Ծառայությունները իրականացվելու են «Տուժած բնակչության կենսական ապահովման և դիմակայության ամրապնդմանն ուղղված աջակցություն դեպքի վարման և հոգեբանական առաջին օգնության միջոցով» ծրագրի շրջանակում, որն իրականացվում է ՄԱԿ-ի Մանկական հիմնադրամի աջակցությամբ, և որի նպատակն է բարձրացնել հանրային իրազեկվածությունը խնամատարության վերաբերյալ և խթանել խնամատար ընտանիքների ներգրավումը:

Աշխատանքների հիմնական շրջանակը

Կատարողը պետք է ապահովի՝

• Սոցիալական մեդիա հաղորդակցության ռազմավարության մշակում,
• Հաղորդակցության նյութերի սցենարների և բովանդակության մշակում,
• Տեսանյութերի, ռիլերի և վիզուալ նյութերի արտադրություն,
• Սոցիալական մեդիա էջերի կառավարում,
• Հետադարձ կապի ապահովում և լսարանի ներգրավվածության կառավարում։

Ակնկալվող արդյունքներ

• Մշակված և հաստատված հաղորդակցության ռազմավարություն,
• Հաղորդակցության սցենարների ամբողջական փաթեթ,
• Պատրաստված և հրապարակված հաղորդակցական նյութեր,
• Ակտիվ և համակարգված սոցիալական մեդիա կառավարում,
• Խնամատարության վերաբերյալ հանրային իրազեկվածության բարձրացում։

Մասնակցության պահանջներ

Հետաքրքրված կազմակերպությունները/անհատները պետք է ներկայացնեն՝

• Գնային առաջարկ,
• Կարճ տեխնիկական առաջարկ (մոտեցում և մեթոդաբանություն),
• Նախկին նմանատիպ աշխատանքների փորձի նկարագրություն (պորտֆոլիո):

Գնային առաջարկը պետք է ներառի ծառայությունների ամբողջական արժեքը՝ ապահովելով ամբողջական ծառայությունների փաթեթը:

Հայտերի ներկայացում

Հետաքրքրված կողմերը կարող են իրենց առաջարկները ուղարկել մինչև սույն թվականի նոյեմբերի 10-ը՝ procurement@aasw.org էլեկտրոնային հասցեին՝ «Communication Services - Foster Care» թեմայով։