ՄՐՑՈՒՅԹԻ ՆՊԱՏԱԿԸ

Սույն մրցույթի (Մրցույթի համարը՝ AASW-REN-001/24) նպատակն է ընտրել մատակարարի՝ Հայաստանի սոցիալական աշխատողների ասոցիացիայի Աշտարակ համայնքի Օշական բնակավայրում տեղակայված Սոցիալական աշխատանքի կենտրոնի տարածքի վերանորոգման շինարարական աշխատանքների իրականացման համար։

ԱՇԽԱՏԱՆՔԻ ՇՐՋԱՆԱԿԸ

Աշխատանքներն անհրաժեշտ է իրականացնել համաձայն շինարարական աշխատանքների իրականացման համար Հայաստանի սոցիալական աշխատողների ասոցիացիայի կողմից կազմված ծավալաթերթի, և դրանում ամրագրված տեխնիկական բնութագրերի։

Նախահաշիվ - ծավալաթերթը հասանելի է այստեղ։

ԱՇԽԱՏԱՆՔԻ ԻՐԱԿԱՆԱՑՄԱՆ ԺԱՄԿԵՏՆԵՐԸ

• Աշխատանքների ցանկալի սկիզբը՝ 10 օգոստոսի, 2024
• Աշխատանքների ցանկալի ավարտ՝ 20 սեպտեմբերի, 2024

ՄՐՑՈՒՅԹԻՆ ՄԱՍՆԱԿՑՈՒԹՅՈՒՆԸ

Հայտերը պետք է ներառեն դիմում, մատակարար-կազմակերպության (իրավաբանական անձի) պետական գրանցման վկայականի պատճեն, օրենքով սահմանված կարգով շինարարական աշխատանքեր կատարելու իրավասությունը հավաստող փաստաթուղթը և գնային առաջարկը՝ համաձայն Ծավալթերթի։

Մրցույթին կարող են մասնակցել բոլոր իրավասու ընկերություններն անկախ գրանցման վայրից։ Կազմակերպությունները պետք է իրենց կնքված և ստորագրված հայտ-գնային առաջարկները ներկայացնեն մինչև ս/թ օգոստոսի 2-ը, ժամը՝ 18:00-ն, այն ուղարկելով procurement@aasw.org էլ․ հասցեին։

ՄՐՑՈՒՅԹԻ ՀԱՅՏԵՐԻ ԲԱՑՈՒՄԸ

Մրցույթի հայտերը բացվելու են ս/թ օգոստոսի 5-ին՝ մրցույթի հանձնաժողովի անդամների ներկայությամբ։

ՄՐՑՈՒՅԹԻ ՀԱՂԹՈՂԻ ԸՆՏՐՈՒԹՅՈՒՆԸ

Մրցույթի շրջանակում հաղթող մատակարարն ընտրվելու է՝ ըստ ներկայացված նվազագույն գնի և սահմանված ժամկետներում աշխատանքների իրականացման կարողության։

Ի գիտություն: Կազմակերպությունը մրցույթի շրջանակում առաջարկ ներկայացնելով համաձայնում է սույն հայտարարությամբ շինարարական  սահմանված բոլոր պահանջների կատարմանը։