Մրցույթի անվանումը՝ AASW-RISE-002/26 - Լոտ 7

Պաշտոնը՝ Սոցիալական հմտությունների ուսուցանող (Աշտարակի սոցիալական խնամքի բազմաֆունկցիոնալ ծառայություն)

Ծրագրի անվանումը՝ «ՐԱՅԶ – Հայաստան․ տեղահանված և խոցելի բնակչության վերականգնում, սոցիալական ներառում և հզորացում» ծրագիրը։                         

Ծրագրի նպատակն է՝  Հայաստանում խոցելի բնակչության, այդ թվում  Լեռնային Ղարաբաղից տեղահանվածների համար սոցիալական պաշտպանության համակարգի բարելավումը`  սոցիալական աշխատողների կարողությունների զարգացման, ինչպես նաև նոր սոցիալական ծառայությունների՝ պատրոնաժի, սոցիալական խնամքի և սոցիալ-վերականգնողական ծառայությունների հասանելիության ապահովման միջոցով։

Ծրագրի տևողությունը․ Նոյեմբեր 2024-Նոյեմբեր 2027  

Հաշվետու է՝  Ծրագրի սուպերվիզորին    

Ծրագրի շրջանակներում աշխատանքի իրականացման վայրը՝ Աշտարակ խոշորացված համայնք

Գործողության սկիզբ՝ 15/03/2026                                                                                Գործողության ավարտ՝ 15/05/2026

1․ Բովանդակությունը և նպատակը՝

Ապահովել երեխաների և երիտասարդների սոցիալական, հաղորդակցական և ինքնուրույն կյանքի հմտությունների զարգացումը՝ նպաստելով նրանց սոցիալական ներառմանը, կրթական և համայնքային մասնակցությանը, ինչպես նաև անկախ կյանքի կարողությունների ձևավորմանը։

Հատուկ ուշադրություն է դարձվում հաշմանդամություն ունեցող երեխաների և երիտասարդների ներառական զարգացմանը։

2․ Աշխատանքային պարտականությունները

2.1 Սոցիալական հմտությունների զարգացման ծրագրերի իրականացում

• Մշակել և իրականացնել սոցիալական հմտությունների զարգացման խմբային ծրագրեր։
• Իրականացնել հաղորդակցման, համագործակցության և թիմային աշխատանքի հմտությունների զարգացում։
• Զարգացնել կոնֆլիկտների խաղաղ կարգավորման հմտություններ։
• Զարգացնել ինքնարտահայտման և ինքնավստահության կարողություններ։
• Խթանել սոցիալական պատասխանատվության և կանոնների պահպանման մշակույթը։

2.2  Անկախ կյանքի և գործնական հմտությունների զարգացում

• Սովորեցնել ինքնասպասարկման հմտություններ (անձնական հիգիենա, ժամանակի կառավարում)։
• Զարգացնել ֆինանսական գրագիտության տարրական հմտություններ (բյուջե, գնումներ)։
• Աջակցել կրթական և մասնագիտական կողմնորոշմանը (երիտասարդների դեպքում)։
• Կազմակերպել գործնական վարժանքներ՝ իրական կյանքի սիմուլյացիոն մեթոդներով։

2.3 Ներառական աշխատանք հաշմանդամություն ունեցող երեխաների և երիտասարդների հետ

• Ապահովել ծրագրերի հարմարեցում՝ ըստ անհատական կարիքների։
• Օգտագործել տեսողական, խաղային և փորձարարական մեթոդներ։
• Համագործակցել ընտանիքների և այլ մասնագետների հետ՝ ապահովելով ներառական մոտեցում։
• Նպաստել ինքնապաշտպանության և ինքնավստահության զարգացմանը։
• Աջակցել սոցիալական մեկուսացման հաղթահարմանը։

2.4 Խմբային և համայնքային միջոցառումներ

• Կազմակերպել խմբային ինտերակտիվ հանդիպումներ, խաղեր և թիմային ակտիվություններ։
• Կազմակերպել համայնքային ներգրավվածության միջոցառումներ։
• Նպաստել երեխաների և երիտասարդների մասնակցությանը համայնքային կյանքին։

2.5 Բազմամասնագիտական համագործակցություն

• Համագործակցել բազմամասնագիտական թիմի անդամների հետ։
• Մասնակցել դեպքերի քննարկումներին։
• Տրամադրել դիտարկումներ երեխաների և երիտասարդների սոցիալական առաջընթացի վերաբերյալ։

2.6  Փաստաթղթավորում և հաշվետվողականություն

• Վարել խմբային և անհատական աշխատանքների գրանցումներ։
• Փաստաթղթավորել առաջընթացը և դժվարությունները։
• Ներկայացնել պարբերական հաշվետվություններ Ծառայության սուպերվիզորին։
• Պահպանել շահառուների տվյալների գաղտնիությունը։

2.7 Այլ պարտականություններ

• Մասնակցել վերապատրաստումներին և սուպերվիզիայի հանդիպումներին։
• Աջակցել մոնիթորինգի և գնահատման գործընթացներին։
• Կատարել աշխատանքին առնչվող այլ պարտականություններ։

3․ Առաջադրվող որակավորման նվազագույն պահանջները.

• Բարձրագույն կրթություն մանկավարժության, սոցիալական աշխատանքի, հոգեբանության կամ հարակից ոլորտում։
• Առնվազն 2 տարվա աշխատանքային փորձ երեխաների և/կամ երիտասարդների հետ։
• Հաշմանդամություն ունեցող երեխաների հետ աշխատանքի փորձ՝ առավելություն։
• Խմբային աշխատանքի և ոչ ֆորմալ կրթության մեթոդների իմացություն։
• Ստեղծագործական և հաղորդակցական հմտություններ։
• Համակարգչային գրագիտություն (MS Office, առցանց գործիքներ)։

4. Հայտերի ներկայացման կարգ

Հետաքրքրված թեկնածուները պետք է մինչև 10/03/2025 թ. ներկայացնեն հետևյալ փաստաթղթերը՝

• Ինքնակենսագրական (CV)
• Կրթությունը և մասնագիտական որակավորումը հավաստող փաստաթղթերի պատճեններ (լիցենզիա, վկայականներ, փորձառությունը հիմնավորող փաստաթղթեր և այլն՝ ըստ պաշտոնի)

Փաստաթղթերը պետք է ուղարկել էլեկտրոնային տարբերակով հետևյալ էլհասցեին՝ procurement@aasw.org :

Էլ. նամակի թեմայի տողում անհրաժեշտ է նշել համապատասխան լոտի համարը և պաշտոնի անվանումը։

Միայն կարճ ցուցակում ընդգրկված թեկնածուները կհրավիրվեն հարցազրույցի։