Պաշտոնը՝ Սոցիալական աշխատող (Մարալիկի սոցիալական տուն)
Ծրագրի անվանումը՝ «ՐԱՅԶ – Հայաստան․ տեղահանված և խոցելի բնակչության վերականգնում, սոցիալական ներառում և հզորացում» ծրագիրը։                          

Ծրագրի նպատակն է՝  Հայաստանում խոցելի բնակչության, այդ թվում  Լեռնային Ղարաբաղից տեղահանվածների համար սոցիալական պաշտպանության համակարգի բարելավումը`  սոցիալական աշխատողների կարողությունների զարգացման, ինչպես նաև նոր սոցիալական ծառայությունների՝ պատրոնաժի, սոցիալական խնամքի և սոցիալ-վերականգնողական ծառայությունների հասանելիության ապահովման միջոցով։                                                                          

Ծրագրի տևողությունը․ Նոյեմբեր 2024-Նոյեմբեր 2027                                                   

Հաշվետու է՝  Ծրագրի  սուպերվիզորին    

Ծրագրի շրջանակներում աշխատանքի իրականացման վայրեր՝ Մարալիկի սոցիալական տուն, ք. Մարալիկ, Շիրակի մարզ

Գործողության սկիզբ՝ 10/10/2025                                                                                Գործողության ավարտ՝ 01/10/2026 (ընդհանուր 12 ամիս՝  պայմանագրի հնարավոր երկարաձգմամբ)

1․ Աշխատանքի բովանդակությունը և նպատակը։

Սոցիալական աշխատողի աշխատանքի հիմնական նպատակը Մարալիկի սոցիալական տան շահառուների (տարեցներ, տեղահանվածներ, հաշմանդամություն ունեցող անձինք և այլ խոցելի խմբեր) սոցիալական բարեկեցության ապահովումն է՝ նրանց սոցիալական, հոգեբանական և կենցաղային կարիքներին համապարփակ արձագանքելու միջոցով։ Սոցիալական աշխատողը իրականացնում է անհատական և խմբային աշխատանք, նպաստում է շահառուների ներառմանը համայնքային կյանքում, ինչպես նաև ապահովում է շահառուների իրավունքների պաշտպանությունն ու ծառայությունների մատչելիությունը, այդ թվում ակտիվորեն համագործակցելով թիմի անդամների և գործընկերների հետ։

Մասնագետի առջև դրված հիմնական խնդիրներն են՝

• Շահառուների կարիքների գնահատում և դրանց հիման վրա անհատական միջամտության ծրագերի կազմում,
• Շահառուների շրջանում խոցելիության և ռիսկերի նվազեցում՝ անհատական մոտեցմամբ,
• Շահառուների սոցիալական ներառման, ինքնուրույնության և կյանքի որակի բարձրացմանն ուղղված միջոցառումների իրականացում,
• Համայնքային և միջմասնագիտական համագործակցության ապահովում։

Աշխատանքը հիմնվում է սոցիալական աշխատանքի հիմնական սկզբունքների վրա՝ գաղտնիություն, մասնագիտական էթիկա, շահառուի իրավունքների և արժանապատվության պաշտպանություն, անհատականացված մոտեցում և աջակցող միջավայրի ձևավորում։

2․ Աշխատանքին վերաբերող ընդհանուր պահանջները։

ա) Աշխատանքի ձևաչափը

• Աշխատանքը կատարվում է հիմնականում Սոցիալական տան տարածքում, ինչպես անհատական աշխատանքի, այնպես էլ խմբային և համայնքային կազմակերպման մեթոդների կիրառմամբ։
• Սոցիալական աշխատողը պարբերաբար իրականացնում է Սոցիալական տան շահառուների կարիքների և նրանց իրավիճակի ռիսկայնության գնահատում՝ անհատական կանոնավոր հանդիպումների, դիտարկման և փաստաթղթերի վերլուծության միջոցով։
• Խմբային աշխատանքները իրականացվում են ըստ բացահայտված կարիքների՝ կիրառելով սոցիալական աշխատանքի համապատասխան մեթոդներ (քննարկումներ, կրթական և ժամանցային խմբեր, սոցիալականացնող խմբեր և այլն)։
• Աշխատանքային գործունեությունը ներառում է համայնքային հանդիպումներ, շահագրգիռ կողմերի հետ քննարկումներ և ռեսուրսների մոբիլիզացիա, ինչպես նաև սերտ համագործակցություն մարզային և համայնքային կառույցների հետ։
• Աշխատանքի պարտադիր մաս է կազմում իրականացված միջամտությունների փաստաթղթավորումը և հաշվետվությունների պատրաստումը, որոնք պետք է իրականացվեն մասնագիտական ստանդարտներին և կազմակերպության պահանջներին համապատասխան։

բ) Աշխատանքային մոտեցումները

• Աշխատանքը կառուցվում է շահառուակենտրոն մոտեցման վրա, որտեղ յուրաքանչյուր բնակիչ դիտարկվում է որպես եզակի կարիքներ և ներուժ ունեցող անհատ։
• Աշխատանքի հիմքում մասնագիտական էթիկայի և գաղտնիության պահպանման սկզբունքներն են։
• Միջամտությունները պետք է լինեն անհատականացված, ներառական և խթանող, նպաստեն շահառուների ինքնուրույնության զարգացմանը։
• Առաջնահերթ է միջմասնագիտական համագործակցությունը, որը ենթադրում է թիմի այլ մասնագետների և արտաքին կառույցների ներգրավում։
• Աշխատանքը իրականացվում է հաշվի առնելով սոցիալական հավասարության, արժանապատվության և խտրականության բացառման սկզբունքները, հատուկ ուշադրություն դարձնելով խոցելի խմբերի իրավունքների պաշտպանությանը։
• Սոցիալական աշխատողը պարտավոր է ցուցաբերել ճկունություն և ստեղծագործական մոտեցում, համադրելով տեղի ռեսուրսները և նորարարական մասնագիտական մեթոդները։

գ) Աշխատանքի կազմակերպչական շրջանակը

• Սոցիալական աշխատողը գործում է համաձայն Հայաստանի սոցիալական աշխատողների ասոցիացիայի ներքին կանոնակարգի:
• Աշխատանքային գործունեությունը ենթադրում է պարբերական սուպերվիզիաների և դասընթացների մասնակցություն, որոնք նպաստում են մասնագիտական աճին և հոգնածության կանխարգելմանը։
• Սոցիալական աշխատողը իր գործունեության ընթացքում ենթարկվում է Սոցիալական տանը կցված Սուպերվիզորին:

3․ Մասնագետի աշխատանքային պարտականությունների շրջանակը.

ա) Անհատ շահառուի հետ աշխատանք

• Իրականացնել շահառուների կարիքների բազմակողմանի գնահատում՝ համաձայն գնահատման գործիքակազմի,
• Վերլուծել բարձր ռիսկայնության դեպքերը (բռնություն, անտեսում, առողջական կամ հոգեբանական ծանր խնդիրներ) և մշակել արագ արձագանքման գործողություններ։
• Կազմել անհատական միջամտության ծրագրեր՝ ներառելով շահառուի կարիքները, ուժեղ կողմերը և նպատակները։
• Կազմակերպել պարբերական անհատական խորհրդատվություններ, աջակցել շահառուների սոցիալական իրավունքների իրացմանը։
• Խթանել շահառուի ինքնուրույնությունը՝ կենցաղային հմտությունների, ինքնասպասարկման և սոցիալական ակտիվության խթանման միջոցով։
• Սպասարկել շահառուի կապը ընտանիքի, հարազատների և համայնքի հետ՝ նպաստելով նրա սոցիալական ներառմանը։
• Տրամադրել տեղեկատվություն և ուղղորդել շահառուներին համապատասխան պետական և հասարակական ծառայություններ (առողջապահական, կրթական, իրավաբանական, սոցիալական օգնություն և այլն)։

բ) Խմբային ձևաչափով աշխատանք

• Կազմակերպել և վարել խմբային հանդիպումներ՝ ուղղված շահառուների հմտությունների զարգացմանը (հաղորդակցական հմտություններ, ֆինանսական գրագիտություն, առողջ ապրելակերպ և այլն)։
• Խթանել բնակիչների ներգրավումը ստեղծագործական, կրթական և ժամանցային խմբակներում։
• Նպաստել շահառուների միջև փոխօգնության և համերաշխության մշակույթի ձևավորմանը։
• Կազմակերպել խմբային քննարկումներ՝ սոցիալական տան ներքին կյանքին առնչվող խնդիրների լուծման համար։
• Իրականացնել ինտերակտիվ և մասնակցային մեթոդներով միջոցառումներ, որոնք կօգնեն բնակիչներին հաղթահարել մեկուսացվածության զգացումը։

գ) Փաստաթղթավորում

• Վարել յուրաքանչյուր շահառուի սոցիալական գործը՝ ապահովելով ամբողջական և թափանցիկ փաստաթղթավորում, համաձայն գործիքակազմի։
• Մշակել և պահպանել գաղտնիության կանոններին համապատասխան տվյալների բազա։
• Ներկայացնել աշխատանքային արդյունքների մասին պարբերական հաշվետվություններ։
• Մասնակցել ծրագրերի և ծառայությունների մոնիթորինգին և գնահատմանը՝ անհրաժեշտ տվյալներ տրամադրելով։

դ) Գործընկերների հետ աշխատանք

• Համագործակցել համայնքային, մարզային և պետական կառույցների հետ՝ շահառուների կարիքների արդյունավետ լուծման համար։
• Կազմակերպել միջմասնագիտական քննարկումներ՝ ներգրավելով առողջապահական, կրթական, իրավաբանական և այլ ոլորտների մասնագետներին։
• Նպաստել համայնքային ռեսուրսների մոբիլիզացիային և շահառուների ծառայությունների հասանելիության ընդլայնմանը։

ե) Թիմում աշխատանք

• Աշխատել միասին թիմի այլ մասնագետների հետ (հոգեբան, բուժքույր, խնամողներ, սուպերվիզոր և այլն)։
• Մասնակցել պարբերական թիմային հանդիպումների և սուպերվիզիաների։
• Նպաստել թիմի ներսում տեղեկատվության և փորձի փոխանակմանը։
• Աջակցել գործընկերների մասնագիտական զարգացմանը:
• Կատարել տրված առաջադրանքները և մասնակցել կազմակերպչական հարցերի լուծմանը։

4․ Սոցիալական աշխատողին առաջադրվող որակավորման նվազագույն պահանջները.

            Պարտադիր պահանջներ.

1. Բարձրագույն մասնագիտական կրթություն կամ գտնվում է սոցիալական աշխատանքի կամ սոցիալական մանկավարժության  ավարտական կուրսում:
2. Սոցիալական ծառայությունների ոլորտում մասնագիտական կամ կամավորական աշխատանքի առնվազն 2 տարվա աշխատանքային փորձ:
3. Սոցիալական պաշտպանության համակարգի ընթացիկ բարեփոխումներին, ոլորտի իրավական դաշտին տեղեկացված լինելը:

    Առավելություն տվող պահանջներ.

1. Անդամակցությունը Հայաստանի սոցիալական աշխատողների ասոցիացիային կդիտարկվի որպես առավելություն:
2. Մասնակցությունը մասնագիտական համաժողովներին և գիտաժողովներին կդիտարկվի որպես առավելություն:

5․ Դիմելու ընթացակարգ

Հետաքրքրված թեկնածուները պետք է ներկայացնեն հետևյալ փաստաթղթերը՝ մինչև ս/թ սեպտեմբերի 21-ը ներառյալ՝

• Ինքակենսագրական (CV), որը ընդգրկում է համապատասխան փորձը և որակավորումները։

Դիմումները պետք է ուղարկվեն procurement@aasw.org էլհասցեին՝ հստակ նշելով պաշտոնը, որի համար դիմում եք։