Տեղահանված և խոցելի բնակչության վերականգնում, սոցիալական ներառում և հզորացում
ԾՐԱԳՐԻ ՄԱՍԻՆ
Ծրագիրը ուղղված է սոցիալական պաշտպանության ոլորտում առկա առաջնահերթ մարտահրավերների հաղթահարմանը՝ նոր սոցիալական խնամքի և վերականգնողական ծառայությունների մշակման, կարգավորումների ամրապնդման և սոցիալական աշխատողների վերապատրաստման միջոցով՝ դեպքերի վարումն ու կառավարման արդյունավետությունը բարձրացնելու նպատակով։ Խոցելի խմբերը անմիջականորեն կօգտվեն ընդլայնված սոցիալական ծառայություններից և կարիքահեն աջակցության ծրագրերից, ներառյալ վերապատրաստման, վերաորակավորման և ինքնազբաղվածության հնարավորությունները։ Բացի այդ, ծրագիրը հզորացնում է քաղաքացիական հասարակության կազմակերպություններին ենթադրամաշնորհների և կարողությունների զարգացման նախաձեռնությունների միջոցով՝ խթանելով կայուն, համայնքի վրա հիմնված լուծումների ձևավորումը։
ԾՐԱԳՐԻ ԲԱՂԱԴՐԻՉՆԵՐ
ՍՈՑԻԱԼԱԿԱՆ ԾԱՌԱՅՈՒԹՅՈՒՆՆԵՐԻ ՆՈՐ ՄՈԴԵԼՆԵՐԻ ՄՇԱԿՈՒՄ
Այս բաղադրիչի նպատակն է մշակել, փորձարկել և համակարգային մակարդակում ներդնել նորարարական սոցիալական խնամքի և վերականգնողական ծառայությունների մոդելներ՝ ուղղված խոցելի բնակչությանը, այդ թվում՝ ԼՂ-ից տեղահանվածներին։
Հիմնական ուղղություններ և արդյունքներ.
-
Սոցիալական նոր ծառայությունների մոդելների մշակում և պիլոտավորում, ներառյալ՝
-
սոցիալական պատրոնաժի ծառայություններ,
-
սոցիալ-վերականգնողական ծառայություններ,
-
խնամքի ծառայություններ (տնային խնամք, փոքր խմբային տուն)։
-
-
Մշակված ծառայությունների ամբողջական մոդելային փաթեթի ներկայացում ՀՀ կառավարությանը՝ որպես օրինակելի մոտեցումներ ազգային մասշտաբով կիրառման համար։
-
Երկու փոքր խմբային տների հիմնադրում Տավուշի և Արագածոտնի մարզերում։
-
Մարալիկի սոցիալական կացարանի բարելավում և ծառայությունների ընդլայնում։
-
Խոցելի բնակչության համար ուղղակի ծառայությունների հասանելիության ընդլայնում և սոցիալական ներառման խթանում։
ՍՈՑԻԱԼԱԿԱՆ ԾԱՌԱՅՈՒԹՅՈՒՆՆԵՐԻ ԱՇԽԱՏՈՒԺԻ ԿԱՐՈՂՈՒԹՅՈՒՆՆԵՐԻ ԶԱՐԳԱՑՈՒՄ
Այս բաղադրիչի նպատակն է բարձրացնել սոցիալական ծառայությունների ոլորտում աշխատող մասնագետների կարողությունները՝ ծառայությունների որակի և դեպքի կառավարման արդյունավետության բարելավման համար։
Հիմնական ուղղություններ և արդյունքներ.
-
90–100 սոցիալական աշխատողների և աջակցող մասնագետների կարողությունների հզորացում (վերապատրաստում, մեթոդաբանական աջակցություն, մասնագիտական զարգացում)։
-
Սոցիալական ծառայությունների կազմակերպման և մատուցման ոլորտում աշխատուժի կարողությունների ամրապնդում՝ նոր ծառայությունների մոդելների կիրառման համար։
-
Մասնագետների կարողությունների զարգացում՝ սոցիալական պատրոնաժի, խնամքի և սոցիալ-վերականգնողական ծառայությունների իրականացման համար։