Մրցույթի անվանումը՝ AASW-RISE-002/26 - Լոտ 3

Պաշտոնը՝ Ծառայության սոցիալական աշխատող (Աշտարակի սոցիալական խնամքի բազմաֆունկցիոնալ ծառայություն)

Ծրագրի անվանումը՝ «ՐԱՅԶ – Հայաստան․ տեղահանված և խոցելի բնակչության վերականգնում, սոցիալական ներառում և հզորացում» ծրագիրը։                         

Ծրագրի նպատակն է՝  Հայաստանում խոցելի բնակչության, այդ թվում  Լեռնային Ղարաբաղից տեղահանվածների համար սոցիալական պաշտպանության համակարգի բարելավումը`  սոցիալական աշխատողների կարողությունների զարգացման, ինչպես նաև նոր սոցիալական ծառայությունների՝ պատրոնաժի, սոցիալական խնամքի և սոցիալ-վերականգնողական ծառայությունների հասանելիության ապահովման միջոցով։

Ծրագրի տևողությունը․ Նոյեմբեր 2024-Նոյեմբեր 2027                                                   

Հաշվետու է՝  Ծրագրի սուպերվիզորին    

Ծրագրի շրջանակներում աշխատանքի իրականացման վայրը՝ Աշտարակ խոշորացված համայնք

Գործողության սկիզբ՝ 15/03/2026                                                                                Գործողության ավարտ՝ 15/05/2026

1․ Բովանդակությունը և նպատակը՝

Ապահովել շահառուներին համալիր սոցիալական աջակցություն՝ դեպքերի կառավարման մեթոդաբանությամբ, ինչպես ցերեկային, այնպես էլ շարժական ծառայությունների շրջանակում՝ նպաստելով նրանց սոցիալական ներառմանը, կարողությունների ամրապնդմանը և կյանքի որակի բարելավմանը։

2․ Աշխատանքային պարտականությունները

• Դեպքերի վարում և կարիքների գնահատում

• Իրականացնել շահառուների սոցիալական կարիքների և ռեսուրսների առաջնային և խորքային գնահատում։
• Վերլուծել սոցիալական, տնտեսական, ընտանեկան և հոգեսոցիալական խնդիրները։
• Մշակել անհատական սոցիալական ծրագիր՝ սահմանելով հստակ նպատակներ, գործողություններ և ակնկալվող արդյունքներ։
• Պարբերաբար վերանայել և թարմացնել անհատական ծրագրերը։
• Ապահովել շահառուի ակտիվ մասնակցությունը անհատական սոցիալական ծրագրի մշակման և իրականացման գործընթացում։
  •  Սոցիալական խորհրդատվության տրամադրում
• Կազմակերպել և վարել անհատական խորհրդատվություններ։
• Կազմակերպել խմբային հանդիպումներ և աջակցման խմբեր։

• Նպաստել շահառուների սոցիալական ակտիվացմանը։
• Աջակցել շահառուների համայնքային ներգրավվածությանը։
• Ապահովել ծառայությունների շարունակականություն և հասանելիություն։

• Ուղղորդում և միջգերատեսչական համագործակցություն

• Կազմակերպել շահառուների ուղղորդումը առողջապահական, կրթական, զբաղվածության և այլ ծառայություններ մատուցող կառույցներ, ըստ անհրաժեշտության ուղեկցելով շահառուին կոնկրետ ծառայություն,
• Հետևել ուղղորդման արդյունքներին։
• Համագործակցել ՏԻՄ-ի, ՄՍԾ ՏԿ-ի և այլ կառույցների հետ։

• Բազմամասնագիտական թիմային աշխատանք

• Համագործակցել բազմամասնագիտական թիմի անդամների հետ։
• Մասնակցել դեպքերի քննարկումներին։
• Կիսվել մասնագիտական դիտարկումներով և առաջարկություններով։
  • Փաստաթղթավորում և հաշվետվություն
• Վարել դեպքերի ամբողջական փաստաթղթավորում՝ համաձայն սահմանված ձևաչափերի։
• Պահպանել շահառուների տվյալների գաղտնիությունը։
• Ներկայացնել պարբերական հաշվետվություններ Ծառայության սուպերվիզորին։
• Մասնակցել մոնիթորինգի և գնահատման գործընթացներին։

2.6 Այլ գործառույթներ․

• Մասնակցել վերապատրաստումներին և մասնագիտական հանդիպումներին։
• Կատարել պաշտոնի շրջանակում սահմանված այլ պարտականություններ։

3․ Առաջադրվող որակավորման նվազագույն պահանջները.

• Բարձրագույն կրթություն սոցիալական աշխատանքի ոլորտում։
• Առնվազն 3 տարվա մասնագիտական փորձ սոցիալական աշխատանքի ոլորտում։
• Խոցելի խմբերի հետ աշխատանքի փորձ (տեղահանված անձինք, բազմազավակ ընտանիքներ, հաշմանդամություն ունեցող անձինք և այլն)՝ առավելություն։
• Լավ հաղորդակցման և վերլուծական հմտություններ։
• Համակարգչային գրագիտություն (MS Office, online պլատֆորմների հետ աշխատանքի փորձ)։

4. Հայտերի ներկայացման կարգ

Հետաքրքրված թեկնածուները պետք է մինչև 10/03/2025 թ. ներկայացնեն հետևյալ փաստաթղթերը՝

• Ինքնակենսագրական (CV),
• Կրթությունը և մասնագիտական որակավորումը հավաստող փաստաթղթերի պատճեններ (լիցենզիա, վկայականներ, փորձառությունը հիմնավորող փաստաթղթեր և այլն՝ ըստ պաշտոնի)

Փաստաթղթերը պետք է ուղարկել էլեկտրոնային տարբերակով հետևյալ էլհասցեին՝ procurement@aasw.org :

Էլ. նամակի թեմայի տողում անհրաժեշտ է նշել համապատասխան լոտի համարը և պաշտոնի անվանումը։

Միայն կարճ ցուցակում ընդգրկված թեկնածուները կհրավիրվեն հարցազրույցի։