ՄՐՑՈՒՅԹԻ ՆՊԱՏԱԿԸ

Հայաստանի սոցիալական աշխատողների ասոցիացիան ՀԿ-ն ՄԱԿ-ի Փախստականների գլխավոր հանձնակատարի գրասենյակի աջակցությամբ իրականացվող «Թիրախավորված սոցիալական ծառայություններ և կարողունակ աշխատուժ՝ Հայաստանում փախստական և խոցելի բնակչության համար» » ծրագրի շրջանակում, նպատակ հետապնդելով նպաստել փախստական, բռնի տեղահանված անձանց դիմակայության բարձրացմանը և սոցիալական ինտեգրմանը թիրախ համայնքներում՝ սոցիալական աշխատանքի կենտրոնների հիմնման, սոցիալ-հոգեբանական ծառայությունների տրամադրման և համայնքային աշխատուժի կարողությունների զարգացման միջոցով, հայտարարում է մրցույթ (Մրցույթի համարը՝ AASW-UNHCR-001/25)՝ հյուրանոցային ծառայությունների մատակարարների ընտրության նպատակով:

ԱՇԽԱՏԱՆՔԻ ՇՐՋԱՆԱԿԸ

Ընտրված մատակարարը պետք է ապահովի հետևյալ ծառայությունների տեղին և ժամանակին տրամադրումը պատվիրատուին.

• Առաջադրանք 1. Արտագնա սոցիալական ինտեգրման միջոցառում (Ծաղկաձոր կամ Աղվերան), որի նպատակն է Ստեղծել մի հարթակ, որտեղ Հրազդան, Նոր Հաճն և Սարդարապատ (Արմավիր) համայնքների երիտասարդները կզարգացնեն իրենց սոցիալական և քաղաքացիական պատասխանատվության գիտակցումը՝ համայնքի խնդիրների ճանաչման, համատեղ նախաձեռնությունների և համագործակցային նախագծերի միջոցով՝ նպաստելով համայնքի ինտեգրմանը և երիտասարդների ակտիվ մասնակցությանը հասարակական կյանքում։
• Մատակարարը սույն առաջադրանքի շրջանակում պետք է ապահովի առնվազն հետևյալը՝

• Սրահի ապահովում - մինչև 30 (U-shape դասավորվածությամբ) մարդ տեղավորելու հնարավորությամբ,
• Խմբային աշխատանքների համար տարածքների ապահովում- մինչև 10  մարդ տեղավորելու հնարավորությամբ,
• Սուրճի, ճաշի և ընթրիքի ընդմիջումների ապահովում  (մեկ օրվա ընթացքում՝ երկու սուրճի ընդմիջում, մեկ ճաշի ընդմիջում և մեկ ընթրիք),
• Մասնակիցների գիշերակաց ,

Միջոցառումը տեղի է ունենալու հուլիսի 29-օգոստոսի 1-ին և օգոստոսի 19-22-ին:

• Առաջադրանք 2. Արտագնա դասընթաց (Ծաղկաձոր կամ Աղվերան), որի նպատակն է Մասիս համայնքի տարբեր գերատեսչությունների ներկայացուցիչների մասնակցությամբ համայնքի սոցիական պլանի քննարկումը և մշակումը։

Մատակարարը սույն առաջադրանքի շրջանակում պետք է ապահովի առնվազն հետևյալը՝

• Սրահի ապահովում - մինչև 30 (U shape) մարդ տեղավորելու հնարավորությամբ,
• Սուրճի, ճաշի ընդմիջումների և ընթրիքի ապահովում  (ընդհանուր՝ 4 սուրճի ընդմիջում, 2 ճաշի ընդմիջում, 1 ընթրիք),
• Մասնակիցների գիշերակաց (մեկ գիշեր/երկու օր)․

Միջոցառումը տեղի է ունենալու հունիսի 17-18-ին:

• Առաջադրանք 3. Արտագնա դասընթաց (Ծաղկաձոր կամ Աղվերան), որի նպատակն է Հրազդան, Նոր Հաճն և Սարդարապատ (Արմավիր) համայնքների սոցիալական ոլորտի աշխատուժի մասնագիտական կարողությունների զարգացումը ։

Մատակարարը սույն առաջադրանքի շրջանակում պետք է ապահովի առնվազն հետևյալը՝

• Սրահի ապահովում - մինչև 30 (U shape) մարդ տեղավորելու հնարավորությամբ,
• Սուրճի, ճաշի ընդմիջումների և ընթրիքի ապահովում  (ընդհանուր՝ 6 սուրճի ընդմիջում, 3 ճաշի ընդմիջում, 2 ընթրիք),
• Մասնակիցների գիշերակաց (երկու գիշեր/երեք օր)․

Միջոցառումը տեղի է ունենալու հուլիսի 24-26-ին:

Ի գիտություն. Կատարված աշխատանքների դիմաց Մատակարարի վճարումն կարող է իրականացվել նաև կանխավճարով:

ՄԱՏԱԿԱՐԱՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԸ

Մատակարարը պետք է նմանատիպ միջոցառումների կազմակերպման փրձառություն ունենա:

Մրցույթին կարող են մասնակցել բոլոր իրավասու ընկերություններն անկախ գրանցման վայրից։ Վերը շարադրած պահանջներին համապատասխանող ընկերությունները կարող են մինչև ս/թ հունիսի 10-ը ժամը 18:00-ն ուղարկել իրենց հայտ-գնառաջարկը aaswprocurement@gmail.com էլ․ հասցեին։

Հայտը պետք է պարտադիր կերպով ներառի հետևյալ փաստաթղթերը՝

1․ Գնային առաջարկը՝ պատշաճ կերպով կազմված, կնքված և ստորագրված կազմակերպության կողմից` Հավելված 1.-ի ձևաչափով։

Ուշադրություն. Գնային առաջարկում պետք է հստակ և մանրամասն կերպով արտացոլված լինեն մրցույթի տեխնիկական առաջադրանքում նշված բոլոր պահանջները։

Առաջարկը պետք է կազմված լինի ըստ պահանջվող ծառայությունների, քանակների, միավոր արժեքների և ընդհանուր արժեքների, ներառյալ ԱԱՀ և առանց ԱԱՀ, մատակարարման ժամկետները և այլ պայմանները, որոնք կարող են ազդեցություն ունենալ գնահատման վրա։

2․ Կազմակերպության վերաբերյալ տեղեկություններ՝ կնքված և ստորագրված Հավելված 2 ձևաչափով։

Այս փաստաթղթում պետք է ներկայացված լինեն ընկերության իրավական կարգավիճակը, պետական գրանցման մասին տվյալներ, հարկային հաշվառման համարը, բանկային տվյալները և այնպիսի տեղեկություններ, որոնք վկայում են կազմակերպության փորձի, կարողությունների և իրավասության մասին՝ համապատասխան ծառայությունների իրականացման համար։

Փաստաթղթերը հասանելի են այստեղ ։ 

Հայտերի ներկայացման վերջնաժամկետը՝ 10 հունիսի, 2025:

ԾՐԱԳՐԻ ՄԱՍԻՆ․

Ծրագրի նպատակը՝ Նպաստել փախստական, բռնի տեղահանված անձանց դիմակայության բարձրացմանը և սոցիալական ինտեգրմանը թիրախ համայնքներում՝ սոցիալական աշխատանքի կենտրոնների հիմնման, սոցիալ-հոգեբանական ծառայությունների տրամադրման և համայնքային աշխատուժի կարողությունների զարգացման միջոցով։

Ծրագիրն իրականացնող կազմակերպությունը՝ Հայաստանի սոցիալական աշխատողների ասոցիացիա

Ծրագրի ֆինանսավորումը՝ ՄԱԿ-ի Փախստականների գլխավոր հանձնակատարի գրասենյակ, Հայաստան