1. ՆԵՐԱԾՈՒԹՅՈՒՆ

Հայաստանի սոցիալական աշխատողների ասոցիացիան՝ ՄԱԿ-ի Փախստականների գլխավոր հանձնակատարի գրասենյակի աջակցությամբ իրականացնում է «Հզորացնելով համայնքները․ համալիր սոցիալական աջակցություն և պաշտպանություն բռնի տեղահանված բնակչության համար» ծրագիրը։

Ծրագրի շրջանակում ՀՀ Արմավիր, Արարատի և Կոտայքի մարզերում, ինչպես նաև քաղաք Երևանում, հիմնվել և գործում են Սոցիալական աշխատանքի կենտրոններ, որոնք ինտենսիվորեն գործակցում են և աշխատանքները համակարգում ՏԻՄ համայնքային սոցիալական աշխատողների և ՄՍԾ ՏԿ սոցիալական աշխատողների հետ։ Կենտրոնները հանդիսանում են համայնքային մակարդակում սոցիալական աջակցության և պաշտպանության ծառայությունների համակարգված մատուցման հարթակներ՝ ապահովելով դեպքի վարում, սոցիալ-հոգեբանական աջակցություն, միջգերատեսչական ուղղորդումներ և շահառուների ակտիվացում։

Սույն տեխնիկական առաջադրանքը վերաբերում է արտաքին փորձագիտական խորհրդատվական և սուպերվիզիոն աջակցության տրամադրմանը Կենտրոնների և ՏԻՄ և ՄՍԾ ՏԿ անձնակազմերին՝ նպատակ ունենալով նպաստել համագործակցության ձևավորված մոդելների կատարելագործմանը, համայնքային մակարդակում մասնագիտական ռեսուրսների զարգացմանը, ինչպես նաև շահառուներին տրամադրվող սոցիալ-հոգեբանական աջակցության ծառայությունների որակի բարելավմանը։

Ծրագրային և համակարգային հիմնավորում

Սոցիալական աշխատանքի կենտրոնները գործում են բարձր խոցելիության և բազմաշերտ սոցիալական խնդիրների պայմաններում, ներառյալ՝

• բռնի տեղահանված ընտանիքների ինտեգրման մարտահրավերներ,
• ընտանեկան բռնության, երեխաների պաշտպանության և անտեսման դեպքեր,
• հոգեկան առողջության խնդիրներ,
• աղքատություն և սոցիալական մեկուսացում,
• բազմակի և համակցված ռիսկեր ունեցող ընտանիքներ։

Այս միջավայրում սոցիալական աշխատողները առնչվում են.

• բարձր ռիսկային և էթիկապես բարդ որոշումների,
• միջգերատեսչական համակարգման դժվարությունների,
• մասնագիտական այրման և երկրորդային տրավմատիզացիայի ռիսկերի,
• ռիսկերի գնահատման և անվտանգության պլանավորման տարբեր պրակտիկաների։

Միաժամանակ, համայնքային սոցիալական ծառայությունների համակարգում շարունակվում են բարեփոխումներ, որոնք պահանջում են միասնական մեթոդաբանական մոտեցումներ, որակի վերահսկողություն և մասնագիտական շարունակական զարգացում։

Հաշվի առնելով ծրագրի աշխարհագրական ծավալը, շահառուների խոցելիության աստիճանը և ներգրավված մասնագետների բազմազանությունը, արտաքին սուպերվիզորական աջակցությունը դիտարկվում է որպես սոցիալական ծառայությունների կայունության և որակի բարձրացման համակարգային բաղադրիչ։

2. Տևողություն՝ Օգոստոս – դեկտեմբեր 2025 թ.
3. Ծառայությունների տրամադրման աշխարհագրությունը

• Կոտայքի մարզ – Նոր Հաճըն, Հրազդան, Աբովյան
• Արմավիրի մարզ, Արմավիր
• Արարատի մարզ,Արարատ և Վեդի
• Երևան

4. Թիրախ խմբեր

• Սոցիալական աշխատանքի կենտրոնների թիմեր
• ՏԻՄ սոցիալական բաժինների մասնագետներ/ սոցիալական աշխատողներ
• ՄՍԾ Տարածքային կառույցների (ՄՍԾ ՏԿ) սոցիալական աշխատողներ

5. Առաջադրանքի նպատակը և խնդիրները

Սույն տեխնիկական առաջադրանքի նպատակն է ապահովել Սոցիալական աշխատանքի կենտրոնների, ՏԻՄ համայնքային սոցիալական աշխատողների և ՄՍԾ ՏԿ սոցիալական աշխատողների կողմից մատուցվող սոցիալական ծառայությունների որակի, անվտանգության և արդյունավետության բարձրացում՝ արտաքին մասնագիտական սուպերվիզիայի և խորհրդատվական աջակցության միջոցով։

Արտաքին սուպերվիզորական և խորհրդատվական աջակցությունը միտված է հետևյալ խնդիրների լուծմանը․

1. Բարձր ռիսկային և բարդ դեպքերի կառավարման որակի բարելավում

• ապահովել դեպքերի խորքային մասնագիտական վերլուծություն,
• բարձրացնել ռիսկերի գնահատման և անվտանգության պլանավորման ճշգրտությունը,
• նվազեցնել սխալ կամ ոչ համաչափ միջամտությունների ռիսկը։

2. Մասնագիտական ռեֆլեքսիայի և կարողությունների զարգացում

• խթանել սոցիալական աշխատողների քննադատական և վերլուծական մտածողությունը,
• ամրապնդել մասնագիտական ինքնավստահությունը բարդ որոշումների կայացման ընթացքում,
• ձևավորել միասնական մեթոդաբանական մոտեցումներ։

3. Մասնագիտական այրման և երկրորդային տրավմատիզացիայի ռիսկերի նվազեցում

• ապահովել անվտանգ մասնագիտական տարածք դեպքերի քննարկման համար,
• աջակցել մասնագետների հոգեբանական կայունությանը,
• կանխել ծառայությունների որակի անկումը մասնագիտական ծանրաբեռնվածության պատճառով։

4. Համակարգային համագործակցության ամրապնդում

• բարելավել ՏԻՄ, ՄՍԾ ՏԿ և Սոցիալական աշխատանքի կենտրոնների միջև համագործակցության գործնական մեխանիզմները,
• աջակցել դեպքերի միջգերատեսչական համակարգման արդյունավետությանը,
• նույնականացնել համակարգային բացերն ու առաջարկել բարելավման լուծումներ։

5. Ծառայությունների որակի ապահովման մեխանիզմի ներդրում

• ձևավորել արտաքին սուպերվիզիայի կիրառման կայուն գործելակարգ,
• ապահովել դեպքի վարման որակի շարունակական վերահսկողություն,
• նպաստել սոցիալական ծառայությունների պրոֆեսիոնալացման գործընթացին։

6. Ծառայությունների շրջանակը

Արտաքին փորձագետը տրամադրում է սուպերվիզիոն և մասնագիտական խորհրդատվական ծառայություններ Սոցիալական աշխատանքի կենտրոնների, ՏԻՄ և ՄՍԾ ՏԿ սոցիալական աշխատողների համար՝ ապահովելով դեպքի վարման որակի բարձրացում, ռիսկերի կառավարման բարելավում և մասնագիտական ռեֆլեքսիա։

6.1 Արտաքին աջակցային և կրթական սուպերվիզիայի իրականացում.

6.1.1 Խմբային սուպերվիզիա (ներառյալ բարդ դեպքերի խորքային վերլուծություն).

Փորձագետը պարտավորվում է.

• Իրականացնել ամսական առնվազն 2 խմբային սուպերվիզիոն հանդիպում յուրաքանչյուր սպասարկվող համայնքում գործող կենտրոնում,
• Յուրաքանչյուր հանդիպման տևողությունը՝ 2–3 ժամ:

Խմբային սուպերվիզիայի շրջանակում փորձագետը պարտավորվում է.

• Աջակցել մասնագետներին կատարելու բարձր ռիսկային դեպքերի խորքային վերլուծություն, այդ թվում վերագնահատելու ռիսկերի մակարդակը, վերանայել անվտանգության ապահովմանն ուղղված միջոցառումները,
• Աջակցել մասնագետներին վերլուծելու դեպքի վարման քայլերի համաչափությունը,
• Առաջարկել միջամտությունների բարելավման կոնկրետ քայլեր.

6.1.2 Անհատական սուպերվիզիա (ներառյալ մասնագիտական խորհրդատվություն)

Փորձագետը պարտավորվում է.

• Ամսական առնվազն 2 անհատական սուպերվիզիոն հանդիպում համապատասխան կենտրոնների մասնագետների հետ (յուրաքանչյուր համայնքում՝ 3 Սոցիալական աշխատանքի կենտրոնի մասնագետ, 2 ՄՍԾ ՏԿ մասնագետ, 1 ՀՍԱ),
• Տևողություն՝ 1.5-2 ժամ

Անհատական սուպերվիզիայի շրջանակում փորձագետը պարտավորվում է.

• Քննարկել մասնագետի կողմից վարած բարդ և բարձր ռիսկային դեպքերը,
• Տրամադրել խորացված մասնագիտական խորհրդատվություն դեպքի կառավարման վերաբերյալ,
• Աջակցել էթիկապես բարդ որոշումների կայացմանը,
• Աջակցել մասնագիտական այրման և երկրորդային տրավմատիզացիայի կանխարգելմանը,
• Առաջարկել միջգերատեսչական ներգրավման անհրաժեշտ քայլեր (անհրաժեշտության դեպքում):

Անհատական սուպերվիզիայի շրջանակում ամսական առնվազն 5 դեպք ենթակա է խորացված մասնագիտական խորհրդատվության։

6.1.3. Կրթական (թեմատիկ) սուպերվիզիա. Ապահովել սոցիալական աշխատողների մասնագիտական կարողությունների շարունակական զարգացում, դեպքի վարման որակի միասնականացում և մեթոդաբանական բացերի նվազեցում։

Փորձագետը պարտավորվում է.

• Յուրաքանչյուր սպասարկվող համայնքում իրականացնել ամսական առնվազն 1–2 կրթական սուպերվիզիոն հանդիպում փոքր թիմերով (4–8 մասնակից),
• Յուրաքանչյուր հանդիպման տևողությունը՝ 2–3 ժամ,
• Թեմատիկ հանդիպումները կազմակերպել կրթական սուպերվիզիայի ձևաչափով՝ համատեղ վերլուծություն, գործնական օրինակներ, դեպքերի քննարկում և մեթոդաբանական պարզաբանումներ։

Հնարավոր թեմատիկ ուղղություններ (ներառյալ, բայց չսահմանափակվելով)

• Դեպքերի փաստաթղթավորում և գրանցումների որակ
• Բարձր ռիսկային դեպքերի հետ աշխատանք
• Տրավմայի հետ աշխատանք և տրավմաինֆորմացված մոտեցում
• Էթիկապես ընդունելի որոշումների կայացում
• Ռիսկերի գնահատման գործիքների կիրառություն
• Անվտանգության պլանավորման մեխանիզմներ
• Միջգերատեսչական հաղորդակցություն և դերերի հստակեցում
• Արդյունավետ մասնագիտական հաղորդակցություն շահառուների հետ
• Մասնագիտական սահմանների պահպանում

6.2. Դեպքերի քննարկումների և միջգերատեսչական հանդիպումների կազմակերպում և մասնագիտական աջակցություն: Ապահովել բարդ և բարձր ռիսկային դեպքերի համակարգված, բազմամասնագիտական քննարկում և միջգերատեսչական համագործակցության արդյունավետության բարձրացում։

6.2.1. Դեպքերի համատեղ մասնագիտական քննարկումներ

Փորձագետը պարտավորվում է.

• Ամսական առնվազն 1 համատեղ դեպքի քննարկում յուրաքանչյուր սպասարկվող համայնքում,
• Յուրաքանչյուր քննարկման ընթացքում ներգրավել համապատասխան մասնագետներ՝
• Սոցիալական աշխատանքի կենտրոն,
• ՄՍԾ ՏԿ,
• ՏԻՄ սոցիալական ծառայություն,
• Անհրաժեշտության դեպքում՝ կրթական, առողջապահական կամ իրավապահ մարմինների ներկայացուցիչներ։

Յուրաքանչյուր քննարկման ընթացքում պետք է.

• Աջակցել քննարկումը նախաձեռնող մասնագետներին կազմելու հանդիպման օրակարգ, մասնակիցների ցանկ,
• Աջակցել մասնագետին կազմելու դեպքի քննարկման պլան,
• Աջակցել մասնագետին՝ վարելու քննարկումը,
• Աջակցել մասնագետին՝ կազմելու դեպքի քննարկման արձանագրություն:

 6.2.2 Միջգերատեսչական համակարգման հանդիպումների բովանդակային աջակցություն

Փորձագետը պարտավորվում է.

• Աջակցել կազմակերպմանը և մասնակցել ամսական առնվազն 3 միջգերատեսչական համակարգման հանդիպման յուրաքանչյուր սպասարկվող համայնքում,
• Աջակցել  մշակել քննարկվող թեմաների մասնագիտական շրջանակը,
• Աջակցել կազմելու Սոցիալական աշխատանքի կենտրոնի կողմից՝ տեղահանված անձանաց հետ իրականացված աշխատանքների ամփոփագիր,
• Աջակցել համակարգման հանդիպումների վարմանը և հետագա աշխատանքների մասով համաձայնություններին ձեռք բերմանը:

7. Ակնկալվող արդյունքներ և ներկայացվող արդյունքները

Յուրաքանչյուր սպասարկվող համայնքում արտաքին փորձագետը աշխատում է առնվազն.

• 3-4 Սոցիալական աշխատանքի կենտրոնի մասնագետի հետ
• 2 ՄՍԾ ՏԿ սոցիալական աշխատողի հետ
• 1 ՏԻՄ համայնքային սոցիալական աշխատողի (ՀՍԱ) հետ

Ծրագրի իրականացման յուրաքանչյուր ամսվա ընթացքում յուրաքանչյուր համայնքում ապահովվում է առնվազն՝

Աջակցային և կրթական սուպերվիզիա

• 2 խմբային սուպերվիզիոն հանդիպում
• 2 անհատական սուպերվիզիոն հանդիպում (յուրաքանչյուր մասնագետի հետ)
• 1–2 կրթական (թեմատիկ) սուպերվիզիոն հանդիպում
• առնվազն 5 բարդ/բարձր ռիսկային դեպքի խորքային մասնագիտական խորհրդատվություն

Դեպքերի քննարկումներ

• 1 համատեղ մասնագիտական դեպքի քննարկում
• առնվազն 1 դեպքի քննարկման արձանագրություն

Միջգերատեսչական համակարգում

• առնվազն 3 միջգերատեսչական համակարգման հանդիպում
• առնվազն 1 ամփոփագիր տեղահանված անձանց հետ իրականացված աշխատանքի վերաբերյալ

Ծառայությունների արդյունքում յուրաքանչյուր համայնքում ակնկալվում է.

• Դեպքի վարման փաստաթղթավորման որակի բարելավում
• Ռիսկերի գնահատման միասնականացված մոտեցում
• Անվտանգության պլանների բովանդակային ուժեղացում
• Միջգերատեսչական համագործակցության կառուցվածքային ամրապնդում
• Մասնագիտական այրման ռիսկերի նվազեցում
• Սոցիալական ծառայությունների որակի տեսանելի բարելավում

7. Հաշվետվողականություն

7.1 Աշխատանքային պլան

Փորձագետը պարտավոր է Պայմանագրի ուժի մեջ մտնելուց հետո առավելագույնը 5 աշխատանքային օրվա ընթացքում ներկայացնել մանրամասն աշխատանքային պլան, որը ներառում է.

• Սպասարկվող համայնքների բաշխում,
• Սուպերվիզիոն հանդիպումների ամսական ժամանակացույց,
• Կրթական (թեմատիկ) սուպերվիզիայի առաջարկվող թեմաներ,
• Դեպքերի քննարկումների և միջգերատեսչական հանդիպումների պլան,
• Աշխատանքային օրերի բաշխում համայնքներով,
• Ակնկալվող քանակական արդյունքների պլանային ցուցանիշներ։

Աշխատանքային պլանը ենթակա է Ծրագրի ղեկավարի հաստատմանը։

7.2 Առաջընթացի հաշվետվություններ

Փորձագետը պարտավորվում է ներկայացնելու բովանդակային հաշվետվություններ ամբողջ ծրագրի ընթացքում երկու անգամ՝ 1) օգոստոս-հոկտեմբեր, 2) նոյեմբեր-դեկտեմբեր, յուրաքանչյուր ժամանակահատվածի ավարտից հետո 10 աշխատանքային օրվա ընթացքում:

8. Դերերի և պատասխանատվությունների տարանջատում

Արտաքին փորձագետը համագործակցում է տվյալ կենտրոնին կցված սուպերվիզորի հետ և ենթարկվում է Ծրագրի ղեկավարին։

9. Մասնագիտական պահանջներ և դիմելու ընթացակարգ

9.1 Մասնագիտական պահանջներ.

• Բարձրագույն կրթություն սոցիալական աշխատանքի ոլորտում,
• Առնվազն 10 տարվա մասնագիտական փորձ,
• Սուպերվիզիոն կամ խորհրդատվական  աշխատանքների իրականացման փորձ,
• Սոցիալական պաշտպանության համակարգի ընթացիկ բարեփոխումներին, ոլորտի իրավական դաշտին տեղեկացված լինելը:
• Մասնակցություն Հայաստանի սոցիալական աշխատողների ասոցիացիայի և CFECECAS (Սոցիալական աշխատողների վերապատրաստման և մասնագիտական զարգացման կենտրոն)-ի կողմից կազմակերպված Սոցիալական աշխատողների քոուչների և սուպերվիզորների լիցենզավորման դասընթացին:

9.2 Դիմելու կարգ

Մրցույթին կարող են մասնակցել ինչպես անհատ մասնագետներ (ֆիզիկական անձիք կամ անհատ ձեռնարկատերեր), այնպես էլ մասնագիտական խմբեր, որոնք բավարարում են սույն Տեխնիկական առաջադրանքով սահմանված պահանջներին։

Թեկնածուները կարող են դիմել.

• մեկ համայնքի համար,
• մի քանի համայնքների համար,
• կամ բոլոր հայտարարագրված համայնքների համար։

Դիմումում պետք է հստակ նշվի, թե որ համայնքի/համայնքների համար է ներկայացվում հայտը։

9.2.1. Անհատական մասնակցություն

Անհատ թեկնածուն պետք է ներկայացնի.

• Ինքնակենսագրություն (CV),
• Տեխնիկական առաջարկ,
• Գնային առաջարկ՝ մեկ համայնքի համար:

9.2.2. Խմբային մասնակցություն

Եթե հայտը ներկայացվում է խմբով, ապա.

• Ներկայացվում է խմբի ղեկավարի ինքնակենսագրությունը,
• Ներկայացվում են խմբի բոլոր անդամների ինքնակենսագրությունները,
• Միասնական տեխնիկական առաջարկը,
• Գնային առաջարկ՝ մեկ համայնքի համար: