Պաշտոնի նպատակ

Քոուչի ներգրավման նպատակն է աջակցել Հրազդանի, Նոր Հաճընի և Սարդարապատի սոցիալական աշխատանքի կենտրոնների մասնագիտական թիմերին՝ նրանց գործնական փորձի հարստացման, մասնագիտական կարողությունների զարգացման և թիմային համագործակցության ամրապնդման ուղղությամբ։

Քոուչը աշխատելու է թիմերի հետ զարգացնող և աջակցող ձևաչափով՝ նպաստելով մասնագետների ներուժի բացահայտմանը, ինքնավերլուծության կարողությունների զարգացմանը և աշխատանքային գործընթացներում ավելի գիտակցված ու արդյունավետ մոտեցումների ձևավորմանը։

Հիմնական պարտականությունների շրջանակը

Քոուչը պատասխանատու է կենտրոնների մասնագիտական թիմերի հետ համագործակցային և զարգացնող աշխատանքի իրականացման համար, մասնավորապես՝

• Կազմակերպել և իրականացնել անհատական և խմբային քոուչինգ սեսիաներ՝ ուղղված մասնագետների մասնագիտական և միջանձնային հմտությունների զարգացմանը,
• Իրականացնել համատեղ տունայցեր սոցիալական աշխատողների հետ՝ որպես գործնական ուսուցման և փորձի փոխանցման հնարավորություն՝ խթանելով մասնագետների ռեֆլեքսիան և իրավիճակների վերլուծությունը,
• Կազմակերպել և վարել ռեֆլեքսիվ քննարկումներ և ինտերվիզիոն սեսիաներ, որտեղ մասնագետները կարող են կիսվել իրենց փորձով, քննարկել աշխատանքային իրավիճակները և համատեղ ձևակերպել հնարավոր լուծումներ,
• Աջակցել մասնագետներին դեպքերի փաստաթղթավորման հմտությունների զարգացման գործընթացում՝ ներառյալ գրառումների, դեպքի նկարագրությունների և աշխատանքային արձանագրությունների ձևակերպումը,
• Խթանել թիմային համագործակցությունը, փոխադարձ աջակցությունը և բաց հաղորդակցությունը մասնագիտական թիմի ներսում,
• Նպաստել ռեֆլեքսիվ և զարգացնող աշխատանքային մշակույթի ձևավորմանը կենտրոններում։

Որակավորման պահանջները

• Բարձրագույն կրթություն սոցիալական աշխատանքի, հոգեբանության, կրթության կամ հարակից ոլորտներում,
• Առնվազն 5 տարվա մասնագիտական աշխատանքային փորձ,
• Քոուչինգի, մենթորության, սուպերվիզիայի կամ կարողությունների զարգացման ծրագրերում ներգրավվածության փորձ,
• Թիմերի հետ աշխատանքի և մասնագետների զարգացման գործընթացների կազմակերպման փորձ,
• Ռեֆլեքսիվ և հարցադրումների վրա հիմնված մոտեցումների կիրառման կարողություն,
• Բարձր հաղորդակցման, ակտիվ լսելու և միջանձնային հմտություններ,
• Ինքնուրույն և համագործակցային աշխատանքի կարողություն։

Դիմելու կարգը

Ուղարկել CV infoaasw@gmail.com էլհասցեին, մինչև ս/թ դեկտեմբերի 29-ը։