Հայաստանի սոցիալական աշխատողների ասոցիացիան «ՐԱՅԶ-Հայաստան» ծրագրի շրջանակում հայտարարում է մրցույթ՝ Աշտարակի բազմաֆունկցիոնալ սոցիալական խնամքի ծառայության մասնագիտական թիմի լոգոպեդի թափուր հաստիքը համալրելու նպատակով։

Պաշտոն՝ Լոգոպեդ

Մրցույթի համար՝ AASW-RISE-07/26  

Ծրագրի անվանումը՝ «ՐԱՅԶ – Հայաստան․ տեղահանված և խոցելի բնակչության վերականգնում, սոցիալական ներառում և հզորացում» ծրագիրը։                         

Ծրագրի նպատակն է՝  Հայաստանում խոցելի բնակչության, այդ թվում  Լեռնային Ղարաբաղից տեղահանվածների համար սոցիալական պաշտպանության համակարգի բարելավումը`  սոցիալական աշխատողների կարողությունների զարգացման, ինչպես նաև նոր սոցիալական ծառայությունների՝ պատրոնաժի, սոցիալական խնամքի և սոցիալ-վերականգնողական ծառայությունների հասանելիության ապահովման միջոցով։

Ծրագրի տևողությունը․ Նոյեմբեր 2024- Օգոստոս 2027                                                   

Հաշվետու է՝  Կենտրոնի սուպերվիզորին   

Գործողության սկիզբ՝ 01/08/2026                                                                               

Գործողության ավարտ՝ 30/05/2027

Աշխատանքի նպատակը` Լոգոպեդը պատասխանատու է Աշտարակի բազմաֆունկցիոնալ սոցիալական խնամքի ծառայության շահառուներին որակյալ լոգոպեդական ծառայությունների տրամադրման համար՝ նպաստելով երեխաների և մեծահասակների խոսքի, լեզվի, հաղորդակցման և կուլ տալու (անհրաժեշտության դեպքում) հմտությունների զարգացմանը, ֆունկցիոնալ կարողությունների բարելավմանը և սոցիալական ներառմանը։

Հիմնական պարտականությունները

• Իրականացնել շահառուների լոգոպեդական գնահատում՝ կիրառելով մասնագիտական գնահատման գործիքներ։
• Մշակել, իրականացնել և պարբերաբար վերանայել անհատական լոգոպեդական միջամտության պլանները։
• Անցկացնել անհատական և խմբային լոգոպեդական պարապմունքներ՝ շահառուների կարիքներին համապատասխան։
• Իրականացնել ծնողների, խնամակալների և ընտանիքի անդամների խորհրդատվություն՝ ապահովելով տնային պայմաններում միջամտությունների շարունակականությունը։
• Անհրաժեշտության դեպքում տրամադրել մասնագիտական խորհրդատվություն բազմամասնագիտական թիմի անդամներին։
• Սերտ համագործակցել սոցիալական աշխատողի, հոգեբանի, սոցիալական հմտություններ ուսուցանողի և թիմի այլ մասնագետների հետ՝ ապահովելով շահառուի անհատական աջակցության պլանի իրականացումը։
• Մասնակցել դեպքերի քննարկումներին, թիմային հանդիպումներին, մասնագիտական սուպերվիզիաներին և վերապատրաստումներին։
• Վարել սահմանված մասնագիտական փաստաթղթերը, գնահատման ձևաթղթերը, ծառայությունների գրանցումները և հաշվետվությունները։
• Ապահովել շահառուների վերաբերյալ տեղեկատվության գաղտնիությունը և պահպանել մասնագիտական էթիկայի սկզբունքները։
• Անհրաժեշտության դեպքում ծառայություններ մատուցել նաև Աշտարակի խոշորացված համայնքի բնակավայրերում՝ մոբայլ ծառայությունների շրջանակում։
• Կատարել պաշտոնին առնչվող այլ պարտականություններ։

 Նվազագույն որակավորման պահանջներ

• Բարձրագույն կրթություն՝ հատուկ մանկավարժության (լոգոպեդիա) կամ հարակից մասնագիտությամբ։
• Լոգոպեդի մասնագիտական աշխատանքի առնվազն 3 տարվա փորձ։
• Երեխաների և/կամ մեծահասակների հետ աշխատանքի փորձ։
• Բազմամասնագիտական թիմում աշխատելու կարողություն։
• Հայերենի գերազանց իմացություն։
• Համակարգչային գրագիտություն (MS Office փաթեթ)։
• Մասնագիտական զարգացմանն ուղղված վերապատրաստումների մասնակցությունը կդիտվի որպես առավելություն։

 Անձնական կարողություններ

• արդյունավետ հաղորդակցման և համագործակցության հմտություններ,
• պատասխանատվության բարձր զգացում,
• նախաձեռնողականություն,
• ժամանակի արդյունավետ կառավարում,
• ճկունություն և սթրեսակայունություն,
• շահառուակենտրոն և էթիկական աշխատանքային մոտեցում։

Աշխատանքի հիմնական վայրը` Աշտարակի բազմաֆունկցիոնալ սոցիալական խնամքի ծառայություն, Արագածոտնի մարզ, Աշտարակ համայնք։

Դիմելու համար անհրաժեշտ փաստաթղթերը՝

• ինքնակենսագրական (CV),
• մոտիվացիոն նամակ,
• բարձրագույն կրթությունը հավաստող փաստաթղթի պատճեն,
• մասնագիտական վերապատրաստումների կամ հավաստագրերի պատճեններ (առկայության դեպքում)։

Դիմելու կարգը

Հետաքրքրված թեկնածուները կարող են անհրաժեշտ փաստաթղթերն ուղարկել procurement@aasw.org էլեկտրոնային հասցեին՝ նամակի թեմայում նշելով «Լոգոպեդ»։

Դիմումների ընդունման վերջնաժամկետ՝ 28 հուլիսի, 2026 թ.

Միայն նախնական ընտրությունն անցած թեկնածուները կհրավիրվեն հարցազրույցի։