• Հաստիք՝ Հատուկ Մանկավարժ

• Աշխատանքի վայր՝ Գեղարքունիքի մարզ, ք․ Մարտունի (Մարտունու երեխաների ցերեկային կենտրոն)

• Հատուկ մանկավարժը հաշվետու է՝ Ծրագրի սուպերվիզորին։ Մարտունիում «Հզոր քաղաքացիական հասարակություն հանուն երեխաների հզորացված պաշտպանության» ծրագրի շրջանակում փորձարկվող նորարական ծառայության մոդելների շրջանակում փնտրում է հատուկ մանկավարժի։

• Ծրագրի տևողությունը՝ 17.նոյեմբեր.2026-28.փետրվար.2027

Կենտրոնի նպատակը և պաշտոնի հիմնական նկարագիրը. Մարտունիում «Հզոր քաղաքացիական հասարակություն հանուն երեխաների հզորացված պաշտպանության» ծրագրի շրջանակում փորձարկվող նորարական ծառայության մոդելների շրջանակում փնտրում է հատուկ մանկավարժի։ «Սոցիալ-վերականգնողական ծառայություններ հաշմանդամություն ունեցող երեխաների համար՝ համակցված վաղ մանկության զարգացման ծառայությունների հետ» մոդելում՝ հատուկ մանկավարժի աշխատանքի հիմնական նպատակն է աջակցել երեխայի զարգացմանը, կրթական և սոցիալ-կրթական հմտությունների ձևավորմանը, ինքնուրույնությանը և մանկապարտեզային ու հետագայում դպրոցական միջավայրում արդյունավետ մասնակցությանը՝ անհատական կարիքներին համապատասխանեցված զարգացման և կրթական միջամտությունների միջոցով։

Հիմնական պարտականություններ

• Մասնակցել երեխայի զարգացման, կրթական և ֆունկցիոնալ կարիքների գնահատմանը՝ համագործակցելով բազմամասնագիտական թիմի մյուս մասնագետների հետ։

• Վերհանել երեխայի զարգացման ուժեղ կողմերը, կարողությունները, հետաքրքրությունները և այն ոլորտները, որտեղ անհրաժեշտ է լրացուցիչ աջակցություն։

• Մասնակցել անհատական աջակցության պլանի մշակմանը՝ սահմանելով զարգացման, կրթական, ինքնուրույնության և մասնակցության նպատակներ։

• Մշակել և իրականացնել երեխայի անհատական զարգացմանն ուղղված գործողություններ՝ հատկապես ուշադրության, խաղային, ճանաչողական, սոցիալ-կրթական, համագործակցության, ինքնուրույնության, և նախադպրոցական ու դպրոցին նախապատրաստող հմտությունների զարգացման ուղղություններով։

• Կազմակերպել անհատական աջակցություն այնպես, որ հնարավորինս կապվի մանկապարտեզի բնական առօրյայի հետ և չհանգեցնի երեխայի առանձնացմանը խմբից։

• Համագործակցել դաստիարակի և դայակի հետ՝ խաղերը, առաջադրանքները, խմբային գործողությունները և առօրյա գործընթացները երեխայի մասնակցությանը համապատասխան հարմարեցնելու համար։

• Առաջարկել տեսողական, նյութական, հաղորդակցական կամ այլ պարզ հարմարեցումներ, որոնք կարող են բարձրացնել երեխայի մասնակցությունը։

• Դիտարկել երեխայի մասնակցությունը խմբային գործողություններին և գնահատել, թե որ հարմարեցումները կամ մեթոդներն են արդյունավետ։

• Մանկապարտեզի թիմին փոխանցել կիրառելի մեթոդներ և գործիքներ, որպեսզի երեխայի զարգացմանն ուղղված աջակցությունը շարունակվի նաև մասնագետի անմիջական ներկայությունից դուրս։

• Ընտանիքի հետ համագործակցել երեխայի ինքնուրույնության և զարգացման հմտությունները տանը ամրապնդելու ուղղությամբ։

• Մասնակցել մանկապարտեզի թիմի մասնագիտական սուպերվիզիային և դեպքերի քննարկումներին՝ ներկայացնելով երեխայի զարգացման վերաբերյալ դիտարկումները։

• Մասնակցել երեխայի առաջընթացի պարբերական գնահատմանը և աջակցության պլանի վերանայմանը։

• Անհրաժեշտության դեպքում համագործակցել լոգոպեդի, հոգեբանի և սոցիալական աշխատողի հետ՝ երեխայի զարգացման տարբեր ոլորտների միջև կապը ապահովելու նպատակով։

Համագործակցության հիմնական սկզբունքը

• Հատուկ մանկավարժն աշխատում է որպես բազմամասնագիտական թիմի անդամ, համագործակցելով այլ մասնագետների և երեխայի միջավայրի (ընտանիք, մանկապարտեզ) հետ՝ ապահովելով զարգացման միասնական մոտեցում։

Պահանջվող որակավորումներ

• Բարձրագույն կրթություն հատուկ մանկավարժության ոլորտում։

• Գործնական հմտություններ շահառուների (հատկապես երեխաների և ծնողների) հետ արդյունավետ ու ներառական հաղորդակցման մեջ։

• Թիմում աշխատելու և ինքնուրույն որոշումներ կայացնելու կարողություն։

• Բարձր պատասխանատվություն և մասնագիտական էթիկայի պահպանում։

• Փորձը սոցիալական ծառայությունների մատուցման և/կամ ոչ ֆորմալ կրթության (դասընթացների վարման) ոլորտում դիտարկվում է որպես առավելություն։

Դիմելու կարգը

Հետաքրքրված թեկնածուները կարող են ուղարկել իրենց ինքնակենսագրականը (CV) procurement@aasw.org էլ․ հասցեին՝ նամակի թեմա (subject) դաշտում նշելով պաշտոնի անվանումը («Մարտունի - Հատուկ Մանկավարժ-S06/03-AASW-2026»): Դիմումների ընդունման վերջնաժամկետն է՝ 15.11.2026թ.։