1. Նախապատմություն

Հայաստանի սոցիալական աշխատողների ասոցիացիան (ՀՍԱԱ)՝ ՄԱԿ-ի Փախստականների գերագույն հանձնակատարի գրասենյակի հետ համատեղ, իրականացնում է «Համայնքների հզորացում՝ տեղահանված բնակչության համապարփակ սոցիալական աջակցության և պաշտպանության ապահովում» ծրագիրը։

Ծրագրի շրջանակում նախատեսվում է աջակցել Լեռնային Ղարաբաղից տեղահանված և տեղացի խոցելի ընտանիքների սոցիալ-տնտեսական կայունացմանը՝ նրանց տրամադրելով ձեռնարկատիրական գիտելիքներ, բիզնեսի մեկնարկի համար անհրաժեշտ հմտություններ, դրամաշնորհաին աջակցություն և հետագա բիզնես ուղեկցում։

Ծրագրի թիրախային համայնքներն են՝ Արմավիր, Վաղարշապատ, Աշտարակ, Աբովյան (ներառյալ Նոր Հաճընը), Մասիս, Գորիս, Տաթև և Տեղ համայնքները։

2. Պաշտոնի նպատակը

Բիզնես դասընթացավարը պատասխանատու է Լեռնային Ղարաբաղից տեղահանված և տեղացի խոցելի ընտանիքների ներկայացուցիչների ձեռնարկատիրական կարողությունների զարգացմանն ուղղված դասընթացների իրականացման համար՝ նպաստելով բիզնես գաղափարների ձևավորմանը, բիզնես պլանների մշակմանը և մասնակիցների գործնական ձեռնարկատիրական հմտությունների զարգացմանը։

3. Աշխատանքի շրջանակը

Բիզնես դասընթացավարը պատասխանատու է հետևյալ աշխատանքների իրականացման համար․

• Իրականացնել «Բիզնես ծրագրի մշակում և իրականացում» թեմայով դասընթացային ծրագիր,
• Դասընթացների շրջանակում անդրադառնալ հետևյալ թեմաներին՝
• բիզնես գաղափարի մշակում,
• շուկայի ուսումնասիրություն,
• բիզնես մոդելի ձևավորում,
• ֆինանսական պլանավորում և բյուջետավորում,
• վաճառքներ և հաճախորդների ներգրավում,
• մարքեթինգ,
• ռիսկերի գնահատում,
• ձեռնարկատիրական և փափուկ հմտություններ,
• բիզնես պլանի մշակում և ներկայացում։
• Աջակցել մասնակիցներին անհատական կամ ընտանեկան բիզնես պլանների մշակման գործընթացում,
• Մշակել և տրամադրել դասընթացների համար անհրաժեշտ ուսումնական նյութեր և գործնական առաջադրանքներ,
• Ապահովել դասընթացների մասնակցության և արդյունքների վերաբերյալ անհրաժեշտ փաստաթղթերի վարումը։

Իրականացման ժամանակահատվածը․ Դասընթացները նախատեսվում է իրականացնել 2026 թվականի հունիս-հուլիս ամիսներին։ Կազմակերպչական նպատակահարմարությունից ելնելով նույն օրվա ընթացքում կարող է իրականացվել երկու սեսիա:

 Ակնկալվող արդյունքներ

1. Մշակված և իրականացված դասընթացային ծրագիր։
2. Իրականացված 10 ուսումնական խումբ (յուրաքանչյուրում՝ միջինը 15 մասնակից), յուրաքանչյուր 6 ուսումնական հանդիպում (յուրաքանչյուր հանդիպումը՝ 3 ժամ):

Նշում՝ Դասընթացները իրականացվելու են զուգահեռ, ըստ այդմ, առնվազն 2 դասընթացավար է ընտրվելու առաջադրանքի կատարման համար:

1. Մասնակիցների կողմից մշակված բիզնես պլաններ։
2. Ներկայացված դասընթացային նյութեր և կիրառված գործնական առաջադրանքներ։
3. Ներկայացված հաշվետվություններ իրականացված աշխատանքների վերաբերյալ։

5. Հաշվետվողականություն

Բիզնես դասընթացավարը հաշվետու է Ծրագրի ղեկավարին և/կամ ծրագրի կողմից նշանակված պատասխանատու համակարգողին։

Դասընթացավարը պարտավոր է՝

• Համաձայն հաստատված ժամանակացույցի իրականացնել դասընթացները,
• Վարել մասնակցության վերաբերյալ անհրաժեշտ փաստաթղթավորումը,
• Ներկայացնել դասընթացների իրականացման վերաբերյալ ամփոփ հաշվետվություններ,
• Ծրագրի թիմին տրամադրել մասնակիցների կողմից մշակված բիզնես պլանները և այլ պահանջվող նյութերը։

6. Պահանջվող որակավորումներ

• Բարձրագույն կրթություն բիզնեսի կառավարման, տնտեսագիտության, ֆինանսների, մարքեթինգի կամ հարակից ոլորտներում,
• Առնվազն 5 տարվա մասնագիտական փորձ ձեռնարկատիրության զարգացման, բիզնես խորհրդատվության կամ բիզնես դասընթացների իրականացման ոլորտում,
• Առնվազն 3 տարվա փորձ խոցելի խմբերի ներկայացուցիչների հետ ձեռնարկատիրական կարողությունների զարգացման ծրագրերի շրջանակում աշխատելու ոլորտում,
• Բիզնես պլանների մշակման և գնահատման փորձ,
• Դասընթացների վարման և ֆասիլիտացիայի հմտություններ,
• Հաղորդակցման և խորհրդատվության գերազանց հմտություններ։

7. Դիմելու կարգ

Դիմել կարող են ինչպես անհատ փորձագետներ, այնպես էլ փորձագետների խմբեր (թիմեր), որոնք համապատասխանում են տեխնիկական առաջադրանքով սահմանված պահանջներին։

Հետաքրքրված թեկնածուները պետք է մինչև 2026 թվականի հունիսի 15-ը, ներառյալ, procurement@aasw.org էլեկտրոնային հասցեին ուղարկեն հետևյալ փաստաթղթերը․

• Ինքնակենսագրական (CV)՝ ներկայացնելով համապատասխան կրթությունը, մասնագիտական փորձը և նմանատիպ աշխատանքների իրականացման փորձը,
• Ֆինանսական առաջարկ, որը պետք է ներառի մեկ ուսումնական սեսիայի արժեքը (նշված արժեքը չպետք է ներառի տրանսպորտային, կեցության կամ այլ լոգիստիկ ծախսեր),
• Տեխնիկական առաջարկ, որը պետք է ներկայացնի դասընթացների իրականացման առաջարկվող մեթոդաբանությունը, ուսուցման մոտեցումները, հիմնական թեմատիկ ուղղությունները և գործնական աշխատանքի կազմակերպման եղանակները։

Փորձագետների խմբերի դեպքում անհրաժեշտ է ներկայացնել թիմի կազմը, յուրաքանչյուր անդամի դերակատարությունը և համապատասխան ինքնակենսագրականները։

ՀՍԱԱ-ն իրավունք է վերապահում դիմորդներից պահանջել լրացուցիչ տեղեկատվություն, ինչպես նաև հրավիրել կարճ հարցազրույցի կամ ներկայացման՝ ընտրության գործընթացի շրջանակում։