»։ Սա նշանակում է, որ ծառայությունները պետք է գործեն մարզերում։

  1. Արդյո՞ք ծրագիրը կարող է իրականացվել միայն մեկ համայնքում։

Համաձայն ուղեցույցի 2.3.3 կետի, «Աշխատանքները պետք է իրականացվեն Երևանի տարածքից դուրս մեկ կամ մի քանի մարզերում»։ Եթե ծրագիրն իրականացվում է մեկ կամ մի քանի համայնքներում, ոչ ամբողջ տարածաշրջանում/մարզում, հայտատուն պետք է հստակ մատնանշի, թե ինչպես է ապահովելու ծրագրի ծախսարդյունավետությունը (այդ թվում թիրախ բնակչության թվաքանակն ու շահառուների վերջնական թիվը)։

Ենթադրամաշնորհային ծրագրի բյուջեին և թույլատրելի ծախսերին վերաբերող հարցեր.

  1. Արդյո՞ք հայտատու կազմակերպությունը կարող է ծառայությունների մատուցման պայմանագիր կնքել հետազոտական կազմակերպության հետ (հայտատու կազմակերպությունը նախատեսում է հետազոտություն իրականացնել կոնկրետ հիմնախնդրի վերաբերյալ, սակայն չունի համապատասխան փորձառություն)։

Համաձայն Ուղեցույցի 2.5.1 կետի, Դ ենթակետի Բ կետի «արտաքին ազգային փորձագետները» համարվում են ընդունելի ուղղակի ծախսերի։ Հետազոտական կազմակերպությունների հետ կնքված ծառայությունների մատուցման պայմանագրերը համապատասխանում են այս ծախսային հոդվածին։

  1. Արդյո՞ք հայտատու կազմակերպությունը կարող է պայմանագիր կնքել Պետական սոցիալական ծառայությունների աշխատակիցների հետ (նրանց վարձել որպես խորհրդատու կամ փորձագետ)։ Պետական սոցիալական ծառայությունը հանրային իրավաբանական միավոր է։

Համաձայն Ուղեցույցի 2.5.2 կետի «պետության ներկայացուցիչների և տեղական ինքնակառավարման մարմինների աշխատակիցներին վարձատրելը» արգելված ծախս է։ Այնուամենայնիվ, եթե անձը վարձվել է որպես արտաքին Սոցիալական աշխատանքի փորձագետ ծրագրում իր ներդրման համար և, եթե սոցիալական ծառայության անձնակազմի անդամը իր հիմնական աշխատանքին զուգահեռ, համաձայն տեղական աշխատանքային օրենսդրությանը,  նաև ծառայությունների մատուցման կամ նմանատիպ պայմանագրեր ստորագրելու/կնքելու իրավունքն ունի, ապա կոնկրետ անձին վարձելը՝ որպես խորհրդատու, թույլատրելի է։

  1. Արդյո՞ք քաղաքապետարաններում աշխատող սոցիալական աշխատողները կարող են ներգրավվել ծրագրում որպես փորձագետներ։

Համաձայն Ուղեցույցի 2.5.2 կետի «պետության ներկայացուցիչների և տեղական ինքնակառավարման մարմինների աշխատակիցներին վարձատրելը» արգելված ծախս է։ Այնուամենայնիվ, եթե անձը վարձվել է որպես արտաքին Սոցիալական աշխատանքի փորձագետ ծրագրում իր ներդրման համար և, եթե քաղաքապետարանի անձնակազմի անդամը իր հիմնական աշխատանքին զուգահեռ, համաձայն տեղական աշխատանքային օրենսդրությանը, նաև ծառայությունների մատուցման կամ նմանատիպ պայմանագրեր ստորագրելու/կնքելու իրավունքն ունի, ապա կոնկրետ անձին վարձելը՝ որպես փորձագետ, թույլատրելի է։

  1. Արդյո՞ք քաղաքացիական ծառայողները կարող են ներգրավվել ծրագրում ներգրավվել որպես փորձագետներ։

Համաձայն Ուղեցույցի 2.5.2 կետի «պետության ներկայացուցիչների և տեղական ինքնակառավարման մարմինների աշխատակիցներին վարձատրելը» արգելված ծախս է։ Այնուամենայնիվ, եթե անձը վարձվել է որպես արտաքին Սոցիալական աշխատանքի փորձագետ ծրագրում իր ներդրման համար և, եթե քաղաքացիական ծառայողը իր հիմնական աշխատանքին զուգահեռ, համաձայն տեղական աշխատանքային օրենսդրությանը, նաև ծառայությունների մատուցման կամ նմանատիպ պայմանագրեր ստորագրելու/կնքելու իրավունքն ունի, ապա կոնկրետ անձին վարձելը՝ որպես փորձագետ, թույլատրելի է։

  1. Ուղեցույցում որպես թույլատրելի ծախս նշված է նաև կահույքը, արդյո՞ք կահույք ասելով նկատի ունենք միայն գրասենյակային կահույք, թե կարող է լինել նաև այլ, օրինակ՝ մահճակալ։

Սկզբունքորեն, թույլատրելի է ցանկացած կահույքի ձեռքբերումը, որն ուղղակիորեն կապված է պլանավորված գործողությունների հետ, բացատրված է դրա ձեռք բերման անհրաժեշտությունը և ներկայացված են հիմնավորումները, ինչպես նաև կատարված ծախսերը հավասարակշռված են բյուջեի ընդհանուր ծախսերում։ Կահույքի տեսակը հիմնականում պայմանավորված կլինի ծրագրի և առաջարկվող ծառայությունների բնույթով։ Օրինակ, եթե ծրագրով նախատեսվում է պիլոտային ծառայության իրականացում (օրինակ՝ ցերեկային կենտրոն) և դրա շրջանակներում օրինակ՝ երեխաների մահճակալների կարիք կա, որը լավ հիմնավորված է, ապա նման ծախսը թույլատրելի է, եթե իհարկե ծրագրային բյուջեի մեծ մասը չէ, որ ուղղվում է մահճակալների ձեռքբերմանը։

  1. Արդյո՞ք թույլատրելի են խոցելի բնակչության համար նախատեսված կենտրոնների վերանորոգման/վերազինման ծախսերը, օրինակ սարքավորումների, կահույքի ձեռք բերում։ Օրինակ, այն կարո՞ղ է նախատեսել կահույքի և սարքավորումների տրամադրում ցերեկային կենտրոնին, որպեսզի այն կարողանա սոցիալական աշխատանքի ծառայություններ մատուցել իր շահառուներին։

Սկզբունքորեն, թույլատրելի է ցանկացած կահույքի ձեռքբերումը, որն ուղղակիորեն կապված է պլանավորված գործողությունների հետ, բացատրված է դրա ձեռք բերման անհրաժեշտությունը և ներկայացված են հիմնավորումները, ինչպես նաև կատարված ծախսերը հավասարակշռված են բյուջեի ընդհանուր ծախսերում։ Կահույքի տեսակը հիմնականում պայմանավորված է ծրագրի և առաջարկվող ծառայությունների բնույթով։ Օրինակ, եթե ծրագրով նախատեսվում է պիլոտային ծառայության իրականացում (օրինակ՝ ցերեկային կենտրոն) և դրա շրջանակներում օրինակ՝ երեխաների մահճակալների կարիք կա, որը լավ հիմնավորված է, ապա նման ծախսը թույլատրելի է, եթե իհարկե ծրագրային բյուջեի մեծ մասը չէ, որ ուղղվում  է մահճակալների ձեռքբերմանը։

  1. Արդյո՞ք գոյություն ունի աշխատավարձերի կամ այլ բյուջետային ծախսերի սահմանափակում։

Ծրագրով նախատեսված չէ որևէ սահմանափակում կապված ծրագրի անձնակազմի անդամների հետ, սակայն անձնակազմի թվում ներկայացված յուրաքանչյուր անդամ, պետք է հստակ, ուղղակիորեն առնչվի ծրագրի իրականացմանը, միայն անհրաժեշտ է բյուջեում հիմնավորել, ինչպես նաև ներկայացնել անձնակազմի յուրաքանչյուր անդամի հստակ դերը, որը պետք է նաև գնահատման առարկա դառնա։ Պետք է միայն հաշվի առնել, որ նախատեսվող ծախսերը պետք է լինեն ծախսարդյունավետության տեսանկյունից արդարացված։

  1. Պահանջվող գումարի ո՞ր մասն են կարող կազմել աշխատավարձերը։

Տե՛ս Հարց 31.

  1. Արդյո՞ք դրամաշնորհային ծրագրի շրջանակներում կարող են միջազգային փորձագետներ հրավիրվել։

Համաձայն Ուղեցույցի 2.5.1 կետի, կարող են հրավիրվել միայն արտաքին ազգային փորձագետներ։

  1. Արդյո՞ք գրասենյակային տարածքի վարձակալությունը համարվում է թույլատրելի ծախս։ Եթե այո, ապա բյուջեի ո՞ր մասում է պետք այն ներկայացնել։

Այո, գրասենյակային տարածքի վարձույթը համարվում է թույլատրելի ծախս, եթե ուղղակիորեն կապված է առաջարկվող ծրագրի հետ։   

Այնուամենայնիվ, գրասենյակային տարածքի վարձույթը համարվում է թույլատրելի անուղղակի ծախս, որը բյուջեում առանձին տողով նշելու կարիք չկա։

Համաձայն Ուղեցույցի 2.5.1 կետին «Անուղղակի ծախսերը վերաբերում են հետևյալին. աշխատանքների կառավարման վերադիր ծախսեր, ինչպիսիք են ծրագրի գրասենյակի վարձակալություն, էլեկտրականության/ջեռուցման և պահպանման, ինչպես նաև կոմունիկացիայի (հեռախոս/բջջայիններ/ինտերնետ) ծախսեր, բանկային վճարներ ու ֆինանսական ծառայություններ, գրասենյակային պարագաներ և այլն: Անուղղակի ծախսերը, որոնք առաջացել են աշխատանքների իրականացման ընթացքում կծածկվեն ֆիքսված տոկոսադրույքով։ Գործողության իրականացման համար կատարվող անուղղակի ծախսերը պետք է ամրագրվեն հաստատված տոկոսադրույքով (այսինքն `կիրառելով ընդունելի ուղղակի ծախսերի նկատմամբ ամրագրված տոկոսադրույքով, սակայն ընդհանուր գումարը չպետք է գերազանցի ընդունելի ուղղակի ծախսերի 7 %-ը): Հայտատուն պետք է հիմնավորի պահանջվող տոկոսի չափը մինչ պայմանագրի ստորագրումը: Այնուամենայիվ, դրամաշնորհային պայմանագրում տոկոսադրույքի ֆիքսումից հետո, հիմնավորող փաստաթղթերի ներկայացման կարիք այլևս չի լինի»։  

  1. Արդյո՞ք սոցիալական ձեռնարկատիրություն ենթադրող գործողությունները (նպատակ ունենալով նպաստել կազմակերպության կայունությանը) համարվում են թույլատրելի ծախսեր։

Սկզբունքորեն, ծրագրի կայունության ապահովմանն ուղղված ծախսերը համարվում են թույլատրելի։

  1. Բյուջեի ինչպիսի՞ մասնաբաժին պետք է ունենան գլխավոր հայտատուն և համահայտատուն։

Հայտատուներն իրենք են որոշումներ կայացնում ծրագրում յուրաքանչյուրի ներգրավվածության աստիճանի, պարտականությունների ծավալի, հետևաբար նաև բյուջեի մասնաբաժնի վերաբերյալ։ Բյուջեի մասնաբաժնի վերաբերյալ որոշումը թողնված է հայտատուներին։ Սակայն, խնդրում ենք հաշվի առնել, որ ծրագրի բոլոր գործընկերները պետք է ծրագրի իրականացման մեջ իրատեսական դերեր ունենան, ընդ որում յուրաքանչյուր կազմակերպության ներդրումների հիմնավորումները պետք է հստակորեն ներկայացված լինեն Հայտում, իսկ պարտականությունների բաժանումը՝ Ենթադրամաշնորհի հայտի ձևաթղթի 5-րդ կետում։ Ավելին, պարտականությունների բաժանումը պետք է արտացոլված լինի նաև Բյուջեում։

  1. Արդյո՞ք Ենթադրամաշնորհները ազատված կլինեն ԱԱՀ-ից։

Մինչ Փոքր դրամաշնորհային ծրագրերի իրականացումը, Սոցիաալկան աշխատողների հայկական ասոցիացիան դիմում կներկայացնի ենթադրամաշնորհների ծրագրային ծախսերը ԱԱՀ-ից ազատելու համար։

  1. Արդյո՞ք բարեգործական ծրագրերը (օրինակ՝ բնակարանների կառուցում անապահով ընտանիքների համար) այս Ենթադրամաշնորհի շրջանակում համարվում են թույլատրելի ծախս։

Այս դրամաշնորհի նպատակն է նպաստել սոցիալական ծառայությունների զարգացմանը համայնքային մակարդակում՝ ներդնելով/զարգացնելով սոցիալական աշխատանքի և միջսեկտորային/ միջակազմակերպական համագործակցության բաղադրիչները։

Հաղթող հայտատուները պետք է կարողանան ցույց տալ տարբեր, միմյանց հետ կապված գործողությունների տրամաբանական և հաջորդական կապը, որոնց իրականացումը կհանգեցնի՝ ծրագրի կայուն արդյունքների։ Ուստի այն գործողությունները, որոնք կենթադրեն միայն շինարարություն, հումանիտար օգնություն, զուտ բարեգործություն, այսինքն մեկանգամյա գործողություններ, չեն կարող համարվել թույլատրելի ծախս։

 

Թույլատրելի գործողությունների ցանկը կարող եք տեսնել Դրամաշնորհի ՈՒղեցույցի 2.3.5 կետում։

  1. Արդյո՞ք կազմակերպությունը կարող է ֆինանսական աջակցություն տրամադրել խոցելի ընտանիքներին։

Տե՛ս Հարց 37.

Ծրագրի կառավարմանը, կազմակերպչական կառուցվածքին և փոքր դրամաշնորհային ծրագրերի գնահատման ու ընտրության գործընթացին վերաբերող հարցեր.

  1. Մեր կազմակերպությունը ծառայություններ է մատուցում պետական սոցիալական ծառայություններից ուղղորդված շահառուների։ Ծրագրի իրականացման ընթացքում շահառուների հայտնաբերման նպատակով մենք պետք է համագործակցենք պետական սոցիալական ծառայության հետ։ Արդյո՞ք հայտի հետ ներկայացվող փաստաթղթերին կից պետք է ներկայացնել նաև ծառայության հետ կնքված համաձայնագիր, թե դա անհրաժեշտ կլինի ներկայացնել այն դեպքում, եթե ծրագիրը հաղթի։ Նույնը վերաբերում է նաև Հուշագրին։

Հայտի համար, բավարար կլինի պետական սոցիալական ծառայությունների հետ աշխատանքի նախորդ փորձի և համագործակցության նկարագրությունը՝ Հայտի ձևաթղթի 4.5 և 5 կետերում։ Այս փուլում համագործակցության վերաբերյալ որևէ փաստաթուղթ ներկայացնելու անհրաժեշտություն չկա։ Այնուամենայնիվ, պետք է նկատի ունենալ, որ պետական սոցիալական ծառայության հետ համագործակցությունը պետք է ուղղակիորեն կապված լինի ծրագրում նախատեսված գործողությունների իրականացման հետ։ Համագործակցության վերաբերյալ փաստաթղթի կարիք կլինի միայն ենթադրամաշնորհի պայմանագրի կնքման ժամանակ։

  1. Հայտը լրացնելու ընթացքում, արդյո՞ք պետք է պահպանել, թե ջնջել փակագծերում նշված ուղղորդումները (օրինակ այն մասին, թե ինչ է նշանակում ծրագրի կայունություն), քանի որ այն լրացուցիչ տեղ է զբաղեցնում Հայտի ձևաթղթում։

Այո, Ենթադրամաշնորհի հայտում բերված ուղղորդումները կարող եք ջնջել։ Այնուամենայնիվ, խնդրում ենք ուշադիր լինել և Հայտում ներկայացնել ողջ պահանջվող տեղեկատվությունը։

  1. Հարցը վերաբերվում է տառատեսակին։ Եթե հայտը գրված է հայերենով, ապա տառատեսակը չի կարող լինել Arial, ինչպես անգլերենի դեպքում է։ Ինչպե՞ս է ստուգվելու տառատեսակը (հիմնականում հայերենի դեպքում օգտագործվում է Sylfaen տառատեսակը)։

Հայերեն լեզվով ներկայացվող հայտերի դեպքում ընդունելի է նաև այս տարբերակը. տառատեսակը՝ Sylfaen, տառաչափը՝ 10, լուսանցքերը՝ 2 սմ,  տողերի հեռավորություն՝ մեկ։

  1. Ծրագրի Ամփոփագիրը պետք է գրված լինի միաժամանակ և անգլերեն, և հայերեն լեզուներով, թե՞ միայն մեկ լեզվով։

Եթե հայտը ներկայացված է հայերեն, ապա Ամփոփագիրը պետք է ներկայացվի անգլերեն։ Եթե Հայտի լեզուն անգլերեն է, ապա ամփոփագիրը պետք է ներկայացվի հայերեն լեզվով։ 

  1. Եթե Հայտը գրված է հայերենով, արդյո՞ք Ամփոփագիրը ևս պետք է գրվի հայերենով, թե այն պետք է ներկայացվի անգլերեն լեզվով։

Եթե Հայտը ներկայացված է հայերենով, ապա Ամփոփագիրը պետք է ներկայացվի անգլերենով։ 

  1. Ինչպիսի՞ն են հաշվետվությունների ներկայացման պահանջները խմբային դիմումների դեպքում։

Փոքր դրամաշնորհների ծրագրի ֆինանսական միջոցները ուղղակիորեն փոխանցվելու են գլխավոր հայտատուին։ Ուստի գլխավոր հայտատուն է պատասխանատվություն կրում Դոնորին հաշվետվություններ ներկայացնելու համար, թե ֆինանսական, թե բովանդակային։

ՍՈՑԻԱԼԱԿԱՆ ԱՇԽԱՏԱՆՔԻ ՄԻՋԱԶԳԱՅԻՆ ՕՐԵՐԸ ԼԻՆՑՈՒՄ (ԱՎՍՏՐԻԱ)
2017 Փետրվար 23

Վերին Ավստրիայի կիրառական գիտությունների համալսարանի  Սոցիալական աշխատանքի բաժինը և Լինցի միջազգային գրասենյակը Սոցիալական աշխատողների հայկական ասոցիցիայի հետ համագործակցաբար  հրավիրում են ԵՊՀ Սոցիոլոգիայի ֆակուլտետի  Սոցիալական աշխատանք բաժնի դասախոսներին և ուսանողներին մասնակցելու <<Սոցիալական աշխատանքի խաչմերուկները. ճանաչելով բազմազանությունը>> խորագիրը կրող  6-օրյա ուսումնական ծրագրին Լինցում (Ավստրիա): Ծրագիրը ներառում է  դասախոսություններ, սեմինարներ, այցելություններ սոցիալական ծառայություններ, մշակութային միջոցառումներ:

Ծրագրի մասնակիցները հնարավորություն կստանան աշխարհի տարբեր երկրների ներկայացուցիչների հետ համատեղ ծանոթանալու սոցիալական աշխատանք մասնագիտության միջազգային և միջմշակութային հեռանկարներին, այցելելու երեխաներին, ընտանիքներին, փախստականներին, անօթևաններին և այլ խոցելի խմբերին  սոցիալական ծառայություններ մատուցող  մի շարք  կազմակերպություններ:

Ծրագրի մասնակիցներից 5-ը կստանան կրթաթոշակներ՝ 200 EUR չափով:

 

Դիմելու կարգը

Հետաքրքրված անձինք կարող են ուղարկել լրացված հայտադիմումները հետևյալ էլ. հասցեին՝ mazmanyanmariam1@gmail.com,նամակի վերնագրում նշելով «Միջազգային օրեր Լինցում»: 

 

Հայտադիմումների ընդունման վերջնաժամկեըը՝ ս.թ. փետրվարի 27:

Ծրագրի մանրամասները և հայտաձևը 

Դրամաշնորհային հայտերի ընդունում
2017 Փետրվար 17

Սոցիալական Աշխատողների Համագործակցություն Հանուն Արեվելյան Գործընկերության Երկրներում Սոցիալական Փոփոխությունների (SWIC)

ԵՆԹԱԴՐԱՄԱՇՆՈՐՀԱՅԻՆ ԾՐԱԳՐԻ ՄՐՑՈՒՅԹԻ ՀԱՅՏԱՐԱՐՈՒԹՅՈՒՆ

«ՆԵրդաշնակ հասարակություն» սոցիալական աշխատողների հայկական ասոցիացիա ՀԿ-ն՝ Եվրոպական միության և Ավստրիական համագործակցություն հանուն զարգացման ծրագրի ֆինանսավորմամբ, հայտարարում է դրամաշնորհային մրցույթ՝ նպաստելու քաղաքացիական հասարակության կազմակերպությունների (ՔՀԿ) կարողությունների զարգացմանը և ամրապնդելու Հայաստանում նրանց դերը տեղական մակարդակում սոցիալական ոլորտի զարգացման գործընթացում ։

Ուրախ ենք հրավիրել բոլոր մարզային կամ հիմնականում մարզերում գործունեություն ծավալող ՔՀԿ-ներին դիմելու սույն Ենթադրամաշնորհային ծրագրին, որը Եվրոպական միության և Ավստրիական համագործակցություն հանուն զարգացման ծրագրի ֆինանսավորմամբ իրականացվող «Սոցիալական աշխատողների համագործակցություն հանուն արևելյան գործընկերության երկրներում սոցիալական փոփոխությունների» տարածաշրջանային ծրագրի բաղադրիչն է։

Ծրագիրն իրականացվում է Հիլֆսվերք ավստրիական կազմակերպության (Hilfswerk Austria International (HWA)) կողմից՝ տարածաշրջանային 4 գործընկեր կազմակերպությունների՝ «Ներդաշնակ հասարակություն» սոցիալական աշխատողների հայկական ասոցիացիա ՀԿ-ի, Վրաստանի սոցիալական աշխատողների ասոցիացիայի, Ադրբեջանի սոցիալական աշխատողների հասարակական միավորման և Մոլդովայի հանրապետության բուժքույրերի ասոցիացիայի հետ համատեղ։ Ծրագրի նպատակն է նպաստել խոցելի բնակչության, մասնավորապես ռիսկային իրավիճակում գտնվող ընտանիքների և երեխաների, սոցիալական բարեկեցությանը ծրագրային չորդ երկրներում՝ մի կողմից սոցիալական աշխատանքի գաղափարի զարգացման և ամրապնդման, իսկ մյուս կողմից սոցիալական աշխատողների հասանելիության ապահովման միջոցով։

Ենթադրամաշնորհային ծրագրի հիմնական նպատակը աջակցության տրամադրումն է տեղական ՔՀԿ-ներին խթանելով նրանց ակտիվ մասնակցությունը սոցիալական պաշտպանության և ընտանիքի ամրապնդմանն ուղղված սոցիալական բարեփոխումների գործընթացում։ Սա նշանակում է եվրոպական գործընկերության տարածաշրջանում՝ ընթացիկ բարեփոխումներում տեղական ՔՀԿ-ների դերի ուժեղացում, մասնավորապես, ընտանիքների ուժեղացման բաղադրիչին աջակցելու նպատակով՝ (սոցիալական աշխատանքի պրակտիկայի, համայնքային ներգրավվածության ավելացման և միջգերատեսչական ու միջոլորտային գործընկերության միջոցով):     

Ենթադրամաշնորհային ծրագրի պահանջներին և դիմելու ընթացակարգին մանրամասնորեն  կարող եք ծանոթանալ այցելելով «Ներդաշնակ հասարակություն» սոցիալական աշխատողների ասոցիացիա ՀԿ-ի պաշտոնական վեբկայք՝ www.aasw.org հասցեով: 

Ենթադրամաշնորհային ծրագրի վերաբերյալ տեղեկատվական հանդիպումները կկազմակերպվեն՝ 

  • 01.03.2017 Երևան
  • 03.03.2017 Գյումրի
  • 06.03.2017 Լոռի և Սյունիք 

Տեղեկատվական հանդիպումների համար խնդրում ենք գրանցվել նախօրոք՝ մինչև 24.02.2017 էլեկտրոնային փոստի կամ հեռախոսազանգի միջոցով։ Հանդիպման տեղի և ժամի վերաբերյալ լրացուցիչ մանրամասներ կտեղադրվեն www.aasw.org կայքում:

 

Հարցերի, պարզաբանումների և խորհրդատվության համար կարող եք կապվել մեզ հետ pmanane.aasw@gmail.com էլ. փոստի հասցեով կամ զանգահարելով +374 60 540150:

Հայտերի ընդունման վերջնաժամկետն է 2017թ.-ի մարտի 31-ը, ժամը 18:00:

Հայտերը պետք է ներկայացվեն կնքված և/կամ ստորագրված ծրարով: Ձեռագիր կամ վերջնաժամկետից ուշ ներկայացված հայտերը չեն ընդունվի: Հայտերի ընտրությունը կատարվելու է նախապես սահմանված չափանիշների և մեթոդաբանության համաձայն: 

Հարգանքով,

«ՆԵրդաշնակ հասարակություն» սոցիալական աշխատողների հայկական ասոցիացիա, ՀԿ

«Սոցիալական աշխատողների համագործակցություն հանուն արևելյան գործընկերության երկրներում սոցիալական փոփոխությունների»  ծրագրի թիմի անունից:

 

ՀԱՎԵԼՎԱԾ`

 

Գործենք միասին՝ հանուն Հայաստանում ավելի կայուն սոցիալական պետության
2017 Փետրվար 06

«Ներդաշնակ հասարակություն» սոցիալական աշխատողների հայկական ասոցիացիան մեկնարկում է ՄԱԿ-ի Ժողովրդավարության հիմնադրամի կողմից ֆինանսավորվող «Գործենք միասին՝ հանուն Հայաստանում ավելի կայուն սոցիալական պետության» ծրագիրը։ Ծրագիրը նախատեսված է երկու տարվա համար և կիրականացվի մինչև 2019թ․ հունվար ամիսը։

Ծրագրի նպատակն է նպաստել Հայաստանում բնակչության խոցելի խմբերի պաշտպանությանը՝ սոցիալական պաշտպանության ներկա համակարգի բարելավման միջոցով։ Ծրագրի թիրախում սոցիալական պաշտպանության համակարգի ընթացիկ բարեփոխումներն են հետևյալ ոլորտներում՝ համալիր սոցիալական ծառայություններ, երեխաների պաշտպանություն, հաշմանդամություն ունեցող անձանց պաշտպանություն, գենդերային հավասարություն։ Չնայած այն հանգամանքին, որ պետության կողմից շարունակվում են նշված ոլորտների բարեփոխումների իրականացումը, այնուամենայնիվ, մի կողմից սոցիալական ծառայությունների աշխատակիցները բավարար չափով տեղեկացված չեն ընթացիկ բարեփոխումների իրենց գործունեության, աշխատանքի վրա հնարավոր ազդեցության, մյուս կողմից՝ բնակչության շրջանում տեղեկացվածության պակաս կա գործող ծառայություններում հնարավոր փոփոխությունների մասին։ Ծրագրի գործողություններն ուղղված են մասնակցային, արդյունավետ և պատասխանատու միջավայրի ստեղծմանը, որտեղ քաղաքացիական հասարակության կազմակերպությունները և քաղաքացիները կդառնան ընթացիկ բարեփոխումների անմիջական մասնակիցը՝ աջակցելով և վերահսկելով ողջ գործընթացը։

Մենք ակնկալում ենք բարձրացնել հանրության իրազեկվածության մակարդակը ընթացիկ բարեփոխումների վերաբերյալ և նպաստել ՔՀԿ-ների՝ որպես պետության և քաղաքացիների միջև միջնորդի դերի ամրապնդմանը։ Հույս ունենք, որ ՔՀԿ-ները համապարփակ պատկերացում ունենալով սոցիալական քաղաքականության ոլորտում տեղի ունեցող բարեփոխումների մասին կարող են ավելի արդյունավետ իրականացնել իրենց տրված դերը։ Մենք փորձելու ենք խթանել կանոնավոր հանդիպումները կառավարության պաշտոնյաների և քաղաքացիների միջև՝ քննարկելու սոցիալական բարեփոխումների իրականացման լավագույն փորձը։ Վստահ ենք, որ քաղաքացիների մասնակցությունը բարեփոխումների իրականացման գործընթացին կնպաստի գործընթացի հաշվետվողականության ու թափանցիկության ապահովմանը։

 

Ծրագրի մասին նորություններին կարող եք ծանոթանալ այցելելով մեր Ֆեյսբուքյան էջը։