1․ Բովանդակությունը և նպատակը՝

Ապահովել ծառայության մասնագետների և, անհրաժեշտության դեպքում, շահառուների անվտանգ և ժամանակին տեղափոխումը թիրախ խոշորացված համայնքի տարածքում՝ նպաստելով  ծառայությունների արդյունավետ և անխափան իրականացմանը։

2․ Աշխատանքային պարտականությունները

2.1 Մասնագետների տեղափոխում

• Իրականացնել սոցիալական աշխատողների, հոգեբանի, և այլ մասնագետների տեղափոխում՝ ըստ հաստատված գրաֆիկի։
• Ապահովել ժամանակին ներկայություն տնայցերի և համայնքային հանդիպումների վայրերում։
• Համագործակցել թիմի համակարգողի հետ երթուղիների պլանավորման հարցում։

2.2 Շահառուների տեղափոխում (անհրաժեշտության դեպքում)

• Ապահովել շահառուների տեղափոխում բժշկական, սոցիալական կամ համայնքային ծառայություններ ստանալու նպատակով։
• Հատուկ ուշադրություն դարձնել տարեցների, երեխաների և հաշմանդամություն ունեցող անձանց անվտանգությանը։
• Անհրաժեշտության դեպքում աջակցել շահառուի նստելուն/իջնելուն (առանց բուժքույրական միջամտության)։

2.3 Տրանսպորտային միջոցի անվտանգություն և տեխնիկական վիճակ

• Ապահովել սեփական ավտոմեքենայի տեխնիկական սարքինությունը և մաքրությունը։
• Պահպանել ճանապարհային երթևեկության կանոնները։
• Ապահովել պարտադիր ապահովագրության (ԱՊՊԱ) և տեխնիկական զննման վավերականությունը։
• Պահպանել և փաստաթղթավորել վառելիքի և երթուղիների հաշվառման տվյալներ՝ ըստ պահանջի։

 2.4 Անվտանգություն և գաղտնիություն

• Պահպանել շահառուների և ծառայության աշխատանքի վերաբերյալ հասանելի դարձած տեղեկատվության գաղտնիությունը։
• Հարգանքով և չեզոք վերաբերմունք ցուցաբերել բոլոր շահառուների նկատմամբ։
• Արտակարգ իրավիճակներում գործել արագ և պատասխանատու։

2.5 Այլ պարտականություններ

• Մասնակցել ծառայության կողմից կազմակերպվող անվտանգության հրահանգավորումներին։
• Ներկայացնել անհրաժեշտ հաշվետվություններ երթուղիների և կատարված ուղևորությունների վերաբերյալ։
• Կատարել պաշտոնի շրջանակում սահմանված այլ պարտականություններ։

3․ Առաջադրվող որակավորման նվազագույն պահանջները.

• Վարորդական իրավունքի համապատասխան կարգ (B կարգ)։
• Առնվազն 3 տարվա վարորդական փորձ։
• Սեփական տեխնիկապես սարքին ավտոմեքենա։
• Թիրախ համայնքի տարածքի լավ իմացություն։
• Բարձր պատասխանատվություն և հաղորդակցման հմտություններ։

4. Հայտերի ներկայացման կարգ

Հետաքրքրված թեկնածուները պետք է մինչև 20/08/2025 թ. ներկայացնեն իրենց ինքնակենսագրականը:

Փաստաթղթերը պետք է ուղարկել էլեկտրոնային տարբերակով հետևյալ էլհասցեին՝ procurement@aasw.org կամ  ներկայացնելով առձեռն:

Միայն կարճ ցուցակում ընդգրկված թեկնածուները կհրավիրվեն հարցազրույցի։