1. Ընդհանուր տեղեկատվություն ծրագրի մասին

Հոգեբանի ներգրավումը նախատեսվում է «Հզոր քաղաքացիական հասարակություն հանուն երեխաների հզորացված պաշտպանության» ծրագրի շրջանակում, որը իրականացվում է World Vision Germany և Վորլդ Վիժն Հայաստան երեխաների պաշտպանության հիմնադրամի ղեկավարությամբ՝ համագործակցելով
Երեխաների պաշտպանության ցանց, Հայաստանի Սոցիալական Աշխատողների Ասոցիացիա, Արմավիրի Զարգացման Կենտրոն և Տահույս կազմակերպությունների հետ՝ Գերմանիայի տնտեսական համագործակցության և զարգացման դաշնային նախարարություն ֆինանսական աջակցությամբ։

Մարտունու երեխաների ցերեկային կենտրոնը գործարկվում է Հայաստանի սոցիալական աշխատողների ասոցիացիայի կողմից և նպատակ ունի ապահովել խոցելի իրավիճակում գտնվող երեխաների պաշտպանությունը, հոգեսոցիալական աջակցությունը, սոցիալական ներառումը և զարգացման հնարավորությունները։

2. Առաջադրանքի նպատակ

Ներգրավել որակավորված հոգեբան՝

• Մարտունու երեխաների ցերեկային կենտրոնում հաճախող երեխաներին անհատական և խմբային հոգեբանական աջակցություն տրամադրելու,

• հոգեսոցիալական միջամտությունների իրականացման,

• դեպքերի կառավարման գործընթացում մասնակցության,

• երեխաների պաշտպանության մեխանիզմների ամրապնդման նպատակով։

3. Հիմնական աշխատանքային պարտականություններ

Հոգեբանը պարտավորվում է՝

3.1. Հոգեբանական գնահատում և աջակցություն

• Իրականացնել երեխաների հոգեբանական առաջնային և խորքային գնահատում,

• մշակել անհատական աջակցության պլաններ,

• տրամադրել անհատական խորհրդատվություն,

• վարել խմբային հոգեբանական աշխատանքներ (հոգեսոցիալական խմբեր, հմտությունների զարգացում, հուզական կարգավորում և այլն),

• իրականացնել ճգնաժամային միջամտություններ անհրաժեշտության դեպքում։

3.2. Դեպքի վարում և միջոլորտային համագործակցություն

• Համագործակցել սոցիալական աշխատողների հետ դեպքի վարման շրջանակում,

• մասնակցել բազմամասնագիտական թիմային քննարկումներին,

• անհրաժեշտության դեպքում իրականացնել ուղղորդումներ համապատասխան ծառայությունների (առողջապահական, կրթական, սոցիալական պաշտպանության և այլն),

• ապահովել մասնագիտական եզրակացությունների տրամադրում։

3.3. Ծնողների և խնամակալների հետ աշխատանք

• Կազմակերպել ծնողական խորհրդատվություններ,

• իրականացնել ծնողական կարողությունների զարգացման խմբային հանդիպումներ,

• աջակցել ընտանիք-երեխա հարաբերությունների բարելավմանը։

3.4. Կանխարգելիչ և կրթական աշխատանք

• Իրականացնել հոգեկան առողջության, բռնության կանխարգելման, հուզական ինտելեկտի, կոնֆլիկտների լուծման թեմաներով միջոցառումներ,

• մասնակցել կենտրոնի կողմից կազմակերպվող կրթական և զարգացման ծրագրերին։

3.5. Փաստաթղթավորում և հաշվետվություն

• Վարել դեպքերի փաստաթղթավորում՝ համաձայն կազմակերպության ներքին ընթացակարգերի,

• ներկայացնել ամսական և պահանջվող այլ հաշվետվություններ,

• ապահովել տվյալների գաղտնիությունը և էթիկական չափանիշների պահպանումը։

4. Պահանջվող որակավորումներ

Թեկնածուն պետք է ունենա՝

• Բարձրագույն կրթություն հոգեբանության ոլորտում (մագիստրոսի աստիճանը նախընտրելի է),

• Առնվազն 2 տարվա մասնագիտական փորձ երեխաների հետ աշխատանքի ոլորտում,

• Փորձ խոցելի խմբերի, այդ թվում՝ սոցիալական դժվար իրավիճակում գտնվող երեխաների հետ աշխատանքի ոլորտում,

• Բազմամասնագիտական թիմում աշխատանքի փորձ,

• Հայերեն լեզվի գերազանց իմացություն (ռուսերենը ցանկալի է),

• Համակարգչային բազային հմտություններ։

Առավելություն կհամարվի՝

• Երեխաների պաշտպանության ոլորտում փորձ,

• Տրավմայի հետ աշխատանքի փորձ,

• Խմբային աշխատանքի մեթոդաբանությունների իմացություն,

• Համապատասխան վերապատրաստումների և սերտիֆիկատների առկայություն։

5. Աշխատանքի տևողություն և պայմաններ

• Աշխատանքի վայրը՝ Մարտունի քաղաքի երեխաների ցերեկային կենտրոն

• Աշխատանքի ձևաչափ՝ պայմանագրային

• Տևողություն՝ ծրագրի շրջանակում (նախնական՝ 12 ամիս, երկարաձգման հնարավորությամբ)

• Աշխատաժամանակ՝ համաձայն պայմանագրի:

6. Ենթակայություն և հաշվետվողականություն

Հոգեբանը հաշվետու է կենտրոնի սուպերվիզորին և ծրագրի ղեկավարությանը։
Աշխատանքն իրականացվում է ծրագրի երեխաների պաշտպանության քաղաքականության և էթիկական չափանիշների լիարժեք պահպանմամբ։

7. Դիմելու կարգ

Հետաքրքրված թեկնածուները պետք է ներկայացնեն՝ ինքնակենսագրական (CV), էլեկտրոնային տարբերակով՝
infoaasw@gmail.com հասցեին, թեմա (Subject) դաշտում նշելով՝ «Մարտունի Ցերեկային Կենտրոն – Հոգեբան», մինչև սույն թվականի դեկտեմբերի 10-ը:

Միայն նախնական ընտրությունը անցած թեկնածուները կհրավիրվեն հարցազրույցի։