Երիտասարդների մենթորը կդառնա երիտասարդների ուղեկիցը և աջակցող մասնագետը՝ նպաստելով նրանց ինքնաճանաչմանը, հմտությունների զարգացմանը և կրթական կամ մասնագիտական ուղու ընտրությանը։ Մենթորի աշխատանքը ենթադրում է ակտիվ ներգրավվածություն երիտասարդների զարգացման գործընթացում և համագործակցություն բազմամասնագիտական թիմի հետ։

Մենթորի հիմնական գործառույթները

Մենթորի գործառույթներն են.

• Իրականացնել անհատական և խմբային աշխատանք երիտասարդների հետ՝ հանդիպումների, քննարկումների և դասընթացների միջոցով։

• Գնահատել երիտասարդների ուժեղ և թույլ կողմերը և մշակել անհատական աշխատանքի պլաններ՝ շեշտադրելով ուժեղ կողմերի զարգացումը։

• Աջակցել երիտասարդներին ինքնաճանաչման, կյանքի և սոցիալական հմտությունների զարգացման գործընթացում։

• Օգնել երիտասարդներին զարգացնելու առօրյա կյանքի հմտությունները, բարձրացնելու ինքնավստահությունը, ինքնագնահատականը և հուզական կայունությունը։

• Խրախուսել երիտասարդներին կայացնել ինքնուրույն որոշումներ և ստանձնել դրանց համար պատասխանատվություն։

• Աջակցել երիտասարդների կրթական և մասնագիտական կողմնորոշման գործընթացում։

• Համագործակցել համայնքում կամ մարզում գործող կառույցների և կազմակերպությունների հետ՝ երիտասարդների համար հմտությունների ուսուցման և փորձի փոխանակման հնարավորություններ ստեղծելու նպատակով։

• Համագործակցել բազմամասնագիտական թիմի մյուս մասնագետների (սոցիալական աշխատող, հոգեբան, արտթերապևտ և այլ մասնագետներ) հետ՝ աշխատանքների արդյունավետ կազմակերպման նպատակով։

• Մասնակցել համայնքային և կրթական ծրագրերի մշակման և իրականացման գործընթացներին։

• Ներկայացնել շաբաթական հաշվետվություններ իրականացված աշխատանքների վերաբերյալ։

• Իրականացնել ծրագրի գործողություններին համապատասխան այլ գործառույթներ։

Պահանջներ

Մենք փնտրում ենք թեկնածուի, ով.

• ունի բարձրագույն կրթություն սոցիալական աշխատանքի, հոգեբանության կամ հարակից ոլորտներում,

• հեշտությամբ լեզու է գտնում երիտասարդների հետ և տիրապետում է ոչ ֆորմալ կրթության մեթոդներին,

• ունի հաղորդակցման զարգացած հմտություններ, լսելու կարողություն և էմպատիա,

• պատրաստ է աշխատել թիմում և ակտիվորեն ներգրավվել երիտասարդների զարգացման գործընթացում։

Ինչու միանալ մեզ

• Հնարավորություն աշխատելու դինամիկ և պրոֆեսիոնալ թիմում

• Մասնագիտական աճի և ստեղծագործական մոտեցումների կիրառման հնարավորություն

Դիմելու կարգ

Հետաքրքրված թեկնածուները կարող են ուղարկել իրենց ինքնակենսագրականը (CV) հետևյալ էլեկտրոնային հասցեին.

info@aasw.org

Դիմումների ներկայացման վերջնաժամկետ՝ Մարտի 25