«Տուժած բնակչության կենսական ապահովման և դիմակայության ամրապնդմանն ուղղված աջակցություն դեպքի վարման և հոգեբանական առաջին օգնության միջոցով» ծրագրի շրջանակում ՀՀ 9 համայնքներում հիմնվել են Սոցիալական աշխատանքի կենտրոններ, որոնց միջոցով սոցիալական, հոգեբանական և իրավաբանական ծառայություններ են տրամադրվում Արցախից բռնի տեղահանված բնակչությանը՝ նպաստելով նրանց սոցիալական հարմարեցմանը և ինտեգրմանը համայնքներում։

Հայտարարության նպատակը

Սույն մրցույթի նպատակն է ընտրել իրավաբանական խորհրդատվության ծառայություններ մատուցող մասնագետ/կազմակերպություն, որը կապահովի Սոցիալական աշխատանքի կենտրոնների շահառուներին և անձնակազմին ուղղված որակյալ իրավաբանական աջակցություն՝ նպաստելով Արցախից բռնի տեղահանված բնակչության իրավունքների պաշտպանությանն, սոցիալական հարմարեցմանը և ինտեգրմանը համայնքներում։

Աշխատանքի հիմնական շրջանակը

Ընտրված մասնագետը/կազմակերպությունը պատասխանատու կլինի՝

• Իրավաբանական խորհրդատվության տրամադրման համար շահառուներին՝ սոցիալական աջակցության, բնակության, աշխատանքի և այլ հարցերով,
• Շահառուների ուղղորդման համար համապատասխան պետական և միջազգային կառույցներ,
• Անհատական աջակցություն փաստաթղթերի հավաքագրման, լրացման և վերականգնման գործընթացներում,
• Խմբային խորհրդատվությունների իրականացման համար,
• Սոցիալական աշխատողներին իրավաբանական հարցերով աջակցություն տրամադրելու համար,
• Անհրաժեշտության դեպքում իրավական պաշտպանության կազմակերպման համար (դատարաններ, պետական մարմիններ և այլն),
• Իրավախախտումների և խտրականության դեպքերի արձագանքման համար,
• Շահառուների համար իրավական ուղեցույցի մշակման համար։

Ակնկալվող արդյունքներ

• Շահառուների իրազեկվածության բարձրացում իրենց իրավունքների վերաբերյալ,
• Իրավաբանական ծառայությունների հասանելիության բարելավում,
• Անհրաժեշտ փաստաթղթերի պատշաճ ձևակերպում և ներկայացում,
• Իրավախախտումների դեպքերի բացահայտում և հասցեագրում,
• Սոցիալական աշխատողների կարողությունների ուժեղացում իրավական հարցերում,
• Իրավական ուղեցույցի մշակում և տարածում շահառուների շրջանում։

Պահանջվող որակավորումներ

• Բարձրագույն իրավաբանական կրթություն,
• Առնվազն 3-5 տարվա փորձ իրավաբանական խորհրդատվության ոլորտում,
• Փորձ խոցելի խմբերի, նախընտրելի է՝ տեղահանվածների հետ աշխատանքի,
• Լավ գիտելիքներ ՀՀ սոցիալական պաշտպանության և իրավական համակարգի վերաբերյալ,
• Հաղորդակցման և թիմային աշխատանքի հմտություններ։

Դիմելու կարգ

Հետաքրքրված անձինք/կազմակերպությունները կարող են ուղարկել՝ ինքնակենսագրական (CV) infoaasw@gmail.com էլհասցեին, մինչև սույն թվականի սեպտեմբերի 20-ը: