Մրցույթի անվանումը՝ AASW-RISE-002/26 - Լոտ 6

Պաշտոնը՝ Խնամքի մասնագետ / Ընտանիքի մենթոր (Աշտարակի սոցիալական խնամքի բազմաֆունկցիոնալ ծառայություն)

Ծրագրի անվանումը՝ «ՐԱՅԶ – Հայաստան․ տեղահանված և խոցելի բնակչության վերականգնում, սոցիալական ներառում և հզորացում» ծրագիրը։                         

Ծրագրի նպատակն է՝  Հայաստանում խոցելի բնակչության, այդ թվում  Լեռնային Ղարաբաղից տեղահանվածների համար սոցիալական պաշտպանության համակարգի բարելավումը`  սոցիալական աշխատողների կարողությունների զարգացման, ինչպես նաև նոր սոցիալական ծառայությունների՝ պատրոնաժի, սոցիալական խնամքի և սոցիալ-վերականգնողական ծառայությունների հասանելիության ապահովման միջոցով։

Ծրագրի տևողությունը․ Նոյեմբեր 2024-Նոյեմբեր 2027     

Հաշվետու է՝  Ծրագրի սուպերվիզորին    

Ծրագրի շրջանակներում աշխատանքի իրականացման վայրը՝ Աշտարակ խոշորացված համայնք

Գործողության սկիզբ՝ 15/03/2026    

Գործողության ավարտ՝ 15/05/2026

1․ Բովանդակությունը և նպատակը՝

Տրամադրել գործնական, ուղղակի աջակցություն և մենթորություն խոցելի ընտանիքներին և անհատներին՝ շարժական (տնայցային) ծառայությունների միջոցով՝ կենտրոնանալով հետևյալ ուղղությունների վրա՝

• Ծնողավարության և վարքային հմտությունների զարգացում
• Կենցաղային և կյանքի հմտությունների ձևավորում
• Տարեցների և ինքնասպասարկման սահմանափակում ունեցող անձանց խնամքի աջակցություն
• Անկախության և ֆունկցիոնալ կարողությունների ամրապնդում

Խնամքի մասնագետը / Ընտանիքի մենթորը աշխատում է սոցիալական աշխատողի կողմից մշակված Անհատական սոցիալական ծրագրի հիման վրա և չի փոխարինում սոցիալական աշխատողի դեպքի կառավարման գործառույթը։

2․ Աշխատանքային պարտականությունները

 2.1 Կենցաղային և կյանքի հմտությունների զարգացում

• Իրականացնել պարբերական տնայցեր՝ համաձայն Անհատական միջամտության ծրագրի։
• Աջակցել ընտանիքներին ապահով և հիգիենիկ կենսապայմանների կազմակերպման հարցում։
• Սովորեցնել և ցուցադրել սննդի պատրաստման հմտություններ՝ կենտրոնանալով մատչելի և առողջ սննդակարգի վրա։
• Աջակցել ընտանեկան բյուջեի պլանավորմանը և ռեսուրսների արդյունավետ կառավարմանը։
• Աջակցել ընտանիքներին օրակարգի և առօրյա ռեժիմի կազմակերպման հարցում։
• Խրախուսել ընտանիքի անդամների ակտիվ ներգրավվածությունը կենցաղային պարտականություններում։

2.2 Ծնողավարության աջակցություն և ընտանեկան մենթորություն

• Ցուցադրել դրական ծնող-երեխա փոխհարաբերությունների մոդելներ։
• Խթանել ոչ բռնի և աջակցող ծնողավարական մոտեցումները։
• Աջակցել երեխաների հիգիենայի, խնամքի և զարգացման կազմակերպմանը։
• Աջակցել երեխաների դպրոցական մասնակցության ապահովմանը։
• Կիրառել գործընկերային (peer-to-peer) մոտեցում՝ հիմնված վստահության և փոխադարձ հարգանքի վրա։
• Արձանագրել և ամրապնդել ընտանիքի դրական առաջընթացը։

2.3 Տարեցների և ինքնասպասարկման սահմանափակում ունեցող անձանց խնամք

• Անհրաժեշտության դեպքում աջակցել անձնական հիգիենայի կազմակերպմանը (լողացում, հարդարում, հագնվելու աջակցություն)։
• Աջակցել բնակելի տարածքի մաքրության պահպանմանը։
• Աջակցել սննդի պատրաստմանը և, անհրաժեշտության դեպքում, սնվելու գործընթացին։
• Խրախուսել և պահպանել շահառուի մնացած ինքնասպասարկման կարողությունները։
• Աջակցել բնակելի միջավայրի հարմարեցմանը՝ ապահովության բարձրացման նպատակով։
• Անհրաժեշտության դեպքում ուղեկցել տարեց շահառուին զբոսանքի կամ համայնքային միջոցառումների։

  2.4 Հուզական աջակցություն և սոցիալական ակտիվացում

• Տրամադրել աջակցող ներկայություն և խրախուսում։
• Նվազեցնել սոցիալական մեկուսացումը, հատկապես տարեցների շրջանում։
• Խթանել համայնքային մասնակցությունը հնարավորության դեպքում։

 2.5 Բազմամասնագիտական համագործակցություն

• Պարբերաբար հաղորդակցվել տվյալ դեպքի սոցիալական աշխատողի հետ։
• Իրականացնել միջամտությունները՝ համաձայն Անհատական սոցիալական ծրագրի։
• Տեղեկացնել Ծառայության սուպերվիզորին առաջընթացի և ռիսկերի մասին։
• Անմիջապես հաղորդել երեխաների պաշտպանության կամ անվտանգության ռիսկերի մասին։
• Մասնակցել դեպքերի քննարկումներին և բազմամասնագիտական հանդիպումներին։

2.6  Փաստաթղթավորում և հաշվետվողականություն

• Փաստաթղթավորել յուրաքանչյուր տնայց և իրականացված միջամտություն։
• Վարել առաջընթացի վերաբերյալ կառուցվածքային գրանցումներ։
• Ներկայացնել պարբերական հաշվետվություններ Ծառայության սուպերվիզորին։
• Ապահովել շահառուների անձնական տվյալների գաղտնիությունը։

2.7 Այլ պարտականություններ

• Մասնակցել վերապատրաստումներին և սուպերվիզիայի հանդիպումներին։
• Աջակցել մոնիթորինգի և գնահատման գործընթացներին։
• Կատարել աշխատանքին առնչվող այլ պարտականություններ։

3․ Առաջադրվող որակավորման նվազագույն պահանջները.

• Միջին մասնագիտական կամ բարձրագույն կրթություն (սոցիալական խնամք, մանկավարժություն, առողջապահություն կամ հարակից ոլորտ՝ առավելություն)։
• Խոցելի ընտանիքների և/կամ տարեցների հետ աշխատանքի փորձ։
• Լավ հաղորդակցման և վստահության վրա հիմնված հարաբերություններ կառուցելու կարողություն։
• Հիմնական համակարգչային գրագիտություն (MS Office, առցանց գործիքներ)։

4. Հայտերի ներկայացման կարգ

Հետաքրքրված թեկնածուները պետք է մինչև 10/03/2025 թ. ներկայացնեն հետևյալ փաստաթղթերը՝

• Ինքնակենսագրական (CV),
• Կրթությունը և մասնագիտական որակավորումը հավաստող փաստաթղթերի պատճեններ (լիցենզիա, վկայականներ, փորձառությունը հիմնավորող փաստաթղթեր և այլն՝ ըստ պաշտոնի)

Փաստաթղթերը պետք է ուղարկել էլեկտրոնային տարբերակով հետևյալ էլհասցեին՝ procurement@aasw.org :

Էլ. նամակի թեմայի տողում անհրաժեշտ է նշել համապատասխան լոտի համարը և պաշտոնի անվանումը։

Միայն կարճ ցուցակում ընդգրկված թեկնածուները կհրավիրվեն հարցազրույցի։